ಮೇ ತಿಂಗಳಲ್ಲಿ OTT ಯಲ್ಲಿ ಬರಲಿವೆ ಸೂಪರ್ ಹಿಟ್ RRR ಮತ್ತು ‘ದಿ ಕಾಶ್ಮೀರ್ ಫೈಲ್ಸ್’
ಪ್ರಸ್ತುತ, OTT ಪ್ಲಾಟ್ಫಾರ್ಮ್ಗಳಲ್ಲಿ ಪ್ರೇಕ್ಷಕರನ್ನು ರಂಜಿಸಲು ಅನೇಕ ಚಲನಚಿತ್ರಗಳು ಮತ್ತು ವೆಬ್ ಸರಣಿಗಳು ಕಾದು ಕುಳಿತಿವಿ. OTT ನಲ್ಲಿ ವಿಕ್ಷಕರಿಗೇನು ಕೊರತೆಯಲಿಲ್ಲ. ಈ ವರ್ಷದಲ್ಲಿ ಬಿಡುಗಡೆಯಾಗಿ ಸೂಪರ್ ಹಿಟ್ ಆದ ಬಾಲಿವುಡ್ ಮತ್ತು ದಕ್ಷಿಣದ ಚಿತ್ರಗಳು ಮೇ ತಿಂಗಳಲ್ಲಿ ನಿಮ್ಮನ್ನ ರಂಜಿಸಲು ಬರಲಿವೆ. ಈ ಲೇಖನದಲ್ಲಿ ಈ ತಿಂಗಳು ಬಿಡುಗಡೆಯಾಗುವ OTT ಚಿತ್ರಗಳ ಬಗ್ಗೆ ತಿಳಿಸಿಕೊಡ್ತಿವಿ..
ಚಿತ್ರ – ಜುಂಡ್
‘ಸೈರಾಟ್’ ಖ್ಯಾತಿಯ ನಾಗರಾಜ ಮಂಜುಳೆ ನಿರ್ದೇಶನದ ಈ ಚಿತ್ರವು ವಿಜಯ್ ಬರ್ಸೆ ಅವರ ಜೀವನವನ್ನು ಆಧರಿಸಿದೆ, ಇದರಲ್ಲಿ ಅಮಿತಾಬ್ ಫುಟ್ಬಾಲ್ ತರಬೇತುದಾರ ವಿಜಯ್ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ. ವಿಜಯ್ ಸ್ಲಂ ಪ್ರದೇಶದ ಮಕ್ಕಳನ್ನು ಫುಟ್ಬಾಲ್ ತಂಡಕ್ಕಾಗಿ ಆಡಲು ಸಿದ್ಧಗೊಳಿಸುತ್ತಾನೆ. ಬಿಗ್ ಬಿ ಅವರ ಈ ಚಿತ್ರವು ಮೇ 6 ರಂದು OTT ಪ್ಲಾಟ್ಫಾರ್ಮ್ ‘Zee5’ ನಲ್ಲಿ ಬಿಡುಗಡೆಯಾಗಲಿದೆ.
ಚಿತ್ರ – ಥಾರ್
ಈ ಥ್ರಿಲ್ಲರ್ ಚಿತ್ರದಲ್ಲಿ ಅನಿಲ್ ಕಪೂರ್, ಹರ್ಷವರ್ಧನ್ ಕಪೂರ್ ಮತ್ತು ಫಾತಿಮಾ ಸನಾ ಶೇಖ್ ಪ್ರಮುಖ ಪಾತ್ರಗಳಲ್ಲಿದ್ದಾರೆ. ಥಾರ್ ಚಿತ್ರದಲ್ಲಿ ಅನಿಲ್ ಕಪೂರ್ ಪೊಲೀಸ್ ಇನ್ಸ್ಪೆಕ್ಟರ್ ಪಾತ್ರದಲ್ಲಿ ಕಾಣಿಸಿಕೊಂಡರೆ, ಹರ್ಷವರ್ಧನ್ ಕಳ್ಳಸಾಗಣೆದಾರನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರವು ಮೇ 6 ರಿಂದ ‘ನೆಟ್ಫ್ಲಿಕ್ಸ್’ ನಲ್ಲಿ ಸ್ಟ್ರೀಮ್ ಆಗಲಿದೆ.
ಚಿತ್ರ – ದಿ ಮ್ಯಾಟ್ರಿಕ್ಸ್ ರಿಯಾಕ್ಷನ್
ಹಾಲಿವುಡ್ ಚಿತ್ರ ‘ದಿ ಮ್ಯಾಟ್ರಿಕ್ಸ್ ರಿಯಾಕ್ಷನ್’ ಜನಪ್ರಿಯ ಫ್ರ್ಯಾಂಚೈಸ್ ‘ದಿ ಮ್ಯಾಟ್ರಿಕ್ಸ್’ ನ ಒಂದು ಭಾಗವಾಗಿದೆ. ಚಿತ್ರದ ವಿಶೇಷವೆಂದರೆ, ಬಾಲಿವುಡ್ನಿಂದ ಹೊರಬಂದು ಜಾಗತಿಕ ಐಕಾನ್ ಆಗಿರುವ ಪ್ರಿಯಾಂಕಾ ಚೋಪ್ರಾ ಕೂಡ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿದ್ದಾರೆ. ಮೇ 12 ರಿಂದ ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಚಲನಚಿತ್ರವನ್ನು ಸ್ಟ್ರೀಮ್ ಮಾಡಬಹುದು.
ಚಿತ್ರ – RRR
ಖ್ಯಾತ ನಿರ್ದೇಶಕ ಎಸ್ಎಸ್ ರಾಜಮೌಳಿ ನಿರ್ದೇಶನದ RRR ಚಿತ್ರ ಥಿಯೇಟರ್ಗಳಲ್ಲಿ ಭಾರಿ ಯಶಸ್ಸನ್ನು ಗಳಿಸಿದ ನಂತರ OTT ನಲ್ಲಿ ಸ್ಟ್ರೀಮ್ ಆಗಲಿದೆ. ರಾಮ್ ಚರಣ್ ಮತ್ತು ಜೂನಿಯರ್ ಎನ್ಟಿಆರ್ ಅಭಿನಯದ ಈ ಚಿತ್ರವು ಮೇ 5 ರಿಂದ ‘Zee5’ ನಲ್ಲಿ ವೀಕ್ಷಿಸಲು ಲಭ್ಯವಿರುತ್ತದೆ.
ಚಿತ್ರ – ಕಾಶ್ಮೀರ ಫೈಲ್ಸ್
ವಿವೇಕ್ ಅಗ್ನಿಹೋತ್ರಿ ನಿರ್ದೇಶನದ ‘ದಿ ಕಾಶ್ಮೀರ್ ಫೈಲ್ಸ್’ ಚಿತ್ರ ವಿವಾದಗಳಿಂದ ಹೊರಬಂದು ಪ್ರೇಕ್ಷಕರ ಹೃದಯವನ್ನು ತಲುಪಿತು. ಈ ಚಿತ್ರವು ಗಲ್ಲಾಪೆಟ್ಟಿಗೆಯಲ್ಲಿ ದೊಡ್ಡ ಸೌಂಡ್ ಮಾಡಿತ್ತು. ‘ದಿ ಕಾಶ್ಮೀರ್ ಫೈಲ್ಸ್’ ಶೀಘ್ರದಲ್ಲೇ ಮೇ ತಿಂಗಳಲ್ಲಿ ‘Zee5’ ನಲ್ಲಿ ಸ್ಟ್ರೀಮ್ ಆಗಲಿದೆ. ಚಿತ್ರದ OTT ಬಿಡುಗಡೆ ದಿನಾಂಕ ಇನ್ನೂ ನಿರ್ಧಾರವಾಗಿಲ್ಲ.
