41 ಬಿಲಿಯನ್ ಡಾಲರ್ ಗೆ ಟ್ವೀಟರ್ ಖರೀದಿಸಲು ಮುಂದಾದ ಎಲಾನ್ ಮಾಸ್ಕ್
ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿ, ಟೆಸ್ಲಾ ಮುಖ್ಯಸ್ಥ ಎಲೋನ್ ಮಸ್ಕ್ ಅವರು ಸಾಮಾಜಿಕ ಮಾಧ್ಯಮ ಕಂಪನಿ ಟ್ವಿಟರ್ ಅನ್ನು 41 ಶತಕೋಟಿ ಡಾಲರ್ ನಗದು ನೀಡಿ ಖರೀದಿಸಲು ಮುಂದಾಗಿದ್ದಾರೆ. ಟ್ವಿಟರ್ ಅಧ್ಯಕ್ಷ ಬ್ರೆಟ್ ಟೇಲರ್ಗೆ ಬರೆದ ಪತ್ರದಲ್ಲಿ, ಪರಿಣಾಮಕಾರಿ ಬದಲಾವಣೆಗಳನ್ನು ನೋಡಲು ಕಂಪನಿಯು ಖಾಸಗಿಯಾಗಿ ಹೋಗಬೇಕಾಗಿದೆ ಎಂದು ಎಲಾನ್ ಮಸ್ಕ್ ಹೇಳಿದ್ದಾರೆ.
ಪ್ರಸ್ತುತ, ಮಸ್ಕ್ ಟ್ವಿಟರ್ನ ಅತಿದೊಡ್ಡ ಷೇರುದಾರರಾಗಿದ್ದು, ಕಂಪನಿಯಲ್ಲಿ 9% ಗಿಂತ ಹೆಚ್ಚಿನ ಪಾಲನ್ನು ಹೊಂದಿದ್ದಾರೆ. ಟ್ವಿಟರ್ ತಮ್ಮ ಮನವಿಯನ್ನ ಪರಿಗಣಿಸದಿದ್ದರೆ ಷೇರುದಾರನಾಗಿ ತನ್ನ ಸ್ಥಾನವನ್ನು ನಾನು ಮರುಪರಿಶೀಲಿಸಬೇಕಾಗುತ್ತದೆ ಎಂದು ಅವರು ಹೈಲೈಟ್ ಮಾಡಿದ್ದಾರೆ.
ಮೈಕ್ರೋಬ್ಲಾಗಿಂಗ್ ಪ್ಲಾಟ್ಫಾರ್ಮ್ನಲ್ಲಿ 9.2 ಪ% ಪಾಲನ್ನು ಸ್ವಾಧೀನಪಡಿಸಿಕೊಂಡ ನಂತರ ಮಂಡಳಿಯಲ್ಲಿ ಸ್ಥಾನವನ್ನು ನಿರಾಕರಿಸಿದ ಕೆಲವೇ ದಿನಗಳ ಬಳಿಕ ಎಲಾನ್ ಮಸ್ಕ್ನ ಟ್ವಿಟರ್ ಗೆ ಈ ಬೇಡಿಕೆ ಮುಂದಿಟ್ಟಿದ್ದಾರೆ.
ಟ್ವಿಟರ್ನಲ್ಲಿ 80 ಮಿಲಿಯನ್ಗಿಂತಲೂ ಹೆಚ್ಚು ಫಾಲೋವರ್ ಗಳನ್ನ ಹೊಂದಿರುವ ಎಲಾನ್ ಮಸ್ಕ್ ತಮ್ಮ ಟ್ವೀಟ್ಗಳಿಗಾಗಿ ಆಗಾಗ್ಗೆ ಪ್ರಚಾರದಲ್ಲಿದ್ದಾರೆ, ಅವುಗಳಲ್ಲಿ ಕೆಲವು ವಿವಾದಗಳಿಗೆ ಕಾರಣವಾಗಿವೆ. ಅವರ ಟ್ವೀಟ್ಗಳಿಗಾಗಿ ಕೆಲವು ಕೇಸ್ ಗಳು ಮತ್ತು ತನಿಖೆಗಳನ್ನು ಸಹ ಎದುರಿಸಿದ್ದಾರೆ.
