ಭಾರತದ ವಿನೂ ಮಂಕಡ್ ಗೆ ಐಸಿಸಿ ಹಾಲ್ ಆಫ್ ಫೇಮ್ ಗೌರವ
ವಿಶ್ವ ಟೆಸ್ಟ್ ಚಾಂಪಿಯನ್ ಷಿಪ್ ಫೈನಲ್ ಪಂದ್ಯದ ವೇಳೆ ಐಸಿಸಿ ವಿಶ್ವದ ಶ್ರೇಷ್ಠ ಹತ್ತು ಆಟಗಾರರಿಗೆ ಗೌರವ ನೀಡುವ ತೀರ್ಮಾನವನ್ನು ತೆಗೆದುಕೊಂಡಿದೆ.
ಭಾರತ ಕ್ರಿಕೆಟ್ ತಂಡದ ಆಲ್ ರೌಂಡರ್ ವಿನೂ ಮಂಕಡ್ ಸೇರಿದಂತೆ ಹತ್ತು ಆಟಗಾರರಿಗೆ ಐಸಿಸಿ ಹಾಲ್ ಆಫ್ ಫೇಮ್ ಗೌರವ ನೀಡಿದೆ.
ಜೂನ್ 18ರಿಂದ ಇಂಗ್ಲೆಂಡ್ ನ ಸೌತಾಂಪ್ಟನ್ ನಲ್ಲಿ ಟೀಮ್ ಇಂಡಿಯಾ ಮತ್ತು ನ್ಯೂಜಿಲೆಂಡ್ ತಂಡಗಳು ಫೈನಲ್ ಪಂದ್ಯದಲ್ಲಿ ಕಾದಾಟ ನಡೆಸಲಿವೆ.
ಇದೇ ವೇಳೆ ಐಸಿಸಿ ವಿಶ್ವದ ಮಹಾನ್ ಕ್ರಿಕೆಟಿಗರನ್ನು ನೆನಪಿಸುವ ಕಾರ್ಯಕ್ಕೆ ಮುಂದಾಗಿದೆ. 1918ರಿಂದ 2016ರವರೆಗೆ ತಲಾ ಇಬ್ಬರು ಕ್ರಿಕೆಟಿಗರನ್ನು ಆಯ್ಕೆ ಮಾಡಿ ಐಸಿಸಿ ಹಾಲ್ ಆಫ್ ಫೇಮ್ ಗೌರವ ನೀಡುವ ನಿರ್ಧಾರ ತೆಗೆದುಕೊಂಡಿರುವುದು ಪ್ರಶಂಸನೀಯವೇ ಸರಿ.
1918ಕ್ಕೆ ಮುನ್ನ ಆಸ್ಟ್ರೇಲಿಯಾದ ಮಾಂಟಿ ನೊಬೆಲ್ ಮತ್ತು ದಕ್ಷಿಣ ಆಫ್ರಿಕಾದ ಅಬ್ರೆ ಫಾಕ್ನರ್ ಅವರನ್ನು ನೇಮಕ ಮಾಡಿದೆ.
ಇನ್ನು 1918ರಿಂದ 1945ರವರೆಗೆ ಆಸ್ಟ್ರೇಲಿಯಾದ ಸ್ಟಾನ್ ಮೆಕೆಬ್ ಮತ್ತು ವೆಸ್ಟ್ ಇಂಡೀಸ್ ನ ಸರ್ ಲೇರಿ ಕಾನ್ಸೆಂಟೆಟಿನ್ ಅವರನ್ನು ಆಯ್ಕೆ ಮಾಡಿದೆ
1946ರಿಂದ 1970ರ ತನಕ ಭಾರತದ ವಿನೂ ಮಂಕಡ್ ಮತ್ತು ಇಂಗ್ಲೆಂಡ್ ನ ಟೆಡ್ ಡೆಕ್ಸಟರ್ ಅವರನ್ನು ನೇಮಕ ಮಾಡಿದೆ.
1971ರಿಂದ 1995ರವರೆಗೆ ವೆಸ್ಟ್ ಇಂಡೀಸ್ ನ ಡೆಸ್ಮಂಡ್ ಹೆನ್ಸ್ ಮತ್ತು ಇಂಗ್ಲೆಂಡ್ ಬಾಬ್ ವಿಲ್ಲಿಸ್ ಅವರನ್ನು ಆಯ್ಕೆ ಮಾಡಲಾಗಿದೆ.
1995ರಿಂದ 2016ರವರೆಗೆ ಶ್ರೀಲಂಕಾದ ಮಾಜಿ ನಾಯಕ ಕುಮಾರ ಸಂಗಕ್ಕರ ಮತ್ತು ಜಿಂಬಾಬ್ವೆಯ ಮಾಜಿ ನಾಯಕ ಆಂಡಿ ಫ್ಲವರ್ ಅವರನ್ನು ಆಯ್ಕೆ ಮಾಡಿದೆ.
ಇನ್ನು ಭಾರತದ ವಿನೂ ಮಂಕಡ್ ಅವರು ಶ್ರೇಷ್ಠ ಆಲ್ ರೌಂಡರ್ ಆಗಿದ್ದರು. ಆರಂಭಿಕ ಆಟಗಾರನಾಗಿರುವುದರ ಜೊತೆಗೆ ಎಡಗೈ ಸಿನ್ನರ್ ಆಗಿದ್ದ ವಿನೂ ಮಂಕಡ್ ಅವರು 44 ಟೆಸ್ಟ್ ಪಂದ್ಯಗಳನ್ನು ಆಡಿದ್ದು, 2109 ರನ್ ಕಲೆ ಹಾಕಿದ್ದರು. ಒಟ್ಟು 162 ವಿಕೆಟ್ ಗಳನ್ನು ಕೂಡ ಕಬಳಿಸಿದ್ದರು.
ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿಯು ಐದು ಹಂತಗಳಲ್ಲಿ ಆಟಗಾರರನ್ನು ಆಯ್ಕೆ ಮಾಡಿದೆ.
