ವಾಷಿಂಗ್ಟನ್: ವಿಶ್ವದಲ್ಲೇ ಮೊದಲ ಖಾಸಗಿ ಬಾಹ್ಯಕಾಶ ನಡಿಗೆ (Private Spacewalk)ಫಲ ಕಂಡಿದೆ. ಗಗನ ಯಾತ್ರಿಗಳು ಮರಳಿ ಭೂಮಿ ತಲುಪಿದ್ದಾರೆ.
ಪೊಲಾರಿಸ್ ಡಾನ್ (Polaris Dawn) ಯೋಜನೆಯಡಿ ಇತ್ತೀಚೆಗೆ ಬಾಹ್ಯಾಕಾಶಕ್ಕೆ ತೆರಳಿದ್ದ ನಾಲ್ವರು ಗಗನಯಾತ್ರಿಗಳು ಸುರಕ್ಷಿತವಾಗಿ ಭೂಮಿಗೆ ಮರಳಿದ್ದಾರೆ. ಇಬ್ಬರು ನಾಸಾ ಪೈಲಟ್‌ ಗಳು, ಒಬ್ಬ ಸ್ಪೇಸ್‌ ಎಕ್ಸ್ (Space X) ಉದ್ಯೋಗಿ ಹಾಗೂ ಬಿಲಿಯನೇರ್ ಜರೇಡ್ ಐಸಾಕ್ ಮನ್ ಈ ಖಾಸಗಿ ತಂಡದಲ್ಲಿದ್ದರು.
ಹೊತ್ತಿದ್ದ ನೌಕೆ ಯಶಸ್ವಿಯಾಗಿ ಮೆಕ್ಸಿಕೋ ಕೊಲ್ಲಿಯಲ್ಲಿ ಇಳಿದಿದೆ. ಭೂಮಿಯಿಂದ ಸುಮಾರು 740 ಕಿ.ಮೀ. ದೂರದಲ್ಲಿ ಯಶಸ್ವಿಯಾಗಿ ಬಾಹ್ಯಕಾಶ ನಡಿಗೆ ನಡೆದಿತ್ತು. ಇಲ್ಲಿಯವರೆಗೆ ತರಬೇತಿ ಪಡೆದ ಗಗನ ಯಾತ್ರಿಗಳನ್ನು ಮಾತ್ರ ಬಾಹ್ಯಾಕಾಶಕ್ಕೆ ಕಳುಹಿಸಿ ಕೊಡಲಾಗುತ್ತದೆ. ಆದರೆ, ಈಗ ಖಾಸಗಿಯಾಗಿ ಬಿಲಿಯನೇರ್ ಜರೇಡ್ ಐಸಾಕ್ ಮನ್ ಗಗನ ಯಾನ ಕೈಗೊಂಡು, ದಾಖಲೆ ಬರೆದಿದ್ದಾರೆ.
ಈ ಕುರಿತು ಸ್ಪೇಸ್‌ ಎಕ್ಸ್ ಮಾಲೀಕ ಎಲೋನ್‌ ಮಸ್ಕ್‌ (Elon Musk) ಎಕ್ಸ್ ನಲ್ಲಿ ನಾಲ್ವರ ಫೋಟೋ ಹಾಕಿ ಖುಷಿ ಪಟ್ಟಿದ್ದಾರೆ.
