ಸೂಪರ್ 12ಗೆ ಎಂಟ್ರಿ ಪಡೆದ ನಮೀಬಿಯಾ..!
ಟಿ20 ವಿಶ್ವಕಪ್ನಲ್ಲಿ ರೋಚಕ ಪಂದ್ಯಗಳು ಕ್ವಾಲಿಫೈಯರ್ನಿಂದಲೇ ಆರಂಭವಾಗಿದೆ. ಕ್ವಾಲಿಫೈಯರ್ನಲ್ಲಿ ಅಚ್ಚರಿ ಫಲಿತಾಂಶಗಳು ಹೊರ ಬಿದ್ದಿವೆ. ಅಸೋಸಿಯೇಟ್ ದೇಶಗಳ ಪೈಕಿ ಬಲಿಷ್ಠ ಎನಿಸಿರುವ ನೆದರ್ಲೆಂಡ್ ಮತ್ತು ಐರ್ಲೆಂಡ್ ಮೊದಲ ಸುತ್ತಿನಲ್ಲೇ ಹೊರ ಬಿದ್ದಿವೆ. ನಮೀಬಿಯಾ ಕ್ರಿಕೆಟ್ನಲ್ಲಿ ಹೊಸ ಭಾಷ್ಯ ಬರೆಯಲು ಹೊರಟಿದೆ.
ಗ್ರೂಪ್ ಎ ನಲ್ಲಿ ಶ್ರೀಲಂಕಾ, ಐರ್ಲೆಂಡ್, ನೆದರ್ಲೆಂಡ್ ಮತ್ತು ನಮೀಬಿಯಾ ಸ್ಥಾನ ಪಡೆದಿತ್ತು. ಸೂಪರ್ 12ಗೆ ಎಂಟ್ರಿ ಪಡೆಯಲು ದಾರಿಯಾಗಿದ್ದ ಅರ್ಹತಾ ಸುತ್ತಿನಲ್ಲಿ ಈ ತಂಡಗಳು ಆಡಬೇಕಿತ್ತು. ಶ್ರೀಲಂಕಾ ಬಲಿಷ್ಠ ಮತ್ತು ಅನುಭವಿ ತಂಡವಾಗಿತ್ತು.
ಹೀಗಾಗಿ ಅದು ಸುಲಭ ಗೆಲುವು ದಾಖಲಿಸಿತ್ತು. ಆದರೆ ಮತ್ತೊಂದು ಸ್ಥಾನಕ್ಕಾಗಿ ನೆದರ್ಲೆಂಡ್ ಮತ್ತು ಐರ್ಲೆಂಡ್ ನಡುವೆ ಫೈಟ್ ಎಂದೇ ಬಿಂಬಿಸಲಾಗಿತ್ತು. ಆದರೆ ನಮೀಬಿಯಾ ಅಚ್ಚರಿಯಾಗಿ ಎಂಟ್ರಿಕೊಟ್ಟಿತು.
ನೆದರ್ಲೆಂಡ್ ಮತ್ತು ಐರ್ಲೆಂಡ್ ಎರಡೂ ತಂಡಗಳಿಗೂ ನಮೀಬಿಯಾ ಸೋಲುಣಿಸಿತು. ಶ್ರೀಲಂಕಾ ಐರ್ಲೆಂಡ್ ಮತ್ತು ನೆದರ್ಲೆಂಡ್ ವಿರುದ್ಧ ಗೆದ್ದು ಬೀಗಿತು. ನಮೀನಿಯಾದ ಶಾಕಿಂಗ್ ಪ್ರದರ್ಶನದಿಂದ ಐರ್ಲೆಂಡ್ ಮತ್ತು ನೆದರ್ಲೆಂಡ್ ಗ್ರೂಪ್ ಹಂತದಲ್ಲೇ ಟಿ20 ವಿಶ್ವಕಪ್ ಗೆ ಗುಡ್ ಬೈ ಹೇಳುವಂತಾಯಿತು.
