Virat Kohli | ವಿರಾಟ್ ಯಾರಿಗೂ ಕೇರ್ ಮಾಡ್ಬೇಡ..!
ಭಾರತ ತಂಡದ ಮಾಜಿ ನಾಯಕ ವಿರಾಟ್ ಕೊಹ್ಲಿ ಅವರ ಪ್ರದರ್ಶನವನ್ನು ಟೀಕಿಸುವುದು ಸರಿಯಲ್ಲ ಎಂದು ಪಾಕಿಸ್ತಾನದ ಮಾಜಿ ವೇಗಿ ಶೋಯೆಬ್ ಅಖ್ತರ್ ಅಭಿಪ್ರಾಯಪಟ್ಟಿದ್ದಾರೆ.
ಕೊಹ್ಲಿಯ ಆಟವನ್ನು ಟೀಕಿಸುವವರು.. ಒಮ್ಮೆ ಕೊಹ್ಲಿ ಮಾಡಿದ ಸಾಧನೆಗಳನ್ನು ನೆನಪಿಸಿಕೊಳ್ಳಿ ಎಂದು ಅಖ್ತರ್ ತಿಳಿಸಿದ್ದಾರೆ.
ಓರ್ವ ಕ್ರಿಕೆಟಿಗನಾಗಿ, ಅತ್ಯುತ್ತಮ ಆಟಗಾರನಾಗಿಉ ಗೌರವ ಪಡೆಯೋದಕ್ಕೆ ವಿರಾಟ್ ಕೊಹ್ಲಿ ಎಲ್ಲ ರೀತಿ ಅರ್ಹರು ಎಂದು ವಿರಾಟ್ ಕೊಹ್ಲಿ ಪರ ಶೋಯೆಬ್ ಅಖ್ತರ್ ವಾದಿಸಿದ್ದಾರೆ.
ಕಳೆದ ಕೆಲವು ವರ್ಷಗಳಿಂದ ವಿರಾಟ್ ಕೊಹ್ಲಿ ಬ್ಯಾಡ್ ಫಾರ್ಮ್ ನಲ್ಲಿದ್ದಾರೆ. ಹೀಗಾಗಿ ಕಳೆದ ಟಿ 20 ವಿಶ್ವಕಪ್ ಟೂರ್ನಿ ಆರಂಭಕ್ಕೂ ಮುನ್ನ ವಿರಾಟ್ ಕೊಹ್ಲಿ ಟಿ 20 ಕ್ಯಾಪ್ಟನ್ಸಿಗೆ ಗುಡ್ ಬೈ ಹೇಳಿದರು.
ಅದಾದ ನಂತರ ಏಕದಿನ ಕ್ರಿಕೆಟ್ ಕ್ಯಾಪ್ಟನ್ಸಿಯಿಂದ ಅವರನ್ನ ವಜಾ ಮಾಡಲಾಯಿತು. ಇದಾದ ಬಳಕ ಇಂಡಿಯನ್ ಪ್ರಿಮಿಯರ್ ಲೀಗ್ ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕತ್ವದಿಂದಲೂ ಕೆಳಗಿಳಿದರು.
ಇನ್ನು ಕ್ಯಾಪ್ಟನ್ಸಿ ಭಾರಿ ಇಲ್ಲದೇ ಇರೋದ್ರಿಂದ ಈ ಸೀಸನ್ ನಲ್ಲಿ ವಿರಾಟ್ ಕೊಹ್ಲಿ ಬ್ಯಾಟ್ ಝಳಪಿಸುತ್ತಾರೆ ಅಂತಾ ಎಲ್ಲರೂ ಅಂದುಕೊಂಡಿದ್ದರು.
ಆದ್ರೆ ಆ ನಿರೀಕ್ಷೆಗಳನ್ನು ವಿರಾಟ್ ಕೊಹ್ಲಿ ಹುಸಿಗೊಳಿಸಿದರು. ಐಪಿಎಲ್ ನಲ್ಲಿ 16 ಪಂದ್ಯಗಳನ್ನಾಡಿದ ವಿರಾಟ್ ಕೊಹ್ಲಿ 341 ರನ್ ಗಳಿಸಿದ್ರು.
ಇದರಲ್ಲಿ ಕೇವಲ ಎರಡು ಅರ್ಧಶತಕಗಳು ಮಾತ್ರ ಇವೆ. ಹೀಗಾಗಿ ವಿರಾಟ್ ಕೊಹ್ಲಿ ಮೇಲೆ ಇಯಾನ್ ಬಿಷಪ್, ವಿರೇಂದ್ರ ಸೆಹ್ವಾಗ್, ಡೆನಿಯಲ್ ವೆಟೋರಿ ಸೇರಿದಂತೆ ಹಲವರು ಮುಗಿಬಿದ್ದರು.
ಈ ಹಿನ್ನೆಲೆಯಲ್ಲಿ ಶೋಯೆಬ್ ಅಖ್ತರ್ ವಿರಾಟ್ ಕೊಹ್ಲಿ ಬೆಂಬಲಕ್ಕೆ ನಿಂತಿದ್ದಾರೆ. ವಿರಾಟ್ ಕೊಹ್ಲಿ ಬಗ್ಗೆ ಕೆಲವರು ಸ್ಟೇಟ್ ಮೆಂಟ್ ನೀಡುವ ಮೊದಲು ಕೊಂಚ ಯೋಚನೆ ಮಾಡಬೇಕು, ಚಿಕ್ಕವರು ಕೂಡ ಈ ವಿಷಯಗಳನ್ನು ಗಮನಿಸುತ್ತಿರುತ್ತಾರೆ.
ಹೀಗಾಗಿ ವಿರಾಟ್ ಕೊಹ್ಲಿ ಬಗ್ಗೆ ಆತನ ಆಟದ ಬಗ್ಗೆ ಸ್ವಲ್ಪ ಯೋಚನೆ ಮಾಡಿ ಮಾತನಾಡಿ. ಎಲ್ಲಾ ರೀತಿಯ ಗೌರವ ಪಡೆಯಲು ಆತ ಸಂಪೂರ್ಣ ಅರ್ಹ ಎಂದು ಅಖ್ತರ್ ಸಲಹೆ ನೀಡಿದ್ದಾರೆ.
ವಿರಾಟ್ ಸಾರ್ವಕಾಲಿಕ ಶ್ರೇಷ್ಠ ಆಟಗಾರ. ಅವರು ಅಂತರಾಷ್ಟ್ರೀಯ ಕ್ರಿಕೆಟ್ನಲ್ಲಿ 110 ಶತಕಗಳನ್ನು ಬಾರಿಸಬೇಕೆಂದು ನಾನು ಬಯಸುತ್ತೇನೆ.
ಕೊಹ್ಲಿ 45 ವರ್ಷ ತುಂಬುವವರೆಗೆ ಕ್ರಿಕೆಟ್ ಆಡುವುದನ್ನು ಮುಂದುವರಿಸಬೇಕು ಎಂದು ಅಖ್ತರ್ ಬಯಸಿದ್ದಾರೆ.
ಅದೇ ರೀತಿ .. ‘‘110 ಸೆಂಚೂರಿಗಳನ್ನು ಸೇರುವ ದಾರಿಯಲ್ಲಿ ಕೆಲವು ಕಠಿಣ ಪರಿಸ್ಥಿತಿಗಳನ್ನು ಎದುರಿಸಬೇಕಾಗುತ್ತದೆ. ನಿನ್ನ ಬಗ್ಗೆ ಖಾರವಾಗಿ ಮಾತನಾಡುತ್ತಾರೆ.
ದೀಪಾವಳಿಯ ಬಗ್ಗೆ ನೀವು ಟ್ವೀಟ್ ಮಾಡಿದರೂ ಅದರಲ್ಲಿ ತಪ್ಪುಗಳನ್ನು ಹುಡುಕುತ್ತಾರೆ. ನಿನ್ನ ಹೆಂಡತಿ ಮತ್ತು ಮಗುವಿನ ಬಗ್ಗೆ ಕಾಮೆಂಟ್ಗಳನ್ನು ಮಾಡುತ್ತಾರೆ.
ವಿಶ್ವಕಪ್ ನಲ್ಲಿ ಸೋತರೆ ಕೆಟ್ಟ ಟೀಕೆಗಳನ್ನ ಮಾಡುತ್ತಾರೆ. ಈ ಎಲ್ಲಾ ವಿಷಯಗಳನ್ನು ನಿರ್ಲಕ್ಷಿಸಬೇಕು. ನಿನ್ನದೇಯಾದ ಶೈಲಿಯಲ್ಲಿ ಮುಂದುವರಿಯಬೇಕು.
ವಿರಾಟ್ ಕೊಹ್ಲಿ ಎಂದರೆ ಏನೆಂದು ಒಮ್ಮೆ ಅವರಿಗೆ ತೋರಿಸಿ,” ಎಂದು ಕೊಹ್ಲಿಯನ್ನು ಬೆಂಬಲಿಸಿ ಅಖ್ತರ್ ಹೇಳಿದ್ದಾರೆ.
