ಅಣ್ಣಾತೆ ಟ್ರೈಲರ್ ರಿಲೀಸ್ – ಹಳೇ ಖದರ್ ನಲ್ಲಿ ಸೂಪರ್ ಸ್ಟಾರ್
ಬಹುದಿನಗಳ ನಂತರ ಸೂಪರ್ ಸ್ಟಾರ್ ರಜನಿಕಾಂತ್ ಮತ್ತೆ ತೆರೆಮೇಲೆ ಅಬ್ಬರಿಸಲಿದ್ದಾರೆ. ನಿನ್ನೆ ಸಂಜೆ ಅಣ್ಣಾತೆ ಟ್ರೈಲರ್ ರಿಲೀಸ್ ಆಗಿದ್ದು ತಲೈವಾ ಅಭಿಮಾನಿಗಳಿಗೆ ದೀಪಾವಳಿಗೆ ಮುನ್ನವೆ ಉಡುಗೊರೆ ನೀಡಲಾಗಿದೆ.
ಟ್ರೇಲರ್ ನೋಡಿದ ಅಭಿಮಾನಿಗಳು ಹಳೇ ಖದರ್ ನಾ ತಲೈವಾ ಕಂಬ್ಯಾಕ್ ಮಾಡಿದ್ದಾರೆ ಎಂದು ಹರ್ಷ ವ್ಯಕ್ತಪಡಿಸಿದ್ದಾರೆ. ಪಡಿಯಪ್ಪ ಅಣ್ಣಾಮಲೈ ಭಾಷಾ ತರಹದ ರಜನಿಯನ್ನ ಮಗದೊಮ್ಮೆ ತೆರೆ ಮೆಲೆ ತರಲಿದ್ದಾರೆ ನಿರ್ದೇಶಕ ‘ಚಿರುತ ಶಿವಾ’.
ಚಿತ್ರದಲ್ಲಿ ರಜನಿಗೆ ಜೋಡಿಯಾಗಿ ಲೇಡಿ ಸೂಪರ್ ಸ್ಟಾರ್ ನಯನತಾರ ಹೆಜ್ಜೆ ಹಾಕಿದ್ದಾರೆ. ಸೂಪರ್ ಸ್ಟಾರ್ ಗೆ ತಂಗಿಯಾಗಲಿದ್ದಾರೆ ಮಹಾನಟಿ.. ಹೌದು.. ಅಣ್ಣಾತೆ ಚಿತ್ರದಲ್ಲಿ ರಜಿನಿಕಾಂತ್ ಗೆ ತಂಗಿಯಾಗಿ ಮಹನಾಟಿ ಖ್ಯಾತಿಯ ಕೀರ್ತಿ ಸುರೇಶ್ ನಟಿಸಿದ್ದಾರೆ. ಖೂಷ್ಬೂ ಮೀನಾ ಸೇರಿದಂತೆ ಹಲವಾರು ಸ್ಟಾರ್ ಕಲಾವಿದರ ಬಳಗವೆ ಈ ಚಿತ್ರದಲ್ಲಿದೆ.
ಕಲಾನಿಧಿ ಮಾರನ್ ಈ ಚಿತ್ರಕ್ಕೆ ಬಂಡವಾಳ ಹೂಡಿದ್ದು ಸನ್ ಪಿಚ್ಚರ್ಸ ಬ್ಯಾನರ್ ಅಡಿಯಲ್ಲಿ ಚಿತ್ರ ರಿಲೀಸ್ ಆಗಲಿದೆ. ಡಿ ಇಮಾನ್ ಚಿತ್ರಕ್ಕೆ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಹಬ್ಬದ ಸಂಭ್ರಮವನ್ನ ದುಪ್ಪಟ್ಟು ಮಾಡಲು ಚಿತ್ರ ದೀಪಾವಳಿಯಂದು ತೆರೆಕಾಣಲಿದೆ.
