ರಾಜವೈಭೋಗ ತೊರೆದು ಸಾಮಾನ್ಯ ಜೀವನ ನಡೆಸಲು ಸಿದ್ಧರಾಗಿರುವ ಬ್ರಿಟನ್ ರಾಜಕುಮಾರ ಹ್ಯಾರಿ ಮತ್ತು ಅವರ ಪತ್ನಿ ಮೇಘನ್ ಮಾರ್ಕೆಲ್ ಅಧಿಕೃತವಾಗಿ ಮಾರ್ಚ್ 31ರಂದು ರಾಜಮನೆತನದ ಕರ್ತವ್ಯಗಳಿಂದ ಹೊರಬರಲಿದ್ದಾರೆ. ದಂಪತಿಯ ಅಧಿಕೃತ ಕಚೇರಿ ಈ ಕುರಿತು ಪ್ರಕಟನೆ ಹೊರಡಿಸಿದೆ.
ಸಸೆಕ್ಸ್ ರಾಜ್ಯದ ರಾಜಕುಮಾರ ಮತ್ತು ರಾಜಕುಮಾರಿಯಾಗಿರುವ ಹ್ಯಾರಿ ಮತ್ತು ಮೇಘನ್, ಕಳೆದ ವರ್ಷ ರಾಜವೈಭೋಗ ತೊರೆದು ಸಾಮಾನ್ಯ ಜೀವನ ನಡೆಸುವ ಅಚ್ಚರಿಯ ನಿರ್ಧಾರ ಪ್ರಕಟಿಸಿದ್ದರು. ತಮ್ಮ ಹೆಸರಿನ ಜೊತೆ ಇರುವ ಸಸ್ಸೆಕ್ಸ್ ರಾಯಲ್ ಎಂಬ ಪದನಾಮವನ್ನು ಹೊಂದಿರುವ ಬಗ್ಗೆ ಇಂಗ್ಲೆಂಡಿನ ಬಕಿಂಗ್ ಹ್ಯಾಂ ಪ್ಯಾಲೆಸ್ ನಲ್ಲಿ ಪರಾಮರ್ಶೆ ನಡೆಸುತ್ತಿದ್ದು, ಮುಂದಿನ ದಿನಗಳಲ್ಲಿ ಪದನಾಮ ಕುರಿತು ನಿರ್ಧಾರ ಪ್ರಕಟಿಸಲಿದ್ದಾರೆ ಎಂದು ತಿಳಿದುಬಂದಿದೆ.
ಏಪ್ರಿಲ್ 1ರಿಂದ ಹ್ಯಾರಿ ದಂಪತಿಗಳಿಗೆ ರಾಜಮನೆತನದ ಯಾವುದೇ ಅಧಿಕೃತ ಮಾನ್ಯತೆ ನೀಡುವುದಿಲ್ಲ ಎಂದು ಬಕಿಂಗ್ ಹ್ಯಾಮ್ ಅರಮನೆಯ ವಕ್ತಾರರು ತಿಳಿಸಿದ್ದಾರೆ.
ಈ ದಂಪತಿಗಳು ಇನ್ನು ಮುಂದೆ ಸಾರ್ವಜನಿಕ ಹಣವನ್ನು ಬಳಸುವಂತಿಲ್ಲ ಮತ್ತು ಹೆಸರಿನ ಮುಂದೆ ಹಿಸ್ ರಾಯಲ್ ಹೈನೆಸ್ ಮತ್ತು ಹರ್ ರಾಯಲ್ ಹೈನೆಸ್ ಎಂಬ ಬಿರುದು ಬಳಸುವಂತಿಲ್ಲ.
ಮಲ್ಲೇಶ್ವರಂ ಫುಟ್ಪಾತ್ ತೆರವು ಸಮರ: ಸರ್ಕಾರದ ವಿರುದ್ಧ ಕೋರ್ಟ್ ಮೆಟ್ಟಿಲೇರಲು ವ್ಯಾಪಾರಿಗಳಿಂದ ತಲಾ 5 ಸಾವಿರ ವಸೂಲಿಗಿಳಿದ ಯೂನಿಯನ್;ವ್ಯಾಪಾರಿಗಳ ಶೋಷಣೆಯೋ ಅಥವಾ ನ್ಯಾಯಕ್ಕಾಗಿ ಹೋರಾಟವೋ
ಬೆಂಗಳೂರು : ಮಲ್ಲೇಶ್ವರದ ಪ್ರಸಿದ್ಧ ಸಂಪಿಗೆ ರಸ್ತೆಯಲ್ಲಿ ನಡೆದ ಪಾದಚಾರಿ ಮಾರ್ಗ ತೆರವು ಕಾರ್ಯಾಚರಣೆ ಈಗ ಹೊಸ ತಿರುವು ಪಡೆದುಕೊಂಡಿದೆ. ಬಿಬಿಎಂಪಿ ಅಧಿಕಾರಿಗಳ ಕ್ರಮದ ವಿರುದ್ಧ ಕೋರ್ಟ್...
