ಕೆಲಸದಿಂದ ತೆಗೆದಿದ್ದಕ್ಕೆ ಸೇಡು, ಕಾರುಗಳ ಮೇಲೆ ಆಸಿಡ್ ಸುರಿದ ವ್ಯಕ್ತಿ….
ವ್ಯಕ್ತಿಯೊಬ್ಬ ಕಾರು ಮತ್ತು ಎಸ್‌ಯುವಿಗಳ ಮೇಲೆ ಆಸಿಡ್ ಸುರಿದು ಹಾಳು ಮಾಡಿದ ಘಟನೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ವ್ಯಕ್ತಿ ಕಾರ್ ವಾಷರ್ ಆಗಿದ್ದು ಕೆಲಸದಿಂದ ವಜಾ ಮಾಡಿದ್ದಕ್ಕೆ ಸಿಟ್ಟಿಗೆದ್ದು ಪಾರ್ಕಿಂಗ್ ಸ್ಥಳದಲ್ಲಿ ಕಾರ್ ಮೇಲೆ ಆಸಿಡ್ ಸುರಿದು ಹಾಳು ಮಾಡಲು ಯತ್ನಿಸಿದ್ದಾನೆ, ಘಟನೆ ನೋಯ್ಡಾದ ಸೆಕ್ಟರ್ – 75 ರಲ್ಲಿ ನಡೆದಿದೆ.
ಬುಧವಾರ ಬೆಳಗ್ಗೆ 9:15ರ ಸುಮಾರಿಗೆ ಆರೋಪಿ ಕಾರುಗಳು ಮತ್ತು ಎಸ್‌ಯುವಿಗಳ ಮೇಲೆ ಆಸಿಡ್ ಸುರಿಯುತ್ತಿರುವುದನ್ನ ಪಾರ್ಕಿಂಗ್ ಸ್ಥಳದಲ್ಲಿದ್ದ ಕಾರ್ ಮಾಲಿಕರು ಸಿಸಿಟಿವಿ ಪರಿಶೀಲಿಸಿ ಪತ್ತೆ ಹಚ್ಚಿದ್ದಾರೆ. ಈ ಘಟನೆ ಸೇಡಿನ ಕೃತ್ಯವಾಗಿದೆ. ಎಂದು ತಿಳಿಸಿದ್ದಾರೆ. ಕೆಲಸದಿಂದ ವಜಾಗೊಳಿಸಿದ ಉದ್ದೇಶದಿಂದ ಆಸಿಡ್ ಸುರಿದು ಕಾರುಗಳನ್ನ ಧ್ವಂಸಗೊಳಿಸಲು ಯತ್ನಿಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಘಟನೆಯ ನಂತರ ಆರೋಪಿಯನ್ನ ಬಂಧಿಸಲಾಗಿದೆ. ಆತನ ವಿರುದ್ಧ ಐಪಿಸಿ ಸೆಕ್ಷನ್ 427 ರ ಅಡಿಯಲ್ಲಿ ಸೆಕ್ಟರ್ 113 ರ ನೋಯ್ಡಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.
Viral News : Revenge for being fired, a person poured acid on cars…
