ಎಫ್ಎಟಿಎಫ್ ನಿಂದ ಪಾಕಿಸ್ತಾನದ ಪ್ರಗತಿ ಪರಿಶೀಲನೆ ಪ್ರಾರಂಭ – ಮತ್ತೆ ಬೂದು ಪಟ್ಟಿ ಸೇರಲಿದೆಯೇ ಪಾಕ್? FATF Review
ಇಸ್ಲಾಮಾಬಾದ್, ಅಕ್ಟೋಬರ್13: ಫೈನಾನ್ಷಿಯಲ್ ಆಕ್ಷನ್ ಟಾಸ್ಕ್ ಫೋರ್ಸ್ ಇಂಟರ್ನ್ಯಾಷನಲ್ ಕೋಆಪರೇಷನ್ ರಿವ್ಯೂ ಗ್ರೂಪ್ ಮಂಗಳವಾರ ಹಣ ವರ್ಗಾವಣೆ ಮತ್ತು ಭಯೋತ್ಪಾದನೆ ಹಣಕಾಸು ನಿಗ್ರಹದಲ್ಲಿ ನಿಯಮಾವಳಿಗಳ ಕುರಿತು ಪಾಕಿಸ್ತಾನದ ಪ್ರಗತಿಯನ್ನು ಪರಿಶೀಲಿಸಲು ಪ್ರಾರಂಭಿಸಲಿದೆ. FATF Review
ನಂತರ ಪಾಕಿಸ್ತಾನದ ವರದಿ ಮತ್ತು ಪ್ರಸ್ತಾವನೆಯನ್ನು ಎಫ್ಎಟಿಎಫ್ಗೆ ಸಲ್ಲಿಸಲಾಗುವುದು. ಅಕ್ಟೋಬರ್ 21 ರಿಂದ 23 ರವರೆಗೆ ಪ್ಯಾರಿಸ್ನಲ್ಲಿ ಮತ್ತೊಂದು ಸಭೆ ನಡೆಸಿ ಪಾಕಿಸ್ತಾನವನ್ನು ಬೂದು ಪಟ್ಟಿಯಿಂದ ತೆಗೆದುಹಾಕಬೇಕೆ ಅಥವಾ ಬೇಡವೇ ಎಂದು ನಿರ್ಧರಿಸುತ್ತದೆ.
ಸಭೆಯಲ್ಲಿ ಚೀನಾ, ಯುಎಸ್, ಯುಕೆ, ಫ್ರಾನ್ಸ್, ಜರ್ಮನಿ, ನ್ಯೂಜಿಲೆಂಡ್ ಮತ್ತು ಭಾರತದ ಸದಸ್ಯರು ಭಾಗವಹಿಸಲಿದ್ದಾರೆ ಎಂದು ಸಚಿವಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ.
ಪ್ರತಿಷ್ಠಿತ ಬ್ಲೂ ಫ್ಲ್ಯಾಗ್ ಟ್ಯಾಗ್ ಗೆದ್ದ ಭಾರತದ ಕಡಲತೀರಗಳ ಪಟ್ಟಿಯಲ್ಲಿ ಕರ್ನಾಟಕದ ಎರಡು ಬೀಚ್ !
ಮನಿ ಲಾಂಡರಿಂಗ್ ಮತ್ತು ಭಯೋತ್ಪಾದಕ ಹಣಕಾಸು ವಿರುದ್ಧದ ಇತ್ತೀಚಿನ ಶಾಸನಗಳು ಸೇರಿದಂತೆ ಎಫ್ಎಟಿಎಫ್ನ 27 ಷರತ್ತುಗಳಲ್ಲಿ 21 ರಲ್ಲಿ ಗಮನಾರ್ಹ ಪ್ರಗತಿ ಸಾಧಿಸಲಾಗಿದೆ ಎಂದು ಪಾಕ್ ಸಚಿವಾಲಯ ಹೇಳಿದೆ.
ಆದರೆ ಈ ಎಲ್ಲ ಪ್ರಯತ್ನಗಳ ಹೊರತಾಗಿಯೂ ಪಾಕಿಸ್ತಾನ ಬೂದು ಪಟ್ಟಿಯಲ್ಲಿ ಉಳಿಯುತ್ತದೆ ಎಂದು ಮೂಲಗಳು ತಿಳಿಸಿವೆ.
ಏಕೆಂದರೆ ಅದರ 2019 ರ ಪರಸ್ಪರ ಮೌಲ್ಯಮಾಪನ ವರದಿಯು ಇನ್ನೂ ಹೆಚ್ಚಿನದನ್ನು ಪಾಲಿಸಬೇಕಿದೆ ಎಂದು ಹೇಳುತ್ತದೆ. ಪಾಕಿಸ್ತಾನ ಇನ್ನೂ ಎಲ್ಲಾ 27 ಷರತ್ತುಗಳನ್ನು ಪಾಲಿಸಿಲ್ಲ.
ಎಫ್ಎಟಿಎಫ್ನ ಬೂದು ಪಟ್ಟಿಯಿಂದ ಹೊರಬರಲು ಯತ್ನಿಸುತ್ತಾ, ಸಾಲದಿಂದ ಬಳಲುತ್ತಿರುವ ಪಾಕಿಸ್ತಾನವು ಅಗಸ್ಟ್ ನಲ್ಲಿ ನಿಷೇಧಿತ 88 ಭಯೋತ್ಪಾದಕ ಗುಂಪುಗಳು ಮತ್ತು ಅವರ ನಾಯಕರ ಮೇಲೆ ಆರ್ಥಿಕ ನಿರ್ಬಂಧಗಳನ್ನು ವಿಧಿಸಿತು.
ಕೇಂದ್ರದಿಂದ ಸರ್ಕಾರಿ ನೌಕರರಿಗಾಗಿ ವಿಶೇಷ ಹಬ್ಬದ ಮುಂಗಡ ಯೋಜನೆ
ಇದರಲ್ಲಿ 26/11 ಮುಂಬೈ ದಾಳಿಯ ಮಾಸ್ಟರ್ ಮೈಂಡ್ ಮತ್ತು ಜಮಾತ್-ಉದ್-ದವಾ (ಜುಡಿ) ಮುಖ್ಯಸ್ಥ ಹಫೀಜ್ ಸಯೀದ್, ಜೈಶ್- ಇ-ಮೊಹಮ್ಮದ್ (ಜೆಎಂ) ಮುಖ್ಯಸ್ಥ ಮಸೂದ್ ಅಜರ್ ಮತ್ತು ಭೂಗತ ಡಾನ್ ದಾವೂದ್ ಇಬ್ರಾಹಿಂ ಸೇರಿದ್ದಾರೆ.
ಅಕ್ಟೋಬರ್ 21ರಿಂದ 23ರ ವರೆಗೆ ಪ್ಯಾರಿಸ್ ನಲ್ಲಿ ನಡೆಯಲಿರುವ ಸಭೆಯಲ್ಲಿ ಪಾಕ್ ಗೆ ಬಹುಮತ ಬಂದರೆ, ಅದನ್ನು ಬೂದುಪಟ್ಟಿಯಿಂದ ಹೊರಕ್ಕೆ ಇಡಲಾಗುತ್ತದೆ.
ಅಂದರೆ ಕನಿಷ್ಠ 12 ರಾಷ್ಟ್ರಗಳು ಪಾಕ್ ಪರ ಮತಚಲಾಯಿಸಿದರೆ ಮಾತ್ರ ಬೂದು ಪಟ್ಟಿಯಿಂದ ಹೊರಬರಲಿದೆ.
ಆದರೆ ಪಾಕ್ ನ ಪರಮಾಪ್ತ ಗೆಳೆಯ ಚೀನಾ, ಟರ್ಕಿ ಮಲೇಷಿಯಾ ಬಿಟ್ಟರೆ ಇನ್ನಿತರ ರಾಷ್ಟ್ರಗಳು ಪಾಕಿಸ್ತಾನ ಪರ ಮತ ಚಲಾಯಿಸುವ ಸಾಧ್ಯತೆ ಕಡಿಮೆಯಿದೆ.
ಈಗಾಗಲೇ ಬೂದುಪಟ್ಟಿಯಲ್ಲಿರುವ ಪಾಕಿಸ್ತಾನ ಅಂತಿಮವಾಗಿ ಕಪ್ಪುಪಟ್ಟಿಗೆ ಸೇರಿದರೆ ಆ ರಾಷ್ಟ್ರಕ್ಕೆ ಮುಂದೆ
ಯಾವುದೇ ದೇಶಗಳಿಂದ ಯಾವುದೇ ರೀತಿಯ ಸಹಾಯ ಸಹಕಾರಗಳು ದೊರಕುವುದಿಲ್ಲ.
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel
ಟ್ವಿಟರ್ ಮೂಲಕ ನಮ್ಮ ಸುದ್ದಿಗಳ ಅಪ್ ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ
https://twitter.com/SaakshaTv
