ಈಕ್ವೆಡಾರ್ ಜೈಲಿನಲ್ಲಿ ಘರ್ಷಣೆ : 24 ಕೈದಿಗಳು ಸಾವು
ಈಕ್ವೆಡಾರ್ ಜೈಲಿನಲ್ಲಿ ನಡೆದ ಘರ್ಷಣೆಯಲ್ಲಿ 24 ಮಂದಿ ಕೈದಿಗಳು ಮೃತಪಟ್ಟಿದ್ದು, 48 ಮಂದಿ ಗಾಯಗೊಂಡಿದ್ದಾರೆ. ಗಯಾಸ್ ನ ಕರಾವಳಿ ನಗರವಾದ ಗುವಯಾಕ್ವಿಲ್ ನಲ್ಲಿರುವ ಈಕ್ವೆಡಾರ್ ಜೈಲಿನಲ್ಲಿ ಈ ಗಲಭೆ ಸಂಭವಿಸಿದೆ. ಈಕ್ವೆಡಾರ್ನ ಜೈಲಿನ ಅಧಿಕಾರಿಗಳ ಹೇಳಿಕೆಯ ಪ್ರಕಾರ, ಪೋಲಿಸ್ ಮತ್ತು ಸೇನಾ ಕಾರ್ಯಾಚರಣೆಯ ಐದು ಗಂಟೆಗಳ ನಂತರ ಗುವಾಕ್ವಿಲ್ ಜೈಲಿನ ಪರಿಸ್ಥಿತಿ ಮರಳಿ ನಿಯಂತ್ರಣಕ್ಕೆ ಬಂದಿದೆ. 
ಗುವಯಾಸ್ ರಾಜ್ಯ ಗವರ್ನರ್ ಪ್ಯಾಬ್ಲೊ ಅರೋಸೆಮೆನಾ ಲಿಟೋರಲ್ ಜೈಲಿನ ಹೊರಗೆ ಸುದ್ದಿಗೋಷ್ಠಿ ನಡೆಸಿ ಈ ಕುರಿತಾಗಿ ಮಾಹಿತಿ ನೀಡಿದ್ದಾರೆ. ಹಿಂಸಾಚಾರದಲ್ಲಿ ಗುಂಡಿನ ದಾಳಿ, ಚಾಕುಗಳಿಂದ ದಾಳಿ , ಮತ್ತು ಸ್ಫೋಟಗಳಿಂದ ದಾಳಿ ಒಳಗೊಂಡಿದ್ದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ. ಜೈಲಿನಲ್ಲಿ ಗುಂಪುಗಳ ನಡುವೆ ವಿವಾದ ಉಂಟಾಗಿ ತಾರಕ್ಕೇರಿ ಘರ್ಷಣೆಗೆ ತಿರುಗಿದೆ ಎನ್ನಲಾಗಿದೆ. ಜುಲೈನಲ್ಲಿ, ಅಧ್ಯಕ್ಷ ಗಿಲ್ಲೆರ್ಮೊ ಲಾಸೊ ಅವರು ಈಕ್ವೆಡಾರ್ನ ಜೈಲು ವ್ಯವಸ್ಥೆಯಲ್ಲಿ ತುರ್ತು ಪರಿಸ್ಥಿತಿ ಘೋಷಿಸಿದ್ದರು. ಹಲವಾರು ಹಿಂಸಾತ್ಮಕ ಪ್ರಸಂಗಗಳ ನಂತರ 100 ಕ್ಕೂ ಹೆಚ್ಚು ಕೈದಿಗಳು ಕೊಲೆಯಾಗಿದ್ದರು.
ಈ ಹಿಂದೆ ಅನೇಕ ಬಾರಿ ಈ ನಗರದ ವಿವಿಧ ಕಾರಾಗೃಹಗಳಲ್ಲಿ ಇಂತಹ ಘಟನೆಗಳು ಸಂಭವಿಸಿವೆ. ಫೆಬ್ರವರಿಯಲ್ಲಿ ದೇಶದ 3 ಕಾರಾಗೃಹಗಳಲ್ಲಿ ಏಕಕಾಲದಲ್ಲಿ ನಡೆದ ಗಲಭೆಯಲ್ಲಿ 79 ಕೈದಿಗಳು ಸಾವನ್ನಪ್ಪಿದ್ದರು. ಜುಲೈನಲ್ಲಿ, ಲಿಟೋರಲ್ ದಂಡದಲ್ಲಿ 22 ಖೈದಿಗಳು ತಮ್ಮ ಜೀವಗಳನ್ನು ಕಳೆದುಕೊಂಡರು. ಸೆಪ್ಟೆಂಬರ್ನಲ್ಲಿ ಒಂದು ಕಾರಾಗೃಹದ ಮೇಲೆ ಡ್ರೋನ್ಗಳಿಂದ ದಾಳಿ ನಡೆಸಲಾಗಿತ್ತು.
