Koppala | ಭಾರಿ ಮಳೆಗೆ ಕೆರೆಯಂತಾದ ಶಾಲಾ ಮೈದಾನ
ಕೊಪ್ಪಳ : ಭಾರಿ ಮಳೆಗೆ ಶಾಲಾ ಮೈದಾನ ಕೆರೆಯಂತಾಗಿರುವ ಘಟನೆ ಕೊಪ್ಪಳದ ಕಾರಟಗಿ ತಾಲೂಕಿನ ಸಿದ್ದಾಪುರದ ಸರ್ಕಾರಿ ಪ್ರೌಢಶಾಲೆಯಲ್ಲಿ ನಡೆದಿದೆ.
ಗ್ರಾಮದಲ್ಲಿ ನಿನ್ನೆ ರಾತ್ರಿ ಧಾರಾಕಾರ ಮಳೆಯಾಗಿದೆ. ಪರಿಣಾಮ ಶಾಲಾ ಮೈದಾನದ ತುಂಬೆಲ್ಲ ಮಳೆ ನೀರು ಸಂಗ್ರಹವಾಗಿದೆ.
ಇದರಿಂದ ಮಕ್ಕಳ ಶೈಕ್ಷಣಿಕ ಹಾಗೂ ದೈಹಿಕ ಶಿಕ್ಷಣ ಕಲಿಕೆಗೆ ಸಮಸ್ಯೆ ಉಂಟಾಗಿದೆ.
ಜೊತೆಗೆ ಮಕ್ಕಳು ಶಾಲಾ ಕೊಠಡಿ ಪ್ರವೇಶಿಸಲು ಹರಸಾಹಸಪಡುವಂತಾಗಿದೆ.
ಇದಲ್ಲದೆ ಶಾಲೆಯ ಬಳಿ ಆಗಾಗ ಹಾವುಗಳು ಕೂಡ ಕಾಣಿಸಿಕೊಂಡಿವೆ.
ಈ ಬಗ್ಗೆ ಅನೇಕ ಬಾರಿ ಅಧಿಕಾರಿಗಳಿಗೆ ಮನವಿ ಸಲ್ಲಿಸಿ, ಸಮಸ್ಯೆ ತಿಳಿಸಿದ್ರೂ ಡೋಂಟ್ ಕೇರ್ ಎನ್ನುತ್ತಿದ್ದಾರೆ ಎಂದು ಆರೋಪಿಸಲಾಗುತ್ತಿದೆ.
ಇತ್ತ ಜಿಲ್ಲೆಯಲ್ಲಿ ನಿರಂತರವಾಗಿ ಮಳೆಯಾಗುತ್ತಿದ್ದು, ನಾನಾ ಅವಾಂತರಗಳು ಸೃಷ್ಟಿಯಾಗಿವೆ.
