ಕಬ್ಜ ಟೀಸರ್ ಸೂಪರ್…… ಆದ್ರೆ ಆ ಸಿನಿಮಾವನ್ನೇ ನೆನಪಿಸುತ್ತಿದೆ….
ಆರ್ ಚಂದ್ರು ನಿರ್ದೇಶನದ ರಿಯಲ್ ಸ್ಟಾರ್ ಉಪೇಂದ್ರ ಮತ್ತು ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿರುವ ಕನ್ನಡದ ಮತ್ತೊಂದು ಬಿಗ್ ಬಜೆಟ್ ಪ್ಯಾನ್ ಇಂಡಿಯಾ ಸಿನಿಮಾ ಕಬ್ಜಾ ಚಿತ್ರದ ಟೀಸರ್ ಬಿಡುಗಡೆಯಾಗಿದೆ. ಟೀಸರ್ ನೋಡಿದ ಪ್ರೇಕ್ಷಕ ಸ್ಯಾಂಡಲ್ ವುಡ್ ಮತ್ತೊಮ್ಮೆ ಹೆಮ್ಮೆಯಿಂದ ಹೇಳಿಕೊಳ್ಳುವಂತಹ ಸಿನಿಮಾ ಬಂದಿದೆ ಎಂದು ಉದ್ಘಾರ ತೆಗೆದಿದ್ದಾನೆ.
ಆದರೆ ಟೀಸರ್ ನೋಡಿದ ತಕ್ಷಣ ಪ್ರೇಕ್ಷರ ಬಾಯಲ್ಲಿ ಒಂದೇ ಮಾತು ಬರುತ್ತಿದೆ ಅದು ಕೆಜಿಎಫ್ … ಟೀಸರ್ ನೋಡಿದ ತಕ್ಷಣ ಚಿತ್ರದ ಮೇಕಿಂಗ್ ಕೆಜಿಎಫ್ ರೀತಿಯಲ್ಲಿ ಇದೇ ಎನ್ನುವು ಟೀಸರ್ ನೋಡಿದ ಎಲ್ಲರಿಗೂ ಮನದಟ್ಟಾಗುತ್ತಿದೆ. ಹೊಳೆಯುತ್ತಿದೆ. ಟೀಸರ್ ಕಟ್ಟಿಂಗ್, ಪೋಟೋಗ್ರಫಿ, ಹಿನ್ನಲೆ ಸಂಗೀತ ಇದೆಲ್ಲವೂ ಕೆಜೆಎಫ್ ಛಾಯೇಯನ್ನೇ ಹೋಲುತ್ತಿದೆ.
ಅದರಲ್ಲೂ ಕಾರ್ ಮತ್ತು ಕೆಲವು ಗನ್ ಹಿಡುದುಕೊಂಡು ಬರುವ ದೃಶ್ಯಗಳು ಸಹ ಕೆಜಿಎಫ್ ಅನ್ನೇ ನೆನಪಿಸುತ್ತಿದೆ. ಇದೆಲ್ಲೆವನ್ನೂ ಬಿಟ್ಟು ನೋಡಿದರೆ ಚಿತ್ರದ ಕ್ವಾಲಿಟಿ ಮಾತ್ರ ಹಾಲಿವುಡ್ ರೇಂಜ್ ನಲ್ಲೇ ಇದೆ. ಚಿತ್ರದ ಕ್ಯಾಸ್ಟಿಂಗ್, ಮೇಕಿಂಗ್ ವಿಚಾರದಲ್ಲಿ ಚಿತ್ರ ಯಾವುದೇ ರಾಜಿ ಮಾಡಿಕೊಂಡಿಲ್ಲ. ಟೀಸರ್ ಕೆಜಿಎಫ್ ಅನ್ನ ನೆನೆಪಿಸಿದಂತೆ ಚಿತ್ರ ಕೆಜಿಎಫ್ ಅದೇ ದಾಟಿಯಲ್ಲಿರದೇ ವಿಭಿನ್ನವಾಗಿದ್ದರೆ ಕನ್ನಡದ ಮಟ್ಟಿಗೆ ಮತ್ತೊಂದು ಮೈಲಿಗಲ್ಲಾಗುವ ಸಿನಿಮಾ ಆಗಲಿದೆ ಎನ್ನುವುದರಲ್ಲಿ ಎರಡು ಮಾತಿಲ್ಲ..
