ಉಕ್ರೇನ್ ಬಿಕ್ಕಟ್ಟು: 630 ಭಾರತೀಯರನ್ನ ಸ್ಥಳಾಂತರಿಸಿದ ಭಾರತೀಯ ವಾಯುಪಡೆ
ಉಕ್ರೇನ್-ರಷ್ಯಾ ಸಂಘರ್ಷದ ನಡುವೆ ಸಿಲುಕಿರುವ 630 ಭಾರತೀಯರನ್ನು ಹೊತ್ತೊಯ್ಯುವ ಭಾರತೀಯ ವಾಯುಪಡೆಯ 3 ವಿಮಾನಗಳು ದೆಹಲಿಯ ಹಿಂಡನ್ ವಾಯುನೆಲೆಗೆ ರೊಮೇನಿಯಾ ಮತ್ತು ಹಂಗೇರಿಯಿಂದ ಬಂದು ತಲುಪಿವೆ.
ರೊಮೇನಿಯನ್ ರಾಜಧಾನಿ ಬುಕಾರೆಸ್ಟ್, ಹಂಗೇರಿಯ ಬುಡಾಪೆಸ್ಟ್ ಮತ್ತು ಪೋಲಿಷ್ ನಗರ ರ್ಜೆಸ್ಜೋವ್‌ನಿಂದ ಹಿಂಡನ್ ವಾಯುನೆಲೆಗೆ ನಾಲ್ಕು ವಿಮಾನಗಳಲ್ಲಿ 798 ಭಾರತೀಯರನ್ನು ಆಪರೇಷನ್ ಗಂಗಾ ಕಾರ್ಯಾಚರಣೆಯಡಿ ಸ್ಥಳಾಂತರಿಸಲಾಗಿದೆ.
ಇಲ್ಲಿಯವರೆಗೆ, IAF ಏಳು ವಿಮಾನಗಳಲ್ಲಿ ಒಟ್ಟು 1,428 ಭಾರತೀಯರನ್ನು ಸ್ಥಳಾಂತರಿಸಿದೆ, ಅವರೆಲ್ಲರನ್ನೂ C-17 ವಿಮಾನದ ಮೂಲಕ ಸ್ಥಳಾಂತರಿಸಲಾಗಿದೆ.
“ಮೂರು IAF C-17 ವಿಮಾನಗಳು ನಿನ್ನೆ ತಡರಾತ್ರಿ ಮತ್ತು ಇಂದು ಮುಂಜಾನೆ ಹಿಂಡನ್ ವಾಯುನೆಲೆಗೆ ಮರಳಿದವು, ಉಕ್ರೇನ್ ಸಂಘರ್ಷ-ಪೀಡಿತ 630 ಭಾರತೀಯ ಪ್ರಜೆಗಳನ್ನು ಹೊತ್ತೊಯ್ದು, ರೊಮೇನಿಯಾ ಮತ್ತು ಹಂಗೇರಿಯಲ್ಲಿನ ವಾಯುನೆಲೆಗಳನ್ನು ಬಳಸಿ,” IAF ಶುಕ್ರವಾರ ಟ್ವಿಟರ್‌ನಲ್ಲಿ ತಿಳಿಸಿದೆ.
ರಷ್ಯಾ ಸೇನಾ ದಾಳಿಯಿಂದಾಗಿ ಫೆಬ್ರವರಿ 24 ರಿಂದ ಉಕ್ರೇನಿಯನ್ ವಾಯುಪ್ರದೇಶವನ್ನು ಮುಚ್ಚಲಾಗಿರುವುದರಿಂದ ಉಕ್ರೇನ್‌ನ ಪಶ್ಚಿಮ ನೆರೆಯ ದೇಶಗಳಾದ ರೊಮೇನಿಯಾ, ಹಂಗೇರಿ, ಸ್ಲೋವಾಕಿಯಾ ಮತ್ತು ಪೋಲೆಂಡ್‌ನಿಂದ ವಿಶೇಷ ವಿಮಾನಗಳ ಮೂಲಕ ಭಾರತವು ತನ್ನ ನಾಗರಿಕರನ್ನು ಸ್ಥಳಾಂತರಿಸುತ್ತಿದೆ.
