ತಲೆಸುತ್ತಿ ರೈಲ್ವೇ ಹಳಿ ಮೇಲೆ ಬಿದ್ದ ವೃದ್ಧ – ಪ್ರಾಣದ ಹಂಗು ತೊರೆದು ಕಾಪಾಡಿದ ಅಧಿಕಾರಿಗಳು – ವಿಡಿಯೋ ಫುಲ್ ವೈರಲ್
ನಮ್ಮ ನಡುವೆಯೇ ಅನೇಕ ರಿಯಲ್ ಹೀರೋಗಳಿರುತ್ತಾರೆ.. ಸಿನಿಮಾ ಹೀರೋಗಳಿಗಿಂತ ಅವರೇನು ಕಡಿಮೆಯಲ್ಲ.. ಕೆಲವೊಮ್ಮೆ ಜೀವದ ಹಂಗು ತೊರೆದು ಇತರರ ರಕ್ಷಣೆ ಮಾಡಿರುವ ಅನೇಕ ಉದಾಹರಣೆಗಳು ನಮ್ಮ ಮುಂದಿವೆ.. ಇದೀಗ ಮತ್ತೊಂದು ಘಟನೆಯ ವಿಡಿಯೋ ವೈರಲ್ ಆಗಿದ್ದು, ನೆಟ್ಟಿಗರು ರೈಲ್ವೇ ಅಧಿಕಾರಿಗಳ ಕೆಲಸಕ್ಕೆ ಮೆಚ್ಚುಗೆಯ ಮಹಾಪೂರವೇ ಹರಿಸುತ್ತಿದ್ದಾರೆ.
ರೈಲ್ವೆ ಹಳಿಯ ಮೇಲೆ ಬಿದ್ದಿದ್ದ ವ್ಯಕ್ತಿಯನ್ನು ಪೊಲೀಸ್ ಅಧಿಕಾರಿ ಹಾಗೂ ಓರ್ವ ನಾಗರಿಕ ಸಿನಿಮೀಯ ರೀತಿಯಲ್ಲಿ ಪಾರು ಮಾಡಿದ ಘಟನೆ ನ್ಯೂಯಾರ್ಕ್ನಲ್ಲಿ ನಡೆದಿದೆ. ರೈಲು ಇನ್ನೇನು ಬರಲು ಕೆಲವೇ ಕ್ಷಣವಿರುವಾಗ್ಲೇ ಹಳಿ ಮೇಲೆ ಬಿದ್ದಿದ್ದ ವೃದ್ಧನನ್ನ ಇಬ್ಬರು ಕಾಪಾಡಿದ್ದಾರೆ. ಈ ಘಟನೆಯ ನಡೆದಿರೋದು ನ್ಯೂಯಾರ್ಕ್ ನಲ್ಲಿ. ನ್ಯೂಯಾರ್ಕ್ ಸಿಟಿ ಪೊಲೀಸ್ ಇಲಾಖೆ ಸೋಶಿಯಲ್ ಮೀಡಿಯಾದಲ್ಲಿ ಈ ದೃಶ್ಯದ ವಿಡಿಯೋ ಶೇರ್ ಮಾಡಿದೆ.
https://www.instagram.com/p/CSwdT_8lREF/?utm_source=ig_embed&ig_rid=8d336972-1c6b-438b-9734-d0110a56b121
ಈ ವಿಡಿಯೋದಲ್ಲಿ ವ್ಯಕ್ತಿಯು ಸಬ್ವೇ ಟ್ರ್ಯಾಕ್ನಲ್ಲಿ ಬಿದ್ದಿರುತ್ತಾನೆ. ಆ ವ್ಯಕ್ತಿ ಅನಾರೋಗ್ಯದಿಂದ ಕೆಳಗೆ ಪ್ರಜ್ಞೆ ತಪ್ಪಿ ಬಿದ್ದಿದ್ದರು. ಕೂಡಲೇ ಹಳಿ ಮೇಲೆ ಎಗರಿದ ನ್ಯೂಯಾರ್ಕ್ ಪೊಲೀಸ್ ಅಧಿಕಾರಿ ವ್ಯಕ್ತಿಯನ್ನ ಮೇಲೆತ್ತಲು ಹರಸಾಹಸ ಪಟ್ಟಿದ್ದಾರೆ.. ಕೆಲ ಸೆಕೆಂಡ್ ನ ನಂತರ ಮತ್ತೊಬ್ಬ ವ್ಯಕ್ತಿ ಕೂಡ ಹಳಿ ಮೇಲೆ ಎಗರಿ ಅಧಿಕಾರಿಗೆ ಸಾಥ್ ನೀಡಿದ್ದು, ಆ ವ್ಯಕ್ತಿಯ ರಕ್ಷಣೆ ಮಾಡಿದ್ದು, ಅವರೆಲ್ಲರೂ ಮೇಲೆ ಬಂದ ಸೆಕೆಂಡಳ ಅಂತರದಲ್ಲೇ ಟ್ರೈನ್ ಬಂದಿದೆ. 60 ವರ್ಷದ ಜೆಸ್ಸಿ ಬ್ರ್ಯಾಂಚ್ ಎಂಬ ವ್ಯಕ್ತಿಯನ್ನು ಕಾಪಾಡಿರುವ ಇಬ್ಬರ ಸಾಹಸಕ್ಕೆ ಸಾರ್ವಜನಿಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
