ಚೆನ್ನೈ : ಇಂದು ಇಹಲೋಕ ತ್ಯಜಿಸಿದ ಸಂಗೀತ ಸಾಮ್ರಾಟ ಎಸ್.ಪಿ ಬಾಲಸುಬ್ರಹ್ಮಣ್ಯಂ ಅವರ ಪಾರ್ಥೀವ ಶರೀರದ ಅಂತ್ಯಕ್ರಿಯೆ ಚೆನ್ನೈನ ರೆಡ್ ಹಿಲ್ಸ್ ಫಾರಂಹೌಸ್ ನಲ್ಲಿ ನಾಳೆ ಬೆಳಿಗ್ಗೆ 11 ಗಂಟೆಗೆ ನೆರವೇರಲಿದೆ.
ಸುಮಾರು 50 ದಿನಗಳಿಂದ ಚೆನ್ನೈ ಎಂಜಿಎಂ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಎಸ್ ಪಿಬಿ ಇಂದು ಮಧ್ಯಾಹ್ನ 1 ಗಂಟೆ 30 ನಿಮಿಷಕ್ಕೆ ಕೊನೆಯುಸಿರೆಳೆದರು. ಸದ್ಯ ಎಸ್ ಪಿ ಬಿ ಅವರ ಪಾರ್ಥೀವ ಶರೀರವನ್ನು ಸಾರ್ವಜನಿಕರ ದರ್ಶನಕ್ಕೆ ಇಡಲಾಗಿದೆ.
“ಸಂಗೀತ ಸಾಮ್ರಾಟ ಸದಾ “ಸಂಗೀತ”ದಲ್ಲಿ ಜೀವಂತ”
ನಾಳೆ 10 ಗಂಟೆ ಅಂತ್ಯಕ್ರಿಯೆ ನಡೆಸುವ ಬಗ್ಗೆ ಕುಟುಂಬದ ಮೂಲಗಳು ಮಾಹಿತಿ ನೀಡಿದ್ದು, ಗಾಯಕ ಎಸ್ ಪಿ ಬಾಲಸುಬ್ರಹ್ಮಣ್ಯಂ ಅಂತ್ಯಕ್ರಿಯೆಯನ್ನು ಫಾರಂ ಹೌಸ್ ನಲ್ಲಿ ಅಂತ್ಯಕ್ರಿಯೆಗೆ ನಿರ್ಧಾರ ಕೈಗೊಳ್ಳಲಾಗಿದೆ. ತಾಮರೈಪಾಕಂ ಬಳಿಯಲ್ಲಿರುವ ಎಸ್ ಪಿ ಬಿಯವರ ರೆಡ್ ಹಿಲ್ಸ್ ಫಾರಂ ಹೌಸ್ ಅಂತ್ಯಕ್ರಿಯೆ ನೆರವೇರಿಸುತ್ತಿರುವುದಾಗಿ ತಿಳಿಸಿದ್ದಾರೆ.
