ದೇಶಾದ್ಯಂತ ಕೊರೊನಾ ಹಾವಳಿ ಹೆಚ್ಚಾಗ್ತಿದ್ದಂತೆ ಅನೇಕ ಉದ್ಯಮಗಳಿಗೆ ಭಾರೀ ಹೊಡೆದ ಬಿದ್ದಿದೆ. ಪ್ರಮುಖವಾಗಿ ಚಿತ್ರಮಂದಿರಗಳು ಬಂದ್ ಆಗಿರುವ ಪರಿಣಾಮ ಚಿತ್ರೋದ್ಯಮಕ್ಕೂ ನಷ್ಟ ಉಂಟಾಗಿದೆ. ಇದರ ಬೆನ್ನಲ್ಲೇ ಅನ್ ಲಾಕ್ 3.0 ಅನ್ವಯ ಇದೇ ಆಗಸ್ಟ್ 1 ರಿಂದ ಹಲವು ಚಿತ್ರಮಂದಿರಗಳಿಗೆ ಕಠಿಣ ಕೊರೊನಾ ನಿಯಮಾನುಸಾರ ಓಪನ್ ಮಾಡಲು ಅವಕಾಶ ನೀಡಲಾಗುತ್ತದೆ ಎಂಬ ಸುಳಿವು ಸಿಕ್ಕಿದೆ. ಮೂಲಗಳ ಪ್ರಕಾರ ಚಿತ್ರಮಂದಿರಗಳ ಮಾಲೀಕರ ಮನವಿ ಮೇರೆಗೆ ಶೇ 25ರ ಸೀಟಿಂಗ್ ವ್ಯವಸ್ಥೆ ಕಲ್ಪಿಸುವ ಶರತ್ತಿನೊಂದಿಗೆ ಚಿತ್ರಮಂದಿರಗಳ ಪುನಃ ಆರಂಭಕ್ಕೆ ಅವಕಾಶ ಕಲ್ಪಿಸಲು ಕೇಂದ್ರ ಚಿಂತನೆ ನಡೆಸಿದೆ ಎನ್ನಲಾಗ್ತಿದೆ. ಇದಕ್ಕೆ ಚಿತ್ರಮಮದಿರಗಳ ಮಾಲೀಕರು ವಿರೋಧಿಸಿ ಶೇ.50 ಸೀಟಿಂಗ್ ವ್ಯವಸ್ಥೆಗೆ ಅನುವು ಮಾಡಿಕೊಡುವ ಮನವಿಯಿಟ್ಟಿದ್ದಾರೆ ಎಂಬ ಮಾಹಿತಿ ಇದೆ. 
ಮತ್ತೊಂದೆಡೆ ಭಾರತದಲ್ಲಿನ ಕೊರೊನಾ ಬಿಕ್ಕಟ್ಟು ಇಂದು ನಾಳೆ ಮುಗಿಯುವಂತೆ ಕಾಣುತ್ತಿಲ್ಲ. ಬಾರತದಲ್ಲಿ ಚಿತ್ರಮಂದಿರಗಳನ್ನು ತೆರೆಯುವಂತಹ ಪರಿಸ್ಥಿತಿಯೂ ಇಲ್ಲ. ಏಕೆಂದರೆ ಕೊರೊನಾ ನಿರ್ಮೂಲನೆಗೆ ಇರುವುದು ಒಂದೇ ಮಾರ್ಗ ಅದೇ ಸೋಷಿಯಲ್ ಡಿಸ್ಟೆಸಿಂಗ್. ಚಿತ್ರಮಂದಿರಗಳಲ್ಲಿ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು ನಿಜಕ್ಕೂ ಸಾಧ್ಯವಿಲ್ಲದ ಮಾತು. ಹೀಗಿರುವಾಗ ಚಿತ್ರಮಂದಿರಗಳನ್ನು ತೆರೆದರೆ ನಿಜಕ್ಕೂ ಸಾಮಾಜಿಕ ಅಂತರ ಕಾಯ್ದುಕೊಳ್ಳಲು ಸಾಧ್ಯವಾಗುತ್ತಾ. ಕಡಿಮೆ ಸೀಟಿಂಗ್ ವ್ಯವಸ್ತೆಯಲ್ಲಿ ಮತ್ತೆ ಥಿಯೇಟರ್ಸ್ ಓಪನ್ ಆದ್ರೂ ಜನರು ನಿಜಕ್ಕೂ ಸಿನೆಮಾ ಹಾಲ್ ಗಳ ಕಡೆ ಬರ್ತಾರ ಎಂಬ ಪ್ರಶ್ನೆಗಳು ಒಂದೆಡೆ ಆದ್ರೆ, ಬೆರಳೆಣಿಕೆ ಮಂದಿ ಈ ನಿರ್ಧಾರಕ್ಕೆ ಒಪ್ಪಿದ್ರೂ ಭಾಗಶಃ ಎಲ್ಲರೂ ವಿರೋಧಿಸುತ್ತಾರೆ ಅನ್ನೋದ್ರಲ್ಲಿ ಡೌಟೇ ಇಲ್ಲ. ಇನ್ನೂ ಹಾಗೆ ನೊಡೋದಾದ್ರೆ ಚಿತ್ರಮಂದಿರಗಳಲ್ಲಿ ಸಿನೆಮಾ ವೀಕ್ಷಣೆಗಿಂತ ಸೇಫ್ ಝೋನ್ ನಲ್ಲಿ ಮನೆಯಲ್ಲೇ ಒಟಿಟಿ ಅಥವಾ ಡಿಜಿಟಲ್ ಮೀಡಿಯಾದಲ್ಲೇ ಚಿತ್ರ ನೋಡುವುದು ಉತ್ತಮ ಅಂತಾರೆ ಸಾಕಷ್ಟು ಮಂದಿ.
