ಅಕ್ರಮ BPL ಕಾರ್ಡ್ ದಾರರಿಗೆ ಬಿಗ್ ಶಾಕ್ ನೀಡಿದ ರಾಜ್ಯ ಸರಕಾರ Saaksha Tv
ಬೆಂಗಳೂರು: ಸರಕಾರಿ ನೌಕರರಿಗೆ ಆರೋಗ್ಯ ಇಲಾಖೆ ಬಿಗ್ ಶಾಕ್ ನೀಡಿದೆ. ಅಕ್ರಮ ಬಿಪಿಎಲ್ ಕಾರ್ಡ್ ಹೊಂದಿದ್ದ 19,105 ಬಿಪಿಎಲ್ ಕಾರ್ಡ್ ಗಳನ್ನು ಆಹಾರ ಇಲಾಖೆ ರದ್ದು ಮಾಡಿದೆ.
ರಾಜ್ಯದಲ್ಲಿ ಬಡವರ ಮತ್ತು ದಿನಗೂಲಿ ಕಾರ್ಮಿಕರ ಹಸಿವು ನೀಗಿಸಲೆಂದು ಸರಕಾರ ಬಿಪಿಲ್ ಕಾರ್ಡ್ ನ್ನು ನೀಡಿದೆ. ಆದರೆ ಕೆಲವು ಸರಕಾರಿ ನೌಕರರು ಇದನ್ನು ದುರುಪಯೋಗ ಪಡಿಸಿಕೊಂಡಿದ್ದಾರೆ. ಇವರುಗಳು ಅಕ್ರಮ ಬಿಪಿಲ್ ಕಾರ್ಡ್ ಹೊಂದಿದ್ದು, ಇವರ ವಿರುದ್ಧ ರಾಜ್ಯ ಸರಕಾರವು ಸಮರ ಸಾರಿದೆ.
ರಾಜ್ಯ ಸರಕಾರವು ಅಕ್ರಮ ಬಿಪಿಎಲ್ ಕಾರ್ಡ್ ಮತ್ತು ಅಂತ್ಯೋದಯ ಕಾರ್ಡ್ ಪತ್ತೆಹಚ್ಚಲು ಕಂದಾಯ ಇಲಾಖೆಯ ಇ-ಜನ್ಮ ತಂತ್ರಾಂಶ ಬಳಸಿದೆ. ಆಗ 19,105 ಸರಕಾರಿ ನೌಕರರು ಅಕ್ರಮ ಬಿಪಿಲ್ ಕಾರ್ಡ್ ಹೊಂದಿರುವುದು ಪತ್ತೆಯಾಗಿದೆ. ಈ ಕಾರ್ಡ್ ಗಳನ್ನು ರದ್ದುಗೊಳಿಸಿ ಎಪಿಎಲ್ ಗೆ ವರ್ಗಾಯಿಸಲಾಗಿದೆ.
ರಾಜ್ಯದಲ್ಲಿ 2,354 ಅಂತ್ಯೋದಯ ಮತ್ತು 16,751 ಸರಕಾರಿ ನೌಕರರು ಆದಿತ್ಯಾ ಪಡಿತರ ಚೀಟಿ ಹೊಂದಿದ್ದರು. ಮೈಸೂರು ಜಿಲ್ಲೆಯಲ್ಲಿ 1,240, ಕಲಬುರಗಿಯಲ್ಲಿ 1,068, ರಾಯಚೂರಿನಲ್ಲಿ 1,019, ತುಮಕೂರಿನಲ್ಲಿ 1,054 ಅಕ್ರಮ ಕಾರ್ಡ್ ಗಳು ಪತ್ತೆಯಾಗಿವೆ ಎಂದು ಆಹಾರ ಇಲಾಖೆ ತಿಳಿಸಿದೆ.
ಇನ್ನೂ ಗ್ರಾಮೀಣ ಪ್ರದೇಶದಲ್ಲಿ ಮೂರು ಹೆಕ್ಟೇರ್ ಕೃಷಿಭೂಮಿ, ನಗರ ಪ್ರದೇಶದಲ್ಲಿ 1 ಸಾವಿರ ಚ. ಅಡಿಗೂ ಹೆಚ್ಚು ವಿಸ್ತೀರ್ಣ ಹೊಂದಿರುವ ಕುಟುಂಬದವರು ಬಿಪಿಎಲ್ ಕಾರ್ಡ್ ಗಳನ್ನು ಪಡೆದುಕೊಳ್ಳುವಂತಿಲ್ಲ. ಹೀಗಿದ್ದರೂ, ಕೂಡ ಕೆಲವರು ಅಕ್ರಮವಾಗಿ ಅಂತ್ಯೋದಯ, ಬಿಪಿಲ್ ಕಾರ್ಡ್ ಗಳನ್ನು ಪಡೆದುಕೊಂಡಿದ್ದು, ಆಹಾರ ಇಲಾಖೆ ಕ್ರಮ ಕೈಗೊಂಡಿದೆ.
