ನಾವು ಇದುವರೆಗೂ ಕ್ರಿಕೆಟ್ ದೇವರು ಸಚಿನ್ ಅವರ ಅಪ್ಪರ್ ಕಟ್, ಎಂ.ಎಸ್ ಧೋನಿ ಅವರ ಹೆಲಿಕಾಫ್ಟರ್ ಶಾಟ್, ಡಿವಿಲಿಯರ್ಸ್ 360 ಡಿಗ್ರಿ ಶಾಟ್, ರಿಕಿ ಪಾಟಿಂಗ್ ಹುಕ್ ಶಾಟ್ ನೋಡಿದ್ವಿ. ಆದ್ರೆ ಇಲ್ಲೊಬ್ಬ ಯುವಕ ಅಂತಾರಾಷ್ಟ್ರೀಯ ಕ್ರೀಡಾಪಟುಗಳು ಸಹ ಹೊಡೆಯಲು ಸಾಧ್ಯವಾಗದ ಶಾಟ್ ಹೊಡೆದು ಪ್ರಸ್ತುತ ಸಾಮಾಜಿಕ ಜಾಲತಾಣದಲ್ಲಿ ಧೂಳೆಬ್ಬಿಸುತ್ತಿದ್ದಾರೆ. ಈ ಪಂದ್ಯ ಎಲ್ಲಿ ನಡೆದಿದೆ ಎಂಬ ಮಾಹಿತಿ ಇಲ್ಲವಾದರೂ, ಬ್ಯಾಟ್ಸ್ ಮನ್ ಹೊಡೆದ ಶಾಟ್ ಮಾತ್ರ ಕ್ರಿಕೆಟ್ ಅಭಿಮಾನಿಗಳನ್ನು ನಿಬ್ಬೆರಗಾಗಿಸುವಂತಿದೆ. ಬೌಲರ್ ಚೆಂಡು ಎಸೆಯಲು ಓಡಿ ಬರಲು ಪ್ರಾರಂಭಿಸಿದಾಗ ಬ್ಯಾಟ್ಸ್ ಮನ್ ತನ್ನ ಬ್ಯಾಟ್ ಅನ್ನು ಹಿಮ್ಮುಖಕ್ಕೆ ತಿರುಗಿಸುತ್ತಾನೆ. ಬಾಲ್ ವಿಕೆಟ್ ಬಳಿ ಬಂತು ಎಂಬೊತ್ತಿಗೆ ತನ್ನ ಎರಡೂ ಕಾಲಿನ ಅಡಿಯಿಂದ ಹಿಂಬಂದಿಗೆ ಚೆಂಡನ್ನು ಅಟ್ಟುತ್ತಾನೆ. ಆ ಚೆಂಡು ನೇರವಾಗಿ ಬೌಂಡರಿ ಗೆರೆ ದಾಟ್ಟುತ್ತದೆ.
ಸದ್ಯ ಈ ವಿಡಿಯೋವನ್ನು ಫೇಸ್ ಬುಕ್ ಬಳಕೆದಾರರೊಬ್ಬರು ತಮ್ಮ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಜೊತೆಗೆ ‘ಕ್ರಿಕೆಟ್ ಬಗ್ಗೆ ಮಾಹಿತಿ ಇದ್ದವರು ಈ ಹೊಡೆತದ ಹೆಸರನ್ನು ತಿಳಿಸಿ ಎಂದು ಬರೆದುಕೊಂಡಿದ್ದಾರೆ.
https://www.facebook.com/sharief.saja/videos/2766101426830955/
