ವಿಜಯ್ ದೇವರಕೊಂಡ , ರಾಮ್ ಚರಣ್ ಜೊತೆಗೆ ಸುಕುಮಾರ್ ಮುಂದಿನ ಸಿನಿಮಾ..!
ದೇಶಾದ್ಯಂತ ಭರ್ಜರಿ ಪ್ರದರ್ಶನ ಕಾಣ್ತಿದ್ದು , ಬಾಕ್ಸ್ ಆಫೀಸ್ ನಲ್ಲಿ ಧೂಳೆಬ್ಬಿಸುತ್ತಿರುವ ಅಲ್ಲು ಅರ್ಜುನ್ ನಟನೆಯ ಪುಷ್ಪಾ ಸಿನಿಮಾದ ಯಶಸ್ಸಿನ ಕುರಿತು ನಿರ್ದೇಶಕ ಸುಕುಮಾರ್ ಖಾಸಗಿ ಸಂದರ್ಶನದಲ್ಲಿ ಮಾತನಾಡುವಾಗ ಅನೇಕ ಇಂಟ್ರೆಸ್ಟಿಂಗ್ ವಿಚಾರಗಳನ್ನ ರಿವೀಲ್ ಮಾಡಿದ್ದಾರೆ.
ಸುಕುಮಾರ್ ಮುಂದೆ ಇಬ್ಬರು ಸ್ಟಾರ್ ಗಳ ಜೊತೆಗೆ ಬೇರೆ ಬೇರೆ ಸಿನಿಮಾಗಳನ್ನ ಮಾಡಲಿದ್ದಾರೆ.. ಆ ನಟನರು ಮತ್ಯಾರೂ ಅಲ್ಲ , RRR ನ ಪ್ರಚಾರದಲ್ಲಿ ತೊಡಗಗಿರುವ ಮೆಗಾ ಪವರ್ ಸ್ಟಾರ್ ರಾಮ್ ಚರಣ್ ಮತ್ತೆ , ಲೈಗರ್ ಸಿನಿಮಾದಲ್ಲಿ ಬ್ಯುಸಿಯಿರುವ ವಿಜಯ್ ದೇವರಕೊಂಡ.. ಹೌದು ಪಿಂಕ್ ವಿಲ್ಲಾ ಜೊತೆಗೆ ಮಾತನಾಡಿರುವ ಸುಕುಮಾರ್ , ಮುಂದೆ ರಾಮ್ ಚರಣ್ ಜೊತೆಗೆ ಒಂದು ಸಿನಿಮಾ ಹಾಗೂ ವಿಜಯ್ ದೇವರಕೊಂಡ ಜೊತೆಗೆ ಒಂದು ಸಿನಿಮಾ ಮಾಡ್ತಿರೋದಾಗಿ ಹೇಳಿಕೊಂಡಿದ್ದಾರೆ.. ಅಂದ್ಹಾಗೆ ರಾಮ್ ಚರಣ್ ಜೊತೆಗೆ ಸಿನಿಮಾ ಮಾಡೋದು ಬಹುತಯೇಕ ಖಚಿತವಾದ್ರೂ ಇನ್ನೂ 100% ಕನ್ ಫರ್ಮ್ ಆಗಿಲ್ಲ.. ಅಂದ್ಹಾಗೆ ರಂಗಸ್ಥಳಂ ಸಿನಿಮಾದ ಸಕ್ಸಸ್ ನ ನಂತರ ಈ ಜೋಡಿ ಮತ್ತೆ ಒಂದಾಗಲಿದೆ ಎನ್ನು ಸುದ್ದಿ ಅಭಿಮಾನಿಗಳ ಕುತೂಹಲ , ಖುಷಿ ಹೆಚ್ಚಿಸಿದೆ..
‘ಪುಷ್ಪಾ’ ಸಿನಿಮಾ ಬಗ್ಗೆ ಮಾತನಾಡಿದ ಸುಕುಮಾರ್, “1 ಲಕ್ಷದ 80 ಸಾವಿರ ಕೋಟಿಗೂ ಹೆಚ್ಚು ಶ್ರೀಗಂಧವನ್ನು ಚೀನಾ ಮತ್ತು ಜಪಾನ್‌ಗೆ ಕಳ್ಳಸಾಗಣೆ ಮಾಡಲಾಗುತ್ತಿದೆ ಎಂದು ಕಂಡುಹಿಡಿಯಲು ನಾನು ಶ್ರೀಗಂಧದ ಕಳ್ಳಸಾಗಣೆಯ ಬಗ್ಗೆ ಸಂಶೋಧನೆ ಪ್ರಾರಂಭಿಸಿದೆ. ಆರಂಭದಲ್ಲಿ, ಸಂಶೋಧನೆಯು ವೆಬ್-ಸರಣಿಗಾಗಿ ಆಗಿತ್ತು, ಆದರೆ ನಂತರ ಇದು ಬೃಹತ್ ಚಲನಚಿತ್ರಕ್ಕೆ ವಾಣಿಜ್ಯ ಹಿನ್ನೆಲೆಯಾಗಿರಬಹುದು ಎಂದು ನಾನು ಭಾವಿಸಿದೆ. ಮತ್ತು ನಾನು ಸ್ಕ್ರಿಪ್ಟ್ ಬರೆಯಲು ಪ್ರಾರಂಭಿಸಿದೆ.
ಮೊದಲಿಗೆ ಪುಷ್ಪ ಒಂದು ಭಾಗದ ಚಿತ್ರವಾಗಿ ಪ್ರಾರಂಭವಾಯಿತು ಆದರೆ ಕಥೆ ದೊಡ್ಡದಾಗಿದ್ರೆ ಈ ಸಿನಿಮಾಗೆ ಸರಿಹೊಂದುತ್ತೆ ಎಂದು 2 ಭಾಗಗಳಾಗಿ ಮಾಡಲು ನಿರ್ಧಾರ ಮಾಡಿದೆವು ಎಂದಿದ್ದಾರೆ.. ಅಲ್ಲು ಅರ್ಜುನ್ ಸದಾ ಸ್ಟೈಲಿಶ್ ಪಾತ್ರಗಳನ್ನು ನಿರ್ವಹಿಸುತ್ತಾರೆ. ಆದ್ರೆ ಅದನ್ನೇ ವಿರುದ್ಧವಾಗಿ ತೋರಿಸಿ ನಾನು ಜನರನ್ನ ಚಕಿತರಾಗಿಸಬೇಕೆಂಬ ಉದ್ದೇಶ ಹೊಂದಿದ್ದೆ ಎಂದಿದ್ದಾರೆ..
ಹಿಂದಿಯಲ್ಲೂ ಚಿತ್ರ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಈ ರೀತಿಯ ಪ್ರತಿಕ್ರಿಯೆಯನ್ನು ನಾವು ನಿರೀಕ್ಷೆ ಮಾಡಿರಲಿಲ್ಲ. ವಾಸ್ತವವಾಗಿ, ನಾನು ತೆಲುಗು ಚಿತ್ರ ಮಾಡಿದೆ. ಅಲ್ಲು ಅರ್ಜುನ್ ಮತ್ತು ನನ್ನ ನಿರ್ಮಾಪಕರು ಬೇರೆ ಭಾಷೆಗಳಲ್ಲಿ ಬಿಡುಗಡೆ ಮಾಡುವಂತೆ ಒತ್ತಾಯಿಸಿದರು. ನಾವು ಯಾವುದೇ ಪ್ರಚಾರ ಮಾಡಿಲ್ಲ, ಆದರೂ ಉತ್ತಮ ಕಲೆಕ್ಷನ್‌ ಪಡೆಯುತ್ತಿದ್ದೇವೆ. ಇದು ನನಗೆ ಆಶ್ಚರ್ಯಕರವಾಗಿದೆ ಎಂದಿದ್ದಾರೆ. ಅಂದ್ಹಾಗೆ ಅಲ್ಲು ಅರ್ಜುನ್ ಅವರಿಗೆ ದೊಡ್ಡ ಬ್ರೇಕ್ ತಂದುಕೊಟ್ಟಿದ್ದ ಆರ್ಯ ಸಿನಿಮಾಗೆ ಸುಕುಮಾರ್ ಅವರೇ ಆಕ್ಷನ್ ಕಟ್ ಹೇಳಿದ್ದರು..
ಸಿನಿಮಾ , ರಾಜ್ಯ , ದೇಶ , ವಿದೇಶ, ಕ್ರೀಡೆ ಇತ್ತೀಚೆಗಿನ ಸುದ್ದಿಗಳ ಅಪ್ ಡೇಟ್ಸ್ ಗಾಗಿ ಸಾಕ್ಷಾ ಟಿವಿ ಫಾಲೋ ಮಾಡಿ
