ಸುಕನ್ಯಾ ಸಮೃದ್ಧಿ ಉಳಿತಾಯ ಯೋಜನೆ – ವರ್ಷಕ್ಕೆ ಕೇವಲ 250 ರೂಪಾಯಿ ಹೂಡಿಕೆ ಮಾಡಿ ಮಗಳ ಭವಿಷ್ಯ ರೂಪಿಸಿ Sukanya Samriddhi Yojana savings
ಹೊಸದಿಲ್ಲಿ, ಡಿಸೆಂಬರ್23: ಸುಕನ್ಯಾ ಸಮೃದ್ಧಿ ಉಳಿತಾಯ ಯೋಜನೆಯು ಸರ್ಕಾರದಿಂದ ನಡೆಸಲ್ಪಡುವ ಸಣ್ಣ ಉಳಿತಾಯ ಯೋಜನೆಯಾಗಿದ್ದು, ಇದನ್ನು ದೇಶಾದ್ಯಂತ ಗೊತ್ತುಪಡಿಸಿದ ಅಂಚೆ ಕಚೇರಿಗಳು ಅಥವಾ ಬ್ಯಾಂಕುಗಳಲ್ಲಿ ತೆರೆಯಬಹುದಾಗಿದೆ. Sukanya Samriddhi Yojana savings
ಈ ಯೋಜನೆಯು ಹೆಣ್ಣು ಮಕ್ಕಳಿಗಾಗಿದ್ದು ಅಕ್ಟೋಬರ್-ಡಿಸೆಂಬರ್ 2020 ರ ಅವಧಿಯಲ್ಲಿ ಶೇಕಡಾ 7.6 ರಷ್ಟು ಬಡ್ಡಿದರವನ್ನು ನೀಡುತ್ತದೆ. ಸುಕನ್ಯಾ ಸಮೃದ್ಧಿ ಖಾತೆಯನ್ನು 10 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಹೆಣ್ಣು ಮಗುವಿನ ಪೋಷಕರು ತೆರೆಯಬಹುದು ಮತ್ತು ಗರಿಷ್ಠ 21 ವರ್ಷ ಅಥವಾ ಹೆಣ್ಣು ಮಗು 18 ವರ್ಷ ತುಂಬುವವರೆಗೆ ಹೊಂದಬಹುದು. ಸುಕನ್ಯಾ ಸಮೃದ್ಧಿ ಯೋಜನೆ ಖಾತೆಯನ್ನು ಕನಿಷ್ಠ 250 ರೂ ಯಿಂದ ಗರಿಷ್ಠ 1.50 ಲಕ್ಷ ರೂ ಮೂಲಕ ಖಾತೆ ತೆರೆಯಬಹುದಾಗಿದೆ.
ದಿನಕ್ಕೆ 10 ರೂಪಾಯಿಗಳನ್ನ ಮಾತ್ರ ಹೂಡಿಕೆ ಮಾಡುವ ಮೂಲಕ ಈ ಯೋಜನೆಯಲ್ಲಿ ದೊಡ್ಡ ಹೂಡಿಕೆಯನ್ನು ಪಡೆಯಬಹುದಾಗಿದೆ.
ಹೆಣ್ಣು ಮಕ್ಕಳ ಉಜ್ವಲ ಭವಿಷ್ಯಕ್ಕಾಗಿ ಮತ್ತು ಅವರ ಪೋಷಣೆ, ವಿವಾಹಕ್ಕಾಗಿ ಆರ್ಥಿಕ ಸಂಪನ್ಮೂಲಗಳನ್ನು ಒದಗಿಸುವ ಉದ್ದೇಶದಿಂದ ಈ ವಿಶೇಷ ಯೋಜನೆಯನ್ನು ಸರ್ಕಾರವು ಆರಂಭಿಸಿದೆ.
ಜನವರಿ 1 2021 ರಿಂದ ಬದಲಾಗಲಿರುವ ಮತ್ತು ಸಾಮಾನ್ಯ ಜನರ ಮೇಲೆ ಪರಿಣಾಮ ಬೀರಲಿರುವ ನಿಯಮಗಳ ಮಾಹಿತಿ ಇಲ್ಲಿದೆ
ಸುಕನ್ಯಾ ಸಮೃದ್ಧಿ ಯೋಜನೆಯಡಿ 10 ವರ್ಷದೊಳಗಿನ ಹೆಣ್ಣು ಮಕ್ಕಳ ಹೆಸರಿನಲ್ಲಿ ಖಾತೆ ತೆರೆಯಬಹುದಾಗಿದೆ. ಇದಕ್ಕಾಗಿ ಜನನ ಪ್ರಮಾಣ ಪತ್ರವನ್ನು ಬ್ಯಾಂಕ್ ಅಥವಾ ಅಂಚೆ ಕಚೇರಿಗೆ ನೀಡಬೇಕು. ಇದರ ಜೊತೆಗೆ ಪಾಲಕರು ತಮ್ಮ ಭಾವಚಿತ್ರ, ವಿಳಾಸ ಹಾಗೂ ಗುರುತಿನ ಪತ್ರವನ್ನು ಸಹ ಸಲ್ಲಿಸಬೇಕು. ಸರ್ಕಾರದ ಈ ಯೋಜನೆಯಲ್ಲಿ ಹೂಡಿಕೆ ಮಾಡಿದರೆ ಉತ್ತಮ ಆದಾಯದೊಂದಿಗೆ ತೆರಿಗೆ ಉಳಿತಾಯದ ಲಾಭವನ್ನು ಕೂಡ ಪಡೆಯಬಹುದಾಗಿದೆ.
ದೇಶದ ಯಾವುದೇ ಅಂಚೆ ಕಚೇರಿ ಮತ್ತು ಬ್ಯಾಂಕ್ ನಲ್ಲಿ ಕೇವಲ 250 ರೂಪಾಯಿಗಳೊಂದಿಗೆ ಸುಕನ್ಯಾ ಖಾತೆ ತೆರೆಯಬಹುದಾಗಿದೆ. ಒಂದು ಹೆಣ್ಣು ಮಗುವಿನ ಹೆಸರಿನಲ್ಲಿ ಒಂದು ಖಾತೆಯನ್ನು ಮಾತ್ರ ತೆರೆಯಬಹುದಾಗಿದೆ. ತಂದೆ-ತಾಯಿ ಇಬ್ಬರು ಹೆಣ್ಣುಮಕ್ಕಳ ಹೆಸರಿನಲ್ಲಿ ಮಾತ್ರ ಖಾತೆ ತೆರೆಯಬಹುದಾಗಿದ್ದು, ಅವಳಿ ಮಕ್ಕಳು ಅಥವಾ ಮೂವರು ಹೆಣ್ಣು ಮಕ್ಕಳು ಒಟ್ಟಿಗೆ ಇದ್ದರೆ, ಮೂರನೇ ಮಗುವಿಗೂ ಇದರ ಲಾಭ ಸಿಗುತ್ತದೆ.
ಮಗುವಿಗೆ 10 ವರ್ಷ ತುಂಬುವ ವರೆಗೆ ಈ ಖಾತೆಯನ್ನು ತೆರೆಯಬಹುದಾಗಿದೆ. ಆರಂಭಿಕ 14 ವರ್ಷಗಳ ಕಾಲ ಮೊತ್ತವನ್ನು ಖಾತೆಯಲ್ಲಿ ಜಮಾ ಮಾಡಬೇಕು ಮತ್ತು 21 ವರ್ಷಗಳ ನಂತರ ಹಣವನ್ನು ಹಿಂತೆಗೆದುಕೊಳ್ಳಬಹುದು. ಆದರೆ, ಮಗಳು 18 ವರ್ಷವಾದ ಬಳಿಕ ಮದುವೆ ಮಾಡಿದರೆ, ಆ ಹಣವನ್ನು ಹಿಂಪಡೆಯಬಹುದಾಗಿದೆ ಮತ್ತು ಮಗಳ ವಿದ್ಯಾಭ್ಯಾಸಕ್ಕಾಗಿ ಕೂಡ 50 ಪ್ರತಿಶತದಷ್ಟು ಹಣವನ್ನ ಹಿಂಪಡೆಯಬಹುದಾಗಿದೆ.
ಸುಕನ್ಯಾ ಸಮೃದ್ಧಿ ಯೋಜನೆಯಲ್ಲಿ ಹೂಡಿಕೆ ಮಾಡಿದರೆ ಆದಾಯ ತೆರಿಗೆ ಕಾಯ್ದೆಯ ಸೆಕ್ಷನ್ 80 ಸಿ ಅಡಿಯಲ್ಲಿ ತೆರಿಗೆ ವಿನಾಯಿತಿ ಪಡೆಯಬಹುದು. ಇತರ ಯೋಜನೆಗಳಿಗೆ ಹೋಲಿಸಿದರೆ ಇದರಲ್ಲಿ ಹೆಚ್ಚು ಬಡ್ಡಿಯನ್ನು ಪಡೆಯಬಹುದಾಗಿದೆ.
ನಿಬಂಧನೆಗಳು ಮತ್ತು ಷರತ್ತುಗಳು:
* ಖಾತೆ ತೆರೆದ ದಿನದಿಂದ 21 ವರ್ಷ ತುಂಬಿದ ಬಳಿಕ ಖಾತೆಯು ಮೆಚ್ಯೂರು ಆಗುತ್ತದೆ . ಆದರೆ, 21 ವರ್ಷ ಪೂರ್ಣಗೊಳ್ಳುವ ಮೊದಲು ಹೆಣ್ಣು ಮಗುವಿನ ಮದುವೆಯಾದರೆ ಖಾತೆಯನ್ನು ಮುಚ್ಚಬೇಕು ಎಂಬ ಷರತ್ತು ಇದೆ. ಆ ಬಳಿಕ ಯಾವುದೇ ಹೆಚ್ಚಿನ ಕಾರ್ಯಾಚರಣೆಯನ್ನು ಅನುಮತಿಸುವುದಿಲ್ಲ.
* ಈ ಮೊದಲು ಇಬ್ಬರು ಹೆಣ್ಣು ಮಕ್ಕಳು ಮಾತ್ರ ಖಾತೆ ತೆರೆಯಬಹುದು ಎಂಬ ನಿಯಮವಿತ್ತು. ಆದರೆ, ಈಗ ಮೂರು ಖಾತೆಗಳನ್ನು ತೆರೆಯಬಹುದಾಗಿದೆ. ಜನನ ಪ್ರಮಾಣ ಪತ್ರದಿಂದ ಅಫಿಡವಿಟ್ ಸಲ್ಲಿಸಬೇಕು.
* ಎರಡನೇ ಜನನ ಸಮಯದಲ್ಲಿ ಅವಳಿ ಹೆಣ್ಣು ಮಕ್ಕಳು ಜನಿಸಿದರೆ ಅಥವಾ ಮೊದಲ ಜನನದಲ್ಲಿ ಮೂರು ಹೆಣ್ಣು ಮಕ್ಕಳು ಜನಿಸಿದ್ದರೆ ಮಾತ್ರ ಮೂರು ಮಕ್ಕಳ ಹೆಸರಿನಲ್ಲಿ ಖಾತೆಯನ್ನು ತೆರೆಯಬಹುದಾಗಿದೆ.
* ಪ್ರತಿ ವರ್ಷ ಖಾತೆಯಲ್ಲಿ 250 ರೂಪಾಯಿಯನ್ನು ಜಮಾ ಮಾಡದಿದ್ದಲ್ಲಿ, ಅದನ್ನು ಪೂರ್ವನಿಯೋಜಿತ ಖಾತೆ ಎಂದು ಪರಿಗಣಿಸಲಾಗುತ್ತದೆ. ಆದರೆ ಆ ಖಾತೆಯ ಬಡ್ಡಿ ದರವನ್ನು ಈಗಿರುವ ಠೇವಣಿ ಮೊತ್ತದ ಮೇಲೆ ಸೇರಿಸುವುದನ್ನು ಮುಂದುವರಿಸಲಾಗುತ್ತದೆ.
* ಮಗಳು 18 ವರ್ಷವಾಗುವವರೆಗೆ (ಹಿಂದಿನ ವಯಸ್ಸಿನ ಮಿತಿ 10 ವರ್ಷ) ಎಸ್ ಎಸ್ ವೈ ಖಾತೆಯನ್ನ ನಡೆಸಲು ಅವಕಾಶವಿಲ್ಲ.
* ಸರ್ಕಾರದಿಂದ 100 ಪ್ರತಿಶತ ಭದ್ರತಾ ಗ್ಯಾರಂಟಿ ಇದೆ.
* ಮೆಚ್ಯೂರಿಟಿ ಬಳಿಕವೂ, ಅದೇ ಬಡ್ಡಿ ಮೊತ್ತವನ್ನು ಖಾತೆ ಮುಚ್ಚುವವರೆಗೆ ಠೇವಣಿಯ ಮೇಲೆ ಪಾವತಿಸಲಾಗುತ್ತದೆ
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel
ಟ್ವಿಟರ್ ಮೂಲಕ ನಮ್ಮ ಸುದ್ದಿಗಳ ಅಪ್ ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ
https://twitter.com/SaakshaTv/status/1341404758230351873?s=19
https://twitter.com/SaakshaTv/status/1341406814479507461?s=19
