Womens T20 Wc ಇಂಗ್ಲೆಂಡ್ಗೆ ಮಣಿದ ಭಾರತ ವನಿತೆಯರು
ವೇಗಿ ರೇಣುಕಾ ಸಿಂಗ್ ಅವರ ಅಮೋಘ ಬೌಲಿಂಗ್ ದಾಳಿಯ ಹೊರತಾಗಿಯೂ ಭಾರತ ವನಿತೆಯರ ಕ್ರಿಕೆಟ್ ತಂಡ ಇಂಗ್ಲೆಂಡ್ ವಿರುದ್ಧ 11 ರನ್ಗಳ ಸೋಲು ಅನುಭವಿಸಿದೆ. ವಿಶ್ವಕಪ್ ಟೂರ್ನಿಯಲ್ಲಿ ಹರ್ಮನ್ಪ್ರೀತ್ ಪಡೆ ಮೊದಲ ಸೋಲು ಕಂಡಿದೆ.
ಪೋರ್ಟ್ ಎಲಿಜಬೆತ್ನ ಸೇಂಟ್ ಜಾರ್ಜ್ ಮೈದಾನದಲ್ಲಿ ನಡೆದ ಮಹಿಳಾ ಟಿ20 ವಿಶ್ವಕಪ್ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಇಂಗ್ಲೆಂಡ್ ನಿಗದಿತ 20 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 151 ರನ್ ಗಳಿಸಿತು. ಭಾರತ ನಿಗದಿತ 20 ಓವರ್ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 140 ರನ್ ಕಲೆ ಹಾಕಿತು.
152 ರನ್ ಗುರಿ ಬೆನ್ನತ್ತಿದ ಭಾರತಕ್ಕೆ ಸ್ಮತಿ ಮಂಧನಾ (51 ರನ್), ಶಾಲಿ ವರ್ಮಾ 8,ಜೆಮಿಮಾ 13, ಹರ್ಮನ್ಪ್ರೀತ್ 4, ರಿಚಾ ಘೋಷ್ ಅಜೇಯ 47, ದೀಪ್ತಿ ಶರ್ಮಾ 7, ಪೂಜಾ ಅಜೇಯ 2 ರನ್ ಗಳಿಸಿದರು. ಇಂಗ್ಲೆಂಡ್ ಪರ ಸಾರಾ 2, ಬೆಲ್ ಮತ್ತು ಎಕ್ಲಾಸ್ಟೋನ್ ತಲಾ 1 ವಿಕೆಟ್ ಪಡೆದರು.
ಇಂಗ್ಲೆಂಡ್ ತಂಡಕ್ಕೆ ವೇಗಿ ರೇಣುಕಾ ಸಿಂಗ್ ಆಘಾತ ನೀಡಿದರು. ಆರಂಭಿಕರಾದ ಸೋಫಿಯಾ ಡಂಕ್ಲಿ (10ರನ್), ಡಾನಿ ವ್ಯಾಟ್( 0), ಅಲೈಸ್ ಕಾಪ್ಸೆ (3ರನ್) ಅವರುಗಳನ್ನು ಬಲಿ ತೆಗೆದುಕೊಂಡರು.
29ರನ್ಗೆ 3 ವಿಕೆಟ್ ಕಳೆದುಕೊಂಡಿದ್ದಾಗ ನಾಟ್ ಸೀವರ್ ಜೊತೆಗೂಡಿದ ನಾಯಕಿ ಹೀಥರ್ ನೈಟ್ 51 ರನ್ಗಳ ಜೊತೆಯಾಟ ನೀಡಿ ತಂಡದ ಮೊತ್ತ ಹೆಚ್ಚಿಸಿದರು. 28 ರನ್ ಗಳಿಸಿದ್ದ ನಾಯಕಿ ಹೀಥರ್ ನೈಟ್ ಶಿಖಾ ಪಾಂಡೆಗೆ ವಿಕೆಟ್ ಒಪ್ಪಿಸಿದರು. ನಾಟ್ ಸೀವರ್ ಅರ್ಧ ಶತಕ ಸಿಡಿಸಿ ಮಂಧನಾಗೆ ಕ್ಯಾಚ್ ನೀಡಿದರು. ಆಮಿ ಜಾನ್ಸ್ (40 ರನ್), ಸೋಫಿ ಎಕ್ಲಾಸ್ಟೊನ್ ಅಜೇಯ11 ರನ್. ರೇಣುಕಾ ಸಿಂಗ್ 15ಕ್ಕೆ 5 ವಿಕೆಟ್, ಶಿಖಾ ಪಾಂಡೆ ಮತ್ತುದೀಪ್ತಿ ಶರ್ಮಾ ತಲಾ 1 ವಿಕೆಟ್ ಪಡೆದರು.
