ಭುವನ ಸುಂದರಿ 2024 (Miss Universe 2024) ಪ್ರಶಸ್ತಿ ಗೆಲ್ಲುವ ಭಾರತದ ಆಸೆಗೆ ಈ ಬಾರಿ ತೀವ್ರ ನಿರಾಶೆಯಾಗಿದೆ. 2024ರ ಮಿಸ್ ಯೂನಿವರ್ಸ್ ಸ್ಪರ್ಧೆಯಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದ ರಿಯಾ ಸಿಂಘಾ ಅಂತಿಮ ಸುತ್ತಿನಲ್ಲಿ ಟಾಪ್ 12 ಸ್ಥಾನ ಪಡೆಯುವಲ್ಲಿ ವಿಫಲರಾದರು. ಇದು ಭಾರತ ಪ್ರೇಮಿಗಳಿಗೆ ನಿರಾಸೆಯನ್ನುಂಟು ಮಾಡಿದ್ರೂ, ಡೆನ್ಮಾರ್ಕ್‌ಗೆ ಹೊಸ ಇತಿಹಾಸ ಸೃಷ್ಟಿಯಾಗಿದೆ.
ಡೆನ್ಮಾರ್ಕ್‌ನ ವಿಕ್ಟೋರಿಯಾ ಕ್ಜೇರ್ 2024ರ ವಿಶ್ವ ಸುಂದರಿ ಕಿರೀಟವನ್ನು ತನ್ನದಾಗಿಸಿಕೊಂಡು, ಡೆನ್ಮಾರ್ಕ್‌ಗೆ ಮೊದಲ ಬಾರಿಗೆ ಭುವನ ಸುಂದರಿ ಪ್ರಶಸ್ತಿಯ ಗೌರವ ತಂದು ಕೊಟ್ಟರು. ಈ ಸಾಧನೆಯಿಂದಾಗಿ, ಡೆನ್ಮಾರ್ಕ್ ಜಾಗತಿಕ ವೇದಿಕೆಯಲ್ಲಿ ಗಮನ ಸೆಳೆಯುವಂತಾಗಿದೆ.
