ರಶ್ಮಿಕಾ ಮಂದಣ್ಣ ಬಾಲಿವುಡ್ ಚಿತ್ರಗಳತ್ತ ಮುಖ ಮಾಡಿದ್ದು, ಯಾಕೆ ಗೊತ್ತಾ ?
ದಕ್ಷಿಣದಲ್ಲಿ ಮೋಡಿ ಮಾಡಿದ ಬಳಿಕ ಬಾಲಿವುಡ್ ನಲ್ಲಿ ತಮ್ಮ ಪ್ರತಿಭೆ ತೋರಿಸಲು ರಶ್ಮಿಕಾ ಮಂದಣ್ಣ ರೆಡಿಯಾಗಿದ್ದಾರೆ. ಗುಡ್ ಬೈ ಚಿತ್ರದ ಮೂಲಕ ರಶ್ಮಿಕಾ ಬಾಲಿವುಡ್ ಗೆ ಪದಾರ್ಪಣೆ ಮಾಡುತ್ತಿದ್ದು, ಚಿತ್ರದಲ್ಲಿ ಅಮಿತಾಬ್ ಬಚ್ಚನ್ ಮತ್ತು ನೀನಾ ಗುಪ್ತ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಕೆಲವು ದಿನಗಳ ಹಿಂದೆ ಚಿತ್ರದ ಟ್ರೇಲರ್ ಬಿಡುಗಡೆಯಾಗಿದ್ದು, ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
ಸೌತ್ ನ ಜನಪ್ರಿಯ ನಟಿ ರಶ್ಮಿಕಾ ಬಾಲಿವುಡ್‌ಗೆ ಬರಲು ಕಾರಣವೇನು ? ಎಂಬುದನ್ನ ಸ್ವತಃ ರಶ್ಮಿಕಾ ಉತ್ತರಿಸಿದ್ದಾರೆ.
ರಶ್ಮಿಕಾ ಹೇಳಿದ್ದೇನು?
ಶುಕ್ರವಾರ ರಶ್ಮಿಕಾ ತಮ್ಮ ಚಿತ್ರದ ಪ್ರಚಾರದ ವೇಳೆ ಮಾಧ್ಯಮದವರನ್ನ ಭೇಟಿಯಾಗಿ ಮಾತನಾಡಿದರು. ಈ ವೇಳೆ ರಶ್ಮಿಕಾ ತಾನು ಬಾಲಿವುಡ್‌ಗೆ ಏಕೆ ಬಂದೆ ಎಂಬುದನ್ನ ಹೇಳಿದ್ದಾರೆ. “ನನ್ನ ಅಭಿಮಾನಿಗಳಿಗಾಗಿ ಇಲ್ಲಿಗೆ ಬಂದಿದ್ದೇನೆ. ಪ್ರೇಕ್ಷಕರು ಬಯಸಿದ್ದರಿಂದ ನಾನು ಹಿಂದಿ ಸ್ಕ್ರಿಪ್ಟ್‌ಗಳನ್ನ ಕೇಳಲು ಪ್ರಾರಂಭಿಸಿದೆ. ನಾನು ಇಲ್ಲಿಗೆ ಬಂದು ಕೆಲಸ ಮಾಡಬೇಕೆಂದು ಅವರು ಬಯಸಿದ್ದರು. ನಂತರ ಪುಷ್ಪ ಚಿತ್ರ ಬಿಡುಗಡೆಯಾಗಿ ಚಿತ್ರಕ್ಕೆ ಸಿಕ್ಕ ಪ್ರತಿಕ್ರಿಯೆ ನೋಡಿ ನಾನಿಂದು ಗುಡ್ ಬೈ ಜೊತೆ ಬಂದಿದ್ದೇನೆ ಎಂದು ಹೇಳಿದರು.
ಗುಡ್ ಬೈ ಚಿತ್ರವನ್ನ ವಿಕಾಸ್ ಬಹ್ಲ್ ನಿರ್ದೇಶಿಸುತ್ತಿದ್ದಾರೆ ಮತ್ತು ಪಾವೆಲ್ ಗುಲಾಟಿ, ಎಲ್ಲಿ ಅವ್ರಾಮ್, ಸುನಿಲ್ ಗ್ರೋವರ್, ಸಾಹಿಲ್ ಮೆಹ್ತಾ ಸಹ ನಟಿಸಿದ್ದಾರೆ. ಚಿತ್ರ 7 ಅಕ್ಟೋಬರ್ 2022 ರಂದು ಬಿಡುಗಡೆಯಾಗಲಿದೆ.
ಬಿಗ್ ಬಿ ಮತ್ತು ನೀನಾ ಗುಪ್ತಾ ಈ ಚಿತ್ರದಲ್ಲಿ ರಶ್ಮಿಕಾ ಮಂದಣ್ಣ ಅವರ ಪೋಷಕರಾಗಿ ನಟಿಸುತ್ತಿದ್ದಾರೆ.
ರಶ್ಮಿಕಾ ಬಾಲಿವುಡ್ ಚಿತ್ರಗಳು
ಅಂದಹಾಗೆ, ಈ ಚಿತ್ರವನ್ನು ಹೊರತುಪಡಿಸಿ ರಶ್ಮಿಕಾ ಬಳಿ ಇನ್ನೂ 2 ಹಿಂದಿ ಚಿತ್ರಗಳಿವೆ. ಮಿಷನ್ ಮಜ್ನು ಮತ್ತು ಅನಿಮಲ್ ಚಿತ್ರದಲ್ಲಿ ರಶ್ಮಿಕಾ ಕಾಣಿಸಿಕೊಳ್ಳಲಿದ್ದಾರೆ. ಮಿಷನ್ ಮಜ್ನುದಲ್ಲಿ, ಅವರು ಸಿದ್ಧಾರ್ಥ್ ಮಲ್ಹೋತ್ರಾ ಎದುರು ಕಾಣಿಸಿಕೊಂಡರೇ, ಅನಿಮಲ್ ನಲ್ಲಿ, ಅವರು ರಣಬೀರ್ ಕಪೂರ್, ಅನಿಲ್ ಕಪೂರ್, ಪರಿಣಿತಿ ಚೋಪ್ರಾ ಅವರೊಂದಿಗೆ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
