ಷೇರುಪೇಟೆ – ಸೆನ್ಸೆಕ್ಸ್ 703, ನಿಫ್ಟಿ 215 ಪಾಯಿಂಟ್ ಕುಸಿತ…..
ಮಂಗಳವಾರ ಷೇರುಪೇಟೆ ಏರಿಕೆಯೊಂದಿಗೆ ಆರಂಭಗೊಂಡಿದ್ದರೂ ದಿನ ಪೂರ್ತಿ ಸಾಕಷ್ಟು ಏರಿಳಿತದ ವಹಿವಾಟಿನಲ್ಲಿ ಈ ಏರಿಳಿತ ಹೆಚ್ಚು ಕಾಲ ಉಳಿಯದೇ ಸತತ ಎರಡನೇ ದಿನವೂ ಷೇರುಪೇಟೆ ಕುಸಿತ ಕಂಡಿತು. ಮುಂಬೈ ಷೇರುಪೇಟೆಯ 30-ಷೇರು ಸೂಚ್ಯಂಕ ಸೆನ್ಸೆಕ್ಸ್ 703 ಪಾಯಿಂಟ್ ಅಥವಾ 1.23 ರಷ್ಟು ಇಳಿಕೆಯಾಗಿ 56,463 ಕ್ಕೆ ಕೊನೆಗೊಂಡಿತು. ಮತ್ತೊಂದೆಡೆ, ರಾಷ್ಟ್ರೀಯ ಷೇರು ವಿನಿಮಯ ಕೇಂದ್ರದ ನಿಫ್ಟಿ ಸೂಚ್ಯಂಕ 215 ಪಾಯಿಂಟ್ ಅಥವಾ 1.25 ರಷ್ಟು ಕುಸಿದು 16,958 ಕ್ಕೆ ತಲುಪಿದೆ.
ಇದಕ್ಕೂ ಮುನ್ನ, ಸಕಾರಾತ್ಮಕ ಜಾಗತಿಕ ಸೂಚನೆಗಳ ನಡುವೆ, ಹಿಂದಿನ ದಿನದ ಭಾರೀ ಕುಸಿತದಿಂದ ಚೇತರಿಸಿಕೊಂಡ ಭಾರತೀಯ ಷೇರು ಮಾರುಕಟ್ಟೆ ಹಸಿರು ಮಾರ್ಕ್ನಲ್ಲಿ ತೆರೆಯಿತು. ಬಿಎಸ್ಇ ಸೆನ್ಸೆಕ್ಸ್ 269 ಪಾಯಿಂಟ್ಗಳು ಅಥವಾ ಶೇಕಡಾ 0.47 ರಷ್ಟು ಏರಿಕೆಯೊಂದಿಗೆ 57,436 ನಲ್ಲಿ ತೆರೆದರೆ, ಎನ್ಎಸ್ಇಯ ನಿಫ್ಟಿ 93 ಪಾಯಿಂಟ್ ಅಥವಾ 0.54 ರಷ್ಟು ಏರಿಕೆಯೊಂದಿಗೆ 17,266 ನಲ್ಲಿ ಪ್ರಾರಂಭವಾಯಿತು. ಮಾರುಕಟ್ಟೆಯ ಪ್ರಾರಂಭದೊಂದಿಗೆ, ಸುಮಾರು 1687 ಷೇರುಗಳು ಏರಿಕೆ ಕಂಡವು, 328 ಷೇರುಗಳು ಕುಸಿತ ಕಂಡವು, 65 ಷೇರುಗಳು ಬದಲಾಗದೆ ಉಳಿದಿವೆ.
ಸೋಮವಾರ ಷೇರುಪೇಟೆಯಲ್ಲಿ ಎರಡೂ ಸೂಚ್ಯಂಕಗಳು ಭಾರಿ ಕುಸಿತದೊಂದಿಗೆ ಮುಚ್ಚಿದವು. ಬಿಎಸ್ಇ ಸೆನ್ಸೆಕ್ಸ್ ಸೂಚ್ಯಂಕವು 1172 ಪಾಯಿಂಟ್ಗಳು ಅಥವಾ ಶೇಕಡಾ 2.01 ರಷ್ಟು ಕುಸಿದು 57,166 ಕ್ಕೆ ಕೊನೆಗೊಂಡರೆ, ಎನ್ಎಸ್ಇ ನಿಫ್ಟಿ ಸೂಚ್ಯಂಕ 292 ಪಾಯಿಂಟ್ ಅಥವಾ ಶೇಕಡಾ 1.67 ರಷ್ಟು ಕುಸಿದು 17,184 ಕ್ಕೆ ಕೊನೆಗೊಂಡಿತು.
