IPL 2023 : ಬುಮ್ರಾ – ರಿಷಬ್ ಪಂತ್ : IPL 2023 ನಿಂದ ಮಿಸ್ ಆದ ಸ್ಟಾರ್ ಆಟಗಾರರು..!!
ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2023 ಮಾರ್ಚ್ 31 ರಂದು ಪ್ರಾರಂಭವಾಗಲಿದೆ. ಆದ್ರೆ ಈ ಸೀಸನ್ ಕೆಲ ಸ್ಟಾರ್ ಆಟಗಾರರ ಕೊರತೆ ಎದ್ದು ಕಾಣಲಿದೆ.
ಮುಂಬೈ ಇಂಡಿಯನ್ಸ್ ವೇಗಿ ಜಸ್ಪ್ರೀತ್ ಬುಮ್ರಾ ಗಾಯದ ಸಮಸ್ಯೆ ಎದುರಿಸುತ್ತಿದ್ದರೆ , ದೆಹಲಿ ಕ್ಯಾಪಿಟಲ್ಸ್ ತಂಡದ ನಾಯಕ ರಿಷಬ್ ಪಂತ್ ಅಪಘಾತಕ್ಕೀಡಾಗಿದ್ದು , ಚೇತರಿಸಿಕೊಳ್ತಿದ್ದಾರೆ.
ರಿಷಬ್ ಪಂತ್ ( Rishabh Pant )
ದೆಹಲಿ ಕ್ಯಾಪಿಟಲ್ಸ್ ತಂಡದ ನಾಯಕ ರಿಷಬ್ ಪಂತ್ ಅವರು ಕಳೆದ ವರ್ಷ ಡಿಸೆಂಬರ್ 30 ರಂದು ಕಾರು ಅಪಘಾತದಲ್ಲಿ ಗಾಯಗೊಂಡು ಇನ್ನೂ ಚೇತರಿಸಿಕೊಳ್ತಿದ್ದಾರೆ. ಹೀಗಾಗಿ ಈ ಸೀಸನ್ ನಲ್ಲಿ ಅವರನ್ನ ಅಭಿಮಾನಿಗಳು ಮಿಸ್ ಮಾಡಿಕೊಳ್ಳಲಿದ್ದಾರೆ.
ಜಸ್ಪ್ರೀತ್ ಬುಮ್ರಾ (Jasprit Bumrah)
ಮುಂಬೈ ಇಂಡಿಯನ್ಸ್ ವೇಗಿ ಜಸ್ಪ್ರೀತ್ ಬುಮ್ರಾ ಅವರು IPL 2023 ರಲ್ಲಿ ಗಾಯದಿಂದ ಚೇತರಿಸಿಕೊಂಡು ಮರಳುವ ಸಾಧ್ಯತೆಯಿದೆ. ಆದ್ರೆ ಬಹುತೇಕ ಮೂಲಗಳ ಪ್ರಕಾರ ಈ ಸೀಸನ್ ನಲ್ಲಿ ಭುಮ್ರಾ ಅಲಭ್ಯರಾಗಬಹುದು..
ಪ್ಯಾಟ್ ಕಮ್ಮಿನ್ಸ್ ( pat cummins )
ಆಸ್ಟ್ರೇಲಿಯಾ ಟೆಸ್ಟ್ ನಾಯಕ ಪ್ಯಾಟ್ ಕಮ್ಮಿನ್ಸ್ ಬಿಡುವಿಲ್ಲದ ಅಂತಾರಾಷ್ಟ್ರೀಯ ಪಂದ್ಯಾವಳಿಯಲ್ಲಿ ಬ್ಯುಸಿಯಾಗಿರೋದರಿಂದ IPL 2023 ರಿಂದ ದೂರವಿರಲು ಆಯ್ಕೆ ಮಾಡಿಕೊಂಡಿದ್ದಾರೆ. ಕಮ್ಮಿನ್ಸ್ 2022 ರಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್‌ಗೆ ಆಡಿದ್ದರು.
ಪ್ರಸ್ತುತ ಭಾರತದ ಜೊತೆಗಿನ ಟೆಸ್ಟ್ ಮ್ಯಾಚ್ ನಿಂದಲೂ ಹೊರಗುಳಿದಿದ್ದಾರೆ. ಸಿಡ್ನಿಯಲ್ಲಿ ತಮ್ಮ ತಾಯಿ ಅನಾರೋಗ್ಯದಿಂದಿರುವ ಕಾರಣ ಅಲ್ಲಿಗೆ ಭೇಟಿ ನೀಡಿದ್ದಾರೆ.
ಮಿಚೆಲ್ ಸ್ಟಾರ್ಕ್
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮಾಜಿ ವೇಗಿ ಮಿಚೆಲ್ ಸ್ಟಾರ್ಕ್ ಅವರು ಬಿಡ್ಡಿಂಗ್ ನಲ್ಲಿ ತಮ್ಮ ಹೆಸರನ್ನು ನೋಂದಾಯಿಸಿಕೊಳ್ಳದಿರಲು ನಿರ್ಧರಿಸಿದ ಕಾರಣ ಈ ಸೀಸನ್ ನಿಂದ ಹೊರಗುಳಿದಿದ್ದಾರೆ. ಬೆರಳಿನ ಗಾಯದಿಂದ ಬಳಲುತ್ತಿರುವ ಆಟಗಾರ ಮುಂದಿನ ತಿಂಗಳು ಭಾರತ ವಿರುದ್ಧದ 3 ಮತ್ತು 4 ನೇ ಟೆಸ್ಟ್ ನಲ್ಲಿ ಆಡುವ ಭರವಸೆಯಲ್ಲಿದ್ದಾರೆ.
ಅಲೆಕ್ಸ್ ಹೇಲ್ಸ್
ಇಂಗ್ಲೆಂಡ್ ಆಟಗಾರ ಅಲೆಕ್ಸ್ ಹೇಲ್ಸ್ ಅವರು ಕೆಲಸದ ಹೊರೆಯ ಸಮಸ್ಯೆಗಳಿಂದ IPL 2023 ನಿಂದ ದೂರ ಉಳಿದಿದ್ದಾರೆ.
ಸ್ಟೀವ್ ಸ್ಮಿತ್
ಆಸ್ಟ್ರೇಲಿಯಾದ ಮಾಜಿ ನಾಯಕ ಸ್ಟೀವ್ ಸ್ಮಿತ್ ಐಪಿಎಲ್ 2023 ಹರಾಜಿಗೆ ತಮ್ಮ ಹೆಸರನ್ನು ನೋಂದಾಯಿಸದಿರಲು ನಿರ್ಧರಿಸಿದ್ದಾರೆ. ಸ್ಮಿತ್ ಈ ವರ್ಷ ಟಿ20 ಲೀಗ್‌ಗೆ ಹೊರಗುಳಿಯಲು ನಿರ್ಧರಿಸಿದ್ದಾರೆ.
IPL 2023 , jasprith bumrah , rishabh pant , star players who is not playing this season
