ಆರೋಗ್ಯ ಮತ್ತು ಸೌಂದರ್ಯಕ್ಕಾಗಿ ಕರಿಬೇವಿನ ಎಲೆಯ ಆರು ಉಪಯೋಗಗಳು…
ಭಾರತೀಯ ಅಡುಗೆ ಶೈಲಿಯನ್ನ ನಾವೆಲ್ಲರು ಕರಿಬೇವಿನ ಎಲೆಗಳನ್ನ ಬಳಸುತ್ತಲೆ ಇರುತ್ತೇವೆ. ತಿಂಡಿಗಳಿ ಚಟ್ನಿಗಳು ಸೇರಿದಂತೆ ಹಲವು ಅಡುಗೆಗಳಿಗೆ ಕರಿಬೇವಿನ ಘಮ ಬೇಕೆ ಬೇಕು. ಭಾರತೀಯರು ಯಾಕಿಷ್ಟು ಕರಿಬೇವು ಬಳಸುತ್ತಾರೆ ಎಂಬ ಪ್ರಶ್ನೆಗೆ ಉತ್ತರ ಅದರಲ್ಲಿರುವ ಪೋಷಕಾಂಶಗಳು. ಕರಿಬೇವಿನ ಎಲೆಗಳಲ್ಲಿ ರೋಗನಿರೋಧಕ ಶಕ್ತಿ ಕಬ್ಬಿಣ, ಜೀವಸತ್ವಗಳು, ಕ್ಯಾಲ್ಸಿಯಂ, ಫೈಬರ್ ಮತ್ತು ಇತರ ಸಹಾಯಕ ಪೋಷಕಾಂಶಗಳಲ್ಲಿ ಸಮೃದ್ಧವಾಗಿವೆ.
ಕರಿಬೇವಿನ ಎಲೆಗಳ ಪ್ರಮುಖ ಆರೋಗ್ಯಕರ ಪ್ರಯೋಜನಗಳು ಈ ರೀತಿ ಇದೆ.
ಗಾಯ ಮತ್ತು ಸುಟ್ಟ ಗಾಯಗಳನ್ನ ಗುಣಪಡಿಸುತ್ತದೆ
ಗಾಯ ಮತ್ತು ಸುಟ್ಟ ಗಾಯಗಳಿಗೆ ಕರಿಬೇವಿನ ಎಲೆಯನ್ನ ರುಬ್ಬಿ ಹಚ್ಚಿದರೇ ಗಾಯಗಳು ಬೇಗ ವಾಸಿಯಾಗುತ್ತವೆ. ಎಲೆಗಳಲ್ಲಿರುವ ಆಲ್ಕಲಾಯ್ಡ್‌ ಗಳು ಗಾಯವನ್ನ ಬೇಗ ಗುಣಪಡಿಸುತ್ತವೆ. ಅಲ್ಲದೆ, ಕರಿಬೇವಿನ ಎಲೆಗಳು ಆಂಟಿಫಂಗಲ್, ಉರಿಯೂತ ನಿವಾರಕ, ಬ್ಯಾಕ್ಟೀರಿಯಾ ವಿರೋಧಿ ಗುಣಲಕ್ಷಣಗಳನ್ನು ಹೊಂದಿವೆ ಎಂದು ತಿಳಿದುಬಂದಿದೆ.
ಕಣ್ಣಿನ ದೃಷ್ಟಿಗೆ ಒಳ್ಳೆಯದು….
ಕರಿಬೇವಿನ ಸೊಪ್ಪು ಕಣ್ಣಿಗೆ ಒಳ್ಳೆಯದು ಎಂದು ಮನೆಯ ಹಿರಿಯರು ಹೇಳುತ್ತಲೆ ಇರುತ್ತಾರೆ. ಕರಿಬೇವಿನ ಎಲೆಯಲ್ಲಿರುವ ವಿಟಮಿನ್ ಎ ಕಾರ್ನಿಯಾವನ್ನು ಹೈಡ್ರೀಕರಿಸಲು ಸಹಾಯ ಮಾಡುತ್ತದೆ ಮತ್ತು ದೃಷ್ಟಿ ಸುಧಾರಿಸುತ್ತದೆ.
ಜೀರ್ಣಕ್ರಿಯೆ ಸುಧಾರಿಸುತ್ತದೆ
ಕರಿಬೇವಿನ ಎಲೆಗಳಲ್ಲಿರುವ ಫೈಬರ್ ಅಂಶಗಳು ಜಠರ ಮತ್ತು ಕರುಳಿನ ಸಮಸ್ಯೆಗಳಿಗೆ ಚಿಕಿತ್ಸೆ ನೀಡುವ ಮೂಲಕ ಜೀರ್ಣಕ್ರಿಯೆಯನ್ನ ಸುಧಾರಿಸುತ್ತದೆ. ಇದರಿಂದ ಅತಿಸಾರ, ಮಲಬದ್ಧತೆ, ಹೊಟ್ಟೆ ಉಬ್ಬರ ವಾಕರಿಕೆ ಮತ್ತು ಪೈಲ್ಸ್ ಅನ್ನ ತಡೆಗಟ್ಟಬಹುದು.
ರಕ್ತಹೀನತೆ ತಡೆಯುತ್ತದೆ
ದೇಹದಲ್ಲಿ ಕಬ್ಬಿಣದ ಕೊರತೆಯಿಂದ ರಕ್ತಹೀನತೆ ಉಂಟಾಗುತ್ತದೆ. ಕರಿಬೇವಿನ ಎಲೆಗಳು ಕಬ್ಬಿಣ ಮತ್ತು ಫೋಲಿಕ್ ಆಮ್ಲದಲ್ಲಿ ಸಮೃದ್ಧವಾಗಿವೆ ಮತ್ತು ಆದ್ದರಿಂದ ದೇಹದಲ್ಲಿ ಹಿಮೋಗ್ಲೋಬಿನ್ ಮತ್ತು ಕೆಂಪು ರಕ್ತ ಕಣಗಳ ಸಂಖ್ಯೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.
Related posts
ಹಲ್ಲಿನ ಆರೈಕೆಗೆ ಪರಿಣಾಮಕಾರಿ
ಕರಿಬೇವಿನ ಎಲೆಗಳಲ್ಲಿರುವ ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಶಿಲೀಂಧ್ರ ವಿರೋಧಿ ಗುಣಗಳು ಉತ್ತಮ ಹಲ್ಲಿನ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಎಲೆಗಳಲ್ಲಿರುವ ತೈಲಗಳು ಹಲ್ಲು ಮತ್ತು ಒಸಡುಗಳನ್ನ ಬಲಪಡಿಸುತ್ತದೆ.
ಕೂದಲಿಗೆ ಅದ್ಭುತ ಔಷಧ
ಒರಟಾದ ಅಥವಾ ಡ್ಯಾಮೇಜ್ ಆದ ಕೂದಲಿಗೆ ಕರಿಬೇವಿನ ಎಲೆಗಳನ್ ಪೇಸ್ಟ್ ನಂತೆ ಹಚ್ಚಬಹುದು. ಇದನ್ನು ಮೊಸರು, ತೆಂಗಿನ ಎಣ್ಣೆ ಅಥವಾ ಸಾಸಿವೆ ಎಣ್ಣೆಯೊಂದಿಗೆ ಬೆರೆಸಿ 15 ನಿಮಿಷಗಳ ಕಾಲ ಬಿಟ್ಟು ತೊಳೆಯಬೇಕು.
6 Health Benefits of Curry Leaves
