West Bengal ED Raid – ಅರ್ಪಿತಾಗೆ ಸಂಬಂಧಿಸಿದ ಬ್ಯಾಂಕ್ ಖಾತೆ ಸ್ಥಗಿತ…
ಪಶ್ಚಿಮ ಬಂಗಾಳದ ಶಿಕ್ಷಕರ ನೇಮಕಾತಿ ಹಗರಣದಲ್ಲಿ ಅಕ್ರಮ ಹಣ ವರ್ಗಾವಣೆ ಕುರಿತು ತನಿಖೆ ನಡೆಸುತ್ತಿರುವ ಇಡಿ, ಮಾಜಿ ಸಚಿವ ಪಾರ್ಥ ಚಟರ್ಜಿ ಅವರ ಆಪ್ತ ಸಹಾಯಕಿ ಅರ್ಪಿತಾ ಮುಖರ್ಜಿ ಅವರಿಗೆ ಸಂಬಂಧಿಸಿದ ಎಂಟು ಕಂಪನಿಗಳ ಬ್ಯಾಂಕ್ ಖಾತೆಗಳನ್ನು ಶನಿವಾರ ಸ್ಥಗಿತಗೊಳಿಸಿದೆ.
ಇಡಿ ಮೂಲಗಳ ಪ್ರಕಾರ, ಅರ್ಪಿತಾ ಮತ್ತು ಪಾರ್ಥ್ ಅವರನ್ನು ಶನಿವಾರ ಅಂದರೆ ಇಂದು ಮುಖಾಮುಖಿ ಕುಳಿತು ವಿಚಾರಣೆ ನಡೆಸಲಾಗುತ್ತದೆ. ಜುಲೈ 28 ರಂದು ಅರ್ಪಿತಾ ಮನೆ ಮೇಲೆ ದಾಳಿ ನಡೆಸಿದಾಗ ಇ ಡಿ ಸುಮಾರು 28 ಕೋಟಿ ನಗದು ವಶಪಡಿಸಿಕೊಂಡಿತ್ತು.
ಪಾರ್ಥ್ ಸೊಸೈಟಿ ಹೆಸರಿನಲ್ಲಿ ಬೇರೆ ಬೇರೆ ಹೆಸರಿನಲ್ಲಿ ಪೆಂಟ್ ಹೌಸ್ ಮತ್ತು ಎರಡು ಫ್ಲಾಟ್ ಗಳನ್ನು ಖರೀದಿಸಿದ್ದು, ಅರ್ಪಿತಾ 22 ಕೋಟಿ ರೂಪಾಯಿ ನಗದು ಪಡೆದಿದ್ದಾರೆ ಎಂದು ಇಡಿ ಮೂಲಗಳು ತಿಳಿಸಿವೆ. ದಾಳಿಯ ನಂತರ, ಈ ಫ್ಲಾಟ್ಗಳ ಮಾಹಿತಿಯನ್ನು ಸೊಸೈಟಿಯ ಅಪ್ಲಿಕೇಶನ್ನಿಂದ ತೆಗೆದುಹಾಕಲಾಗಿದೆ.
ಇಡಿ ತನಿಖೆ ಮುಗಿದ ಕೂಡಲೇ ಈ ಪ್ರಕರಣದಲ್ಲಿ ಸಿಬಿಐ ಮತ್ತು ಆದಾಯ ತೆರಿಗೆ ಇಲಾಖೆಯು ಪ್ರವೇಶಿಸಿ ಬೇನಾಮಿ ಆಸ್ತಿ ಪ್ರಕರಣದಲ್ಲಿ ವಿಚಾರಣೆ ನಡೆಸುವ ಸಾಧ್ಯತೆ ಇದೆ.
ಈ ಕುರಿತು ಇ ಡಿ ವಶದಲ್ಲಿರುವ ಪಾರ್ಥ ಚಟರ್ಜಿ ಮಾತನಾಡಿ – ನನ್ನನ್ನು ಪಿತೂರಿಯ ಅಡಿಯಲ್ಲಿ ಸಿಲುಕಿಸಲಾಗಿದೆ. ನನ್ನನ್ನ ಪಕ್ಷದಿಂದ ತೆಗೆದುಹಾಕಿದ್ದು ತಪ್ಪೇ ಅಥವಾ ಸರಿಯೇ ಎಂದು ಸಮಯವೇ ಹೇಳುತ್ತದೆ. ಮಮತಾ ರ ನಿರ್ಧಾರದ ಬಗ್ಗೆ ನಾನು ಪ್ರತಿಕ್ರಿಯಿಸುವುದಿಲ್ಲ ಎಂದು ಹೇಳಿದ್ದಾರೆ.
