ಹಿಮಾಲಯ ರಾಜಕಾರಣದಲ್ಲಿ ಮುಂದುವರಿದ ಬಿಕ್ಕಟ್ಟು, ಇಂದು ಒಲಿ ರಾಜೀನಾಮೆ ಸಾಧ್ಯತೆ
ಕಠ್ಮಂಡು, ಜುಲೈ 6: ನೇಪಾಳದ ಪ್ರಧಾನಿ ಕೆ.ಪಿ.ಶರ್ಮಾ ಒಲಿ ಅವರು ಇಂದು ರಾಜೀನಾಮೆ ನೀಡುವ ಸಾಧ್ಯತೆ ದಟ್ಟವಾಗಿದ್ದು, ನೇಪಾಳದ ಸರ್ಕಾರವನ್ನು ನಿಭಾಯಿಸಲು ಓಲಿಗೆ ಸಾಧ್ಯವಿಲ್ಲ ಎಂದು ಪ್ರತಿಪಕ್ಷಗಳು ಹೇಳಿಕೊಳ್ಳುತ್ತಿವೆ.
ನೇಪಾಳದ ಚೀನಿ ವ್ಯಾಮೋಹಿ ಪ್ರಧಾನಿ ಕೆ.ಪಿ.ಒಲಿ ಅವರ ರಾಜೀನಾಮೆಗೆ ಪ್ರತಿಸ್ಪರ್ಧಿ ಬಣದಲ್ಲಿ ಒತ್ತಡ ಹೆಚ್ಚುತ್ತಿರುವ ಮಧ್ಯೆ, ಪಕ್ಷದ ಹಿರಿಯ ಮುಖಂಡ ಪುಷ್ಪಾ ಕಮಲ್ ದಹಲ್ ಅವರು ನೇಪಾಳ ಪ್ರಧಾನಿಯನ್ನು ಭಾನುವಾರ (ಜುಲೈ 5) ತಮ್ಮ ಬಾಲುವತಾರ್ ನಿವಾಸದಲ್ಲಿ ಭೇಟಿಯಾಗಿದ್ದಾರೆ. ಉಭಯ ನಾಯಕರ ನಡುವೆ ಇಂದು ಎರಡನೇ ಸುತ್ತಿನ ಸಭೆ ನಡೆಯುವ ಸಾಧ್ಯತೆ ಇದೆ ಎಂದು ವರದಿಗಳು ಹೇಳಿವೆ.
ವರದಿಗಳ ಪ್ರಕಾರ, ಕೆಪಿ ಒಲಿಯೊಂದಿಗೆ ಮಾತುಕತೆ ನಡೆಸುವ ಮೊದಲು ದಹಲ್ ಅಧ್ಯಕ್ಷೆ ಬಿದ್ಯಾ ದೇವಿ ಭಂಡಾರಿ ಅವರನ್ನು ಅನೌಪಚಾರಿಕವಾಗಿ ಭೇಟಿಯಾಗಿದ್ದರು ಎಂದು ತಿಳಿದುಬಂದಿದೆ.
ಏತನ್ಮಧ್ಯೆ, ಪ್ರಧಾನ ಮಂತ್ರಿ ಕೆ.ಪಿ.ಶರ್ಮಾ ಒಲಿ ಅವರ ರಾಜಕೀಯ ಭವಿಷ್ಯವನ್ನು ನಿರ್ಧರಿಸಲು ನೇಪಾಳದ ಆಡಳಿತ ಕಮ್ಯುನಿಸ್ಟ್ ಪಕ್ಷದ ನಿರ್ಣಾಯಕ ಸಭೆಯನ್ನು ಜುಲೈ 6 ರವರೆಗೆ ಮುಂದೂಡಲಾಗಿದ್ದು, ಪಕ್ಷದ ಉನ್ನತ ಮಟ್ಟದ ನಾಯಕರಿಗೆ ಅವರ ನಿರಂಕುಶಾಧಿಕಾರದ ಕಾರ್ಯವೈಖರಿ ಮತ್ತು ಭಾರತ ವಿರೋಧಿ ಹೇಳಿಕೆಗಳ ಬಗ್ಗೆ ಭಿನ್ನಾಭಿಪ್ರಾಯಗಳನ್ನು ನಿವಾರಿಸಲು ಹೆಚ್ಚಿನ ಸಮಯವನ್ನು ನೀಡಲಾಗಿದೆ ಎಂದು ತಿಳಿದುಬಂದಿದೆ.
ನೇಪಾಳ ಕಮ್ಯುನಿಸ್ಟ್ ಪಕ್ಷದ 45 ಸದಸ್ಯರ ಪ್ರಬಲ ಸ್ಥಾಯಿ ಸಮಿತಿಯ ಸಭೆ ಜುಲೈ 4 ರಂದು ನಡೆಯಬೇಕಿತ್ತು. ಆದರೆ ಅದನ್ನು ಕೊನೆಯ ಗಳಿಗೆಯಲ್ಲಿ ಮುಂದೂಡಲಾಯಿತು.
ವರದಿಗಳ ಪ್ರಕಾರ, ಎನ್.ಸಿಪಿಯ ಪ್ರತಿಸ್ಪರ್ಧಿ ಬಣವು ಒಲಿ ಅವರನ್ನು ಪ್ರಧಾನಿ ಹುದ್ದೆಗೆ ರಾಜೀನಾಮೆ ನೀಡುವಂತೆ ಒತ್ತಾಯಿಸಲಾಗಿದ್ದು, ಇತರ ಕೆಲವು ನಾಯಕರು ಪ್ರಧಾನಿ ಮತ್ತು ಪಕ್ಷದ ಸಹ-ಅಧ್ಯಕ್ಷ ಸ್ಥಾನಗಳೆರಡನ್ನೂ ತ್ಯಜಿಸುವಂತೆ ಕೇಳಿಕೊಂಡಿದ್ದಾರೆ. ಒಲಿ ತ್ಯಜಿಸಲು ನಿರಾಕರಿಸಿದ್ದಾರೆ ಎಂದು ಹೇಳಲಾಗುತ್ತಿದ್ದರೂ, ದಹಲ್ ತನ್ನ ಪಟ್ಟು ಬಿಡುವ ಸಾಧ್ಯತೆ ಕಡಿಮೆ ಇದ್ದು ಒಲಿ ಬಹುತೇಕ ರಾಜೀನಾಮೆ ನೀಡುವ ಸಾಧ್ಯತೆಯೇ ಅಧಿಕವಾಗಿದೆ. ನೇಪಾಳ ಪ್ರಧಾನ ಮಂತ್ರಿಯ ಭಾರತ ವಿರೋಧಿ ನಿಲುವೇ ಅವರ ಪ್ರಧಾನಿ ಪಟ್ಟಕ್ಕೆ ಕುತ್ತು ತಂದದ್ದು ಸುಳ್ಳಲ್ಲ. ಆದರೆ ಸರ್ಕಾರವನ್ನು ಒಪ್ಪಂದದ ಹೊರತಾಗಿಯೂ, ಐದು ವರ್ಷಗಳ ಅವಧಿಯನ್ನು ಅವರು ನೀಡಿದ್ದರು ಎಂದು ದಹಲ್ ಶನಿವಾರ ಓಲಿಗೆ ತಿಳಿಸಿದ್ದು, ಆದರೆ ಪ್ರಧಾನಮಂತ್ರಿ ದೇಶವನ್ನು ಉತ್ತಮವಾಗಿ ನಡೆಸಲು ವಿಫಲರಾಗಿದ್ದಾರೆ ಮತ್ತು ಪಕ್ಷದಲ್ಲಿ ಹತಾಶೆ ಹೆಚ್ಚುತ್ತಿದೆ ಎಂದು ಹೇಳಿದ್ದಾರೆ. ಒಬ್ಬರಿಗೊಬ್ಬರು ಮಾತುಕತೆ ನಡೆಸುವ ಹೊರತಾಗಿ, ಒಲಿ ಮತ್ತು ದಹಲ್ ಕೂಡ ತಮ್ಮ ವಿಶ್ವಾಸಾರ್ಹರ ಮೂಲಕ ಮಧ್ಯಮ ಮಾರ್ಗವನ್ನು ಕಂಡುಕೊಳ್ಳುತ್ತಿದ್ದಾರೆ.
ಪ್ರಧಾನ ಮಂತ್ರಿಯನ್ನು ಪದಚ್ಯುತಗೊಳಿಸಲು ದಹಲ್-ನೇಪಾಳ ಬಣವು ಮಾಡುವ ಯಾವುದೇ ಪ್ರಯತ್ನವು ಪಕ್ಷದ ವಿಭಜನೆಗೆ ಕಾರಣವಾಗಬಹುದು ಮತ್ತು ಇದರ ಪರಿಣಾಮವು ಕೇಂದ್ರ ಮಟ್ಟದಲ್ಲಿ ಮಾತ್ರವಲ್ಲದೆ ಪ್ರಾಂತೀಯ ಮತ್ತು ಸ್ಥಳೀಯ ಮಟ್ಟದಲ್ಲಿಯೂ ಉಂಟಾಗುತ್ತದೆ ಎಂದು ಎನ್ಸಿಪಿ ನಾಯಕರು ಹೇಳಿದ್ದಾರೆ
