ರಿಷಬ್ ಶೆಟ್ಟಿ ಅಭಿನಯಿಸುತ್ತಿರುವ “ಹರಿಕಥೆ ಅಲ್ಲ ಗಿರಿಕಥೆ” ಸಿನಿಮಾದ ಪ್ರಿ-ಪ್ರೊಡಕ್ಷನ್ಸ್ ವರ್ಕ್ ಮುಗಿದಿದ್ದು, ಇದೀಗ ಚಿತ್ರತಂಡ ನಾಯಕಿಗೋಸ್ಕರ ಹುಡುಕಾಟ ಪ್ರಾರಂಭಿಸಿದೆ.
ಚಿತ್ರದಲ್ಲಿ ರಿಷಬ್ ಶೆಟ್ಟಿ ಜೊತೆ ಡ್ಯೂಯೆಟ್ ಹಾಡಲು ಹೊಸ ಮುಖದ ಹುಡುಕಾಟದಲ್ಲಿರುವ ಚಿತ್ರತಂಡ, ನಾಯಕಿ ಆಯ್ಕೆ ಮಾಡುವ ಸಲುವಾಗಿ ಆಡಿಷನ್ ನಡೆಸಲು ತಿರ್ಮಾನಿಸಿದೆ. ಅದಕ್ಕಾಗಿ ನಿರ್ದೇಶಕ ಗಿರಿಕೃಷ್ಣ ಅವರು ಆನ್ ಲೈನ್ ಮೂಲಕವೇ ಆಡಿಷನ್ ಮಾಡಲು ಪ್ಲಾನ್ ಮಾಡಿದ್ದಾರೆ.
ಅದರಂತೆ ನಾಯಕಿ ಆಗಬೇಕು ಎಂದು ಅವಕಾಶಕ್ಕಾಗಿ ಕಾಯುತ್ತಿರುವ 18 ರಿಂದ 28 ವಯಸ್ಸಿನ ಹೆಣ್ಣು ಮಕ್ಕಳು ತಮ್ಮ ಒಂದು ನಿಮಿಷದ ನಟನೆಯ ವಿಡಿಯೋವನ್ನು hkgk.rsf@gmail.com ಮೇಲ್ ಐಡಿಗೆ ಕಳುಹಿಸಬೇಕು. ವಿಡಿಯೋ ಕಳುಹಿಸಿದವರಲ್ಲಿ ಉತ್ತಮ ನಟನೆ ಯಾರು ಮಾಡಿದ್ದಾರೆಯೋ ಅವರೇ ಈ ಚಿತ್ರದ ನಾಯಕಿಯಾಗಲಿದ್ದಾರೆ ಎಂದು ಚಿತ್ರತಂಡ ಹೇಳಿದೆ.
