Womens Day : ಪ್ರಸ್ತುತ ಭಾರತದಲ್ಲಿ ಸ್ಮಾರ್ಟ್ ಫೋನ್ ಬಳಸುತ್ತಿರುವ ಮಹಿಳೆಯರ ಸಂಖ್ಯೆ ಎಷ್ಟು..??
ಇಂದು ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆ ,,, ಎಲ್ಲಾ ಕ್ಷೇತ್ರದಲ್ಲಿಯೂ ಮಹಿಳೆಯರು ತಮ್ಮನ್ನ ತಾವು ತೊಡಗಿಸಿಕೊಂಡಿದ್ದಾರೆ. ಪುರುಷರಿಗಿಂತ ತಾವು ಯಾವುದರಲ್ಲೂ ಕಡಿಮೆಯಿಲ್ಲ ಎಂಬುದನ್ನ ಸಾಬೀತು ಮಾಡಿದ್ದಾರೆ. ಈ ಸಂದರ್ಭದಲ್ಲಿ ಆಧುನಿಕ ಜಗತ್ತಿನಲ್ಲಿ ನಮ್ಮ ಅವಿಭಾಜ್ಯ ಅಂಗವಾಗಿರುವ ಸ್ಮಾರ್ಟ್ ಫೋನ್ ಗಳನ್ನ ಭಾರತದಲ್ಲಿ ಎಷ್ಟು ಮಹಿಳೆಯರು ಬಳಕೆ ಮಾಡುತ್ತಿದ್ಧಾರೆ ಅನ್ನೋದರ ಬಗ್ಗೆ ಅಧ್ಯಯಯನ ಒಂದು ವರದಿ ಮಾಡಿದೆ.
ಈ ಅಧ್ಯಯನದ ಪ್ರಕಾರ ಭಾರತದಲ್ಲಿ ಸ್ಮಾರ್ಟ್ ಫೋನ್ ಗಳನ್ನ ಬಳಸುವ ಮಹಿಳೆಯರಲ್ಲಿ ಇತ್ತೀಚೆಗಿನ ವರ್ಷಗಳಲ್ಲಿ ಗಮನಾರ್ಹ ಏರಿಕೆ ಕಂಡುಬಂದಿದೆ. ಪ್ರಸ್ತುತ ಪ್ರತಿ 3 ಮನೆಗಳಲ್ಲಿ 2 ಮನೆಗಳಲ್ಲಿ ಮಹಿಳೆಯರು ಸ್ಮಾರ್ಟ್ಫೋನ್/ಗ್ಯಾಜೆಟ್ ಹೊಂದಿದ್ದಾರೆ.. ಆದ್ರೆ 10 ವರ್ಷಗಳ ಹಿಂದೆ ಮಹಿಳೆಯರು ಈ ಮಟ್ಟದಲ್ಲಿ ಸ್ಮಾರ್ಟ್ ಫೋನ್ ಗಳನ್ನ ಹೊಂದಿರಲಿಲ್ಲ ಎಂದು ತಿಳಿಸಿದೆ..
ಹೆಚ್ಚುವರಿಯಾಗಿ, ಸಮೀಕ್ಷೆಗೆ ಒಳಗಾದವರಲ್ಲಿ ಶೇಕಡಾ 68 ರಷ್ಟು ಕುಟುಂಬಗಳ ಮಹಿಳೆಯರು ಸ್ಮಾರ್ಟ್ಫೋನ್ಗಳು ಅಥವಾ ಇತರ ಗ್ಯಾಜೆಟ್ಗಳನ್ನು ದಶಕದ ಹಿಂದೆ ಬಳಸುತ್ತಿರಲಿಲ್ಲ.. ಆದರೆ ಈಗ ಬಳಸುತ್ತಿದ್ದಾರೆ ಎಂದು ತಿಳಿಸಲಾಗಿದೆ. ಭಾರತದಲ್ಲಿ ಎಷ್ಟು ಮಹಿಳೆಯರು ಸ್ಮಾರ್ಟ್ಫೋನ್ ಹೊಂದಿದ್ದಾರೆ?
ಡೆಲಾಯ್ಟ್ ವರದಿಯ ಪ್ರಕಾರ , ಭಾರತದಲ್ಲಿ 2021 ರಲ್ಲಿ 1.2 ಬಿಲಿಯನ್ ಮೊಬೈಲ್ ಚಂದಾದಾರರಲ್ಲಿ 750 ಮಿಲಿಯನ್ ಸ್ಮಾರ್ಟ್ಫೋನ್ ಬಳಕೆದಾರರಾಗಿದ್ದಾರೆ.. ಸುಮಾರು 200 ಮಿಲಿಯನ್ ಕುಟುಂಬಗಳಲ್ಲಿ ಮಹಿಳೆಯರು ಸ್ಮಾರ್ಟ್ ಫೋನ್ , ಇಂಟರ್ನೆಟ್ ಬಳಸುತ್ತಿದ್ದಾರೆ.. ಈ ಸಂಖ್ಯೆಯು 2012 ರಲ್ಲಿ ಕೇವಲ 40 ಮಿಲಿಯನ್ ಕುಟುಂಬಗಳಿಗೆ ಸೀಮಿತವಾಗಿತ್ತು ಎನ್ನಲಾಗಿದೆ.. ಸ್ಥಳೀಯ ವಲಯಗಳ ಆಧಾರದ ಮಾಹಿತಿ ಪ್ರಕಾರ, ದೇಶದಾದ್ಯಂತ ಲಭ್ಯವಿರುವ ಕಡಿಮೆ-ವೆಚ್ಚದ ಸ್ಮಾರ್ಟ್ ಫೋನ್ಗಳು ಮತ್ತು ಮೊಬೈಲ್ ಡೇಟಾ ಸಂಪರ್ಕದ ಲಭ್ಯತೆ ಏರಿಕೆಯಾಗಿದೆ.
ಮಹಿಳೆಯರು ತಂತ್ರಜ್ಞಾನವನ್ನು ಯಾವುದಕ್ಕಾಗಿ ಬಳಸುತ್ತಾರೆ?
ಕಳೆದ ದಶಕದಲ್ಲಿ ಸ್ಮಾರ್ಟ್ಫೋನ್ಗಳು ಅಥವಾ ಗ್ಯಾಜೆಟ್ಗಳನ್ನು ಬಳಸಲು ಪ್ರಾರಂಭಿಸಿದ ಮಹಿಳೆಯರು ಕುಟುಂಬ/ಸ್ನೇಹಿತರೊಂದಿಗೆ ಸಂಪರ್ಕದಲ್ಲಿರಲು, ಮಾಹಿತಿ ಹುಡುಕಲು, ಶಾಪಿಂಗ್ ಮಾಡಲು, ಪಾವತಿಗಳನ್ನು ಮಾಡಲು, ಟಿಕೆಟ್ಗಳು ಅಥವಾ ಆನ್ಲೈನ್ ಸೇವೆಗಳನ್ನು ಕಾಯ್ದಿರಿಸಲು, ವಿಷಯವನ್ನು ರಚಿಸಲು, ಉದ್ಯೋಗ ಮತ್ತು ವ್ಯಾಪಾರವನ್ನು ನಡೆಸಲು ತಂತ್ರಜ್ಞಾನವನ್ನು ಬಳಸುತ್ತಿದ್ದಾರೆ ಎಂದು LocalCircles ವರದಿ ವಿವರಿಸಿದೆ.
ಇನ್ನೂ ಹೆಚ್ಚಿನ ಮಹಿಳೆಯರು ಉದ್ಯೋಗವನ್ನು ಹುಡುಕಲು, ವ್ಯವಹಾರಗಳನ್ನು ಸ್ಥಾಪಿಸಲು ಮತ್ತು ಸಮಸ್ಯೆಗಳ ವಿರುದ್ಧ ಧ್ವನಿ ಎತ್ತಲು ಬಳಸುತ್ತಿದ್ದರು… ಈಗ ಸೋಷಿಇಯಲ್ ಮೀಡಿಯಾಗಳಲ್ಲಿ ಆಕ್ಟೀವ್ ಆಗಿದ್ದಾರೆ.. ಉದಾಹರಣೆಗೆ ಇನ್ಸ್ಟಾಗ್ರಾಮ್ ನಲ್ಲಿ ರೀಲ್ಸ್ ಮಾಡುವವರೂ ಹೆಚ್ಚಾಗಿದ್ದಾರೆ, ನೋಡುವವರ ಸಂಖ್ಯೆಯೂ ಹೆಚ್ಚಾಗಿದೆ.. ಇದೇ ರೀತಿ ಎಲ್ಲಾ ಸಾಮಾಜಿಕ ಫ್ಲಾಟ್ ಫಾರ್ಮ್ ಗಳಲ್ಲಿಯೂ ಮಹಿಳೆಯರು ತಮ್ಮನ್ನ ತಾವು ತೊಡಗಿಸಿಕೊಂಡಿದ್ಧಾರೆ..
