ಇಂದಿನಿಂದ ದೇಶದಲ್ಲಿ 5ಜಿ ನೆಟ್ವರ್ಕ್ – ಪ್ರಧಾನಿ ನರೇಂದ್ರ ಮೋದಿಯಿಂದ ಚಾಲನೆ…
ಇಂದಿನಿಂದ ಭಾರತದಲ್ಲಿ 5ಜಿ ನೆಟ್ವರ್ಕ್ ಸೇವೆಗಳಿಗೆ ಶುಭಾರಂಭ ಸಿಗಲಿದೆ. ಪ್ರಧಾನಿ ನರೇಂದ್ರ ಮೋದಿಯವರು ಇಂದಿನಿಂದ ಅಧಿಕೃತವಾಗಿ 5ಜಿ ಸೇವೆಗಳಿಗೆ ಚಾಲನೆ ನೀಡಿದ್ದಾರೆ.
ಅಕ್ಟೋಬರ್ 1 ಅಂದರೆ ಇಂದು ನವದೆಹಲಿಯಲ್ಲಿ ಆರನೇ ಆವೃತ್ತಿಯ ಇಂಡಿಯಾ ಮೊಬೈಲ್ ಕಾಂಗ್ರೆಸ್ ಪ್ರಧಾನಿ ಮೋದಿ ಉದ್ಘಾಟಿಸುತ್ತಿದ್ದು, ಆಯ್ದ ನಗರಗಳಲ್ಲಿ 5G ನೆಟ್ವರ್ಕ್ ಸೇವೆಯನ್ನ ಪ್ರಾರಂಭಿಸಲಿದ್ದಾರೆ. ಎರಡು ದೊಡ್ಡ ಮೊಬೈಲ್ ಕಂಪನಿಗಳು ದೇಶದಲ್ಲಿ 5G ಸೇವೆಗಳನ್ನು ಆರಂಭಿಸಿವೆ. ವಾರಣಾಸಿಯಲ್ಲಿ ಏರ್ಟೆಲ್ 5ಜಿ ಮತ್ತು ಅಹಮದಾಬಾದ್ನ ಹಳ್ಳಿಯಿಂದ ಜಿಯೋ ಆರಂಭಿಸಿದೆ.
5ಜಿ ಸೇವೆ ಪ್ರಾರಂಭವಾಗುವ ಬಗ್ಗೆ ಸರ್ಕಾರ ನಗರಗಳನ್ನ ನಿರ್ದಿಷ್ಟಪಡಿಸಿಲ್ಲವಾದರೂ ಟೆಲಿಂಕಾಂ ಆಪರೇಟರ್ ಗಳು ಹಲವು ಮೆಟ್ರೋ ನಗರಗಳಲ್ಲಿ 5 ಜಿ ಸೇವೆ ನೀಡಲು ಮುಂದಾಗಿವೆ.
ಈ ವರ್ಷದ 5G ಸ್ಪೆಕ್ಟ್ರಮ್ ಹರಾಜಿನಲ್ಲಿ 88,000 ಕೋಟಿ ರೂ.ಗಿಂತ ಹೆಚ್ಚಿನ ಮೊತ್ತವನ್ನು ಬಿಡ್ ಮಾಡಿದ ರಿಲಯನ್ಸ್ ಜಿಯೋ, ದೆಹಲಿಯಂತಹ ಮೆಟ್ರೋ ನಗರಗಳಲ್ಲಿ ದೀಪಾವಳಿಯ ವೇಳೆಗೆ ತನ್ನ 5G ನೆಟ್ವರ್ಕ್ನಲ್ಲಿ ಹೈ-ಸ್ಪೀಡ್ ಮೊಬೈಲ್ ಇಂಟರ್ನೆಟ್ ಸೇವೆಗಳನ್ನು ಹೊರತರುವುದಾಗಿ ಆಗಸ್ಟ್ ನಲ್ಲಿ ತಿಳಿಸಿದೆ. ಈ ವರ್ಷ ದೀಪಾವಳಿ ವೇಳೆಗೆ ಮುಂಬೈ, ಚೆನ್ನೈ ಮತ್ತು ಕೋಲ್ಕತ್ತಾ ನಗರಗಳಲ್ಲಿ 5ಜಿ ಸೇವೆ ಸಿಗಲಿದೆ.
ಹರಾಜಿನಲ್ಲಿ ಎರಡನೇ ಅತಿ ಹೆಚ್ಚು ಖರ್ಚು ಮಾಡಿದ ಭಾರ್ತಿ ಏರ್ಟೆಲ್ 2023 ರ ಅಂತ್ಯದ ವೇಳೆಗೆ ದೇಶದ ಎಲ್ಲಾ ನಗರ ಭಾಗಗಳಲ್ಲಿ 5G ಲಭ್ಯವಿರುತ್ತದೆ ಎಂದು ಹೇಳಿದೆ. ಅಲ್ಲದೆ, ಪಟ್ಟಣಗಳು ಮತ್ತು ಪ್ರಮುಖ ಗ್ರಾಮೀಣ ಪ್ರದೇಶಗಳಲ್ಲೂ 5G ಲಭ್ಯವಿರುತ್ತದೆ ಎಂದು ಕಂಪನಿ ಹೇಳಿದೆ.
5G services to be rolled out today – Prime Minister Narendra Modi will launch