Yuzvendra Chahal : ರಾಯಲ್ಸ್ ಪರ ಚಹಾಲ್ ಹೊಸ ದಾಖಲೆ
ರಾಜಸ್ಥಾನ್ ರಾಯಲ್ಸ್ ತಂಡದ ಬೌಲರ್ ಯಜ್ವೇಂದ್ರ ಚಹಾಲ್ ಐಪಿಎಲ್ 2022 ಸೀಸನ್ ನಲ್ಲಿ ಸೂಪರ್ ಫಾರ್ಮ್‌ನಲ್ಲಿದ್ದಾರೆ.
ಬುಧವಾರ ರಾಜಸ್ಥಾನ್ ರಾಯಲ್ಸ್ ತಂಡ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಸೋತರೂ, ಚಹಾಲ್ ಅಪರೂಪದ ಸಾಧನೆ ಮಾಡಿದ್ದಾರೆ.
ಚಹಲ್ ಐಪಿಎಲ್ ಋತುವಿನಲ್ಲಿ ರಾಜಸ್ಥಾನ್ ರಾಯಲ್ಸ್ ಪರ ಎರಡನೇ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಎನಿಸಿಕೊಂಡಿದ್ದಾರೆ.
ಚಾಹಲ್ ಈ ಋತುವಿನಲ್ಲಿ ಇದುವರೆಗೆ 12 ಪಂದ್ಯಗಳಲ್ಲಿ 23 ವಿಕೆಟ್ ಪಡೆದಿದ್ದಾರೆ. ಈ ಋತುವಿನಲ್ಲಿ ರಾಜಸ್ಥಾನಕ್ಕೆ ಇದು ಅತ್ಯುತ್ತಮವಾಗಿದೆ.
ಮೊದಲ ಸ್ಥಾನದಲ್ಲಿ ಜೇಮ್ಸ್ ಫಾಕ್ನರ್ ಇದ್ದಾರೆ. 2013ರಲ್ಲಿ ಫಾಕ್ನರ್ ರಾಜಸ್ಥಾನ್ ರಾಯಲ್ಸ್ ಪರ 28 ವಿಕೆಟ್ ಕಬಳಿಸಿದ್ದರು.
ರಾಜಸ್ಥಾನಕ್ಕೆ ಲೀಗ್‌ನಲ್ಲಿ ಇನ್ನೆರಡು ಪಂದ್ಯಗಳು ಬಾಕಿಯಿದ್ದು, ಆ ಬಳಿಕ ಪ್ಲೇಆಫ್ ಪಂದ್ಯಗಳು ಇರುವುದರಿಂದ ಚಹಾಲ್ ಫಾಕ್ನರ್ ಅವರನ್ನು ಹಿಂದಿಕ್ಕುವ ಸಾಧ್ಯತೆಗಳಿವೆ.
ಸೊಹೈಲ್ ತನ್ವೀರ್ (22 ವಿಕೆಟ್) ಮೂರನೇ ಸ್ಥಾನದಲ್ಲಿದ್ದರೆ, 2020 ರ ಋತುವಿನಲ್ಲಿ ಜೋಫ್ರಾ ಆರ್ಚರ್ (20 ವಿಕೆಟ್) ಮತ್ತು 2019 ರಲ್ಲಿ ಶ್ರೇಯಸ್ ಗೋಪಾಲ್ (20 ವಿಕೆಟ್) ನಂತರದ ಸ್ಥಾನದಲ್ಲಿದ್ದಾರೆ. yuzvendra-chahal-2nd-bowler-most-wickets-season-rajasthan-royals
