ಕರುಳಿನ ಕ್ಷಯರೋಗ ಎಂದರೇನು? ಇದರ ಲಕ್ಷಣಗಳೇನು?

ಕರುಳಿನ ಕ್ಷಯರೋಗ ಎಂದರೇನು? ಇದರ ಲಕ್ಷಣಗಳೇನು?

ಕರುಳಿನ ಕ್ಷಯರೋಗವು ಎಲ್ಲಾ ವಯಸ್ಸಿನ ಜನರ ಮೇಲೂ ಪರಿಣಾಮ ಬೀರುತ್ತದೆ. ಆದರೆ ಯುವ ಮತ್ತು ಮಧ್ಯವಯಸ್ಕ ಜನರು ಈ ಸೋಂಕಿಗೆ ಹೆಚ್ಚು ಒಳಗಾಗುತ್ತಾರೆ. ಇದರ ಹೊರತಾಗಿ, ಮಧುಮೇಹ ಮತ್ತು ಎಚ್‌ಐವಿ-ಪಾಸಿಟಿವ್ ರೋಗಿಗಳಲ್ಲಿ ಕೂಡ ಇದರ ಸೋಂಕು ಹೆಚ್ಚು.
ಮಾಧ್ಯಮ ವರದಿಯ ಪ್ರಕಾರ, ಹೊಟ್ಟೆಯ ಕೆಳಭಾಗದಲ್ಲಿ ವಾಂತಿ ಮತ್ತು ನೋವು ಕರುಳಿನ ಟಿಬಿಯ ಲಕ್ಷಣಗಳಾಗಿರಬಹುದು.

todays-rashi-bhavishya-kannada-03-august-2026

Astro-ಈಶ್ವರನ ಕೃಪೆಯಿಂದ ಇಂದು ಈ ರಾಶಿಯವರಿಗೆ ಸಿಗಲಿದೆ ಭಾರೀ ಯಶಸ್ಸು, ಎಚ್ಚರಿಕೆ ಇರಲಿ

August 3, 2026

ಮೋದಿ ಒಬ್ಬ ನಿಜವಾದ ಸರ್ವಾಧಿಕಾರಿ ಆಗಲು ವಿಫಲರಾಗಿದ್ದಾರೆ- ಇಂದಿರಾ ಗಾಂಧಿಯಿಂದ ಸರ್ವಾಧಿಕಾರ ಕಲಿಯಿರಿ: ರಾಹುಲ್ ಗಾಂಧಿ ವಿರುದ್ಧ ಶೆಹಜಾದ್ ಪೂನಾವಾಲಾ ವಾಗ್ದಾಳಿ

August 3, 2026

ಈ ರೋಗವು ಸೋಂಕಿತ ಕಫ, ಟಿಬಿ ಬ್ಯಾಕ್ಟೀರಿಯಾದಿಂದ ಕಲುಷಿತಗೊಂಡ ಆಹಾರ ಪದಾರ್ಥ ಮತ್ತು ಶ್ವಾಸಕೋಶದ ಸೋಂಕಿನಿಂದ ಟಿಬಿ ಕರುಳನ್ನು ತಲುಪುವುದರಿಂದಲೂ ಉಂಟಾಗುತ್ತದೆ ಎಂದು ತಜ್ಞರು ಹೇಳುತ್ತಾರೆ. ವರದಿಯ ಪ್ರಕಾರ, ಕರುಳಿನ ಟಿಬಿ ಜೀರ್ಣಾಂಗವ್ಯೂಹದ ಯಾವುದೇ ಭಾಗದ ಮೇಲೆ ಪರಿಣಾಮ ಬೀರಬಹುದು ಮತ್ತು ಹೆಚ್ಚಾಗಿ ಇದು ಸಣ್ಣ ಮತ್ತು ದೊಡ್ಡ ಕರುಳಿನ ಮೇಲೆ ಪರಿಣಾಮ ಬೀರುತ್ತದೆ. ಕರುಳಿನ ಟಿಬಿ ಮೈಕೋಬ್ಯಾಕ್ಟೀರಿಯಂ ಕ್ಷಯ ಮತ್ತು ಮೈಕೋಬ್ಯಾಕ್ಟೀರಿಯಂ ಬೋವಿಸ್‌ನಿಂದ ಉಂಟಾಗುತ್ತದೆ.

ಇತರ ಟಿಬಿ ಸೋಂಕುಗಳಿಗಿಂತ ಕರುಳಿನ ಟಿಬಿಯ ಲಕ್ಷಣಗಳು ಕಡಿಮೆ ಗೋಚರಿಸುತ್ತವೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ. ಅದಕ್ಕಾಗಿಯೇ ಕೆಲವೊಮ್ಮೆ ಅದರ ಪತ್ತೆ ವಿಳಂಬವಾಗುತ್ತದೆ. ವಾಸ್ತವವಾಗಿ, ಕರುಳಿನ ಟಿಬಿ ಸಾಮಾನ್ಯ ಟಿಬಿಯನ್ನು ಹೋಲುತ್ತದೆ ಮತ್ತು ಅದನ್ನು ಸುಲಭವಾಗಿ ಚಿಕಿತ್ಸೆ ಮಾಡಬಹುದು. ಆದರೆ ಚಿಕಿತ್ಸೆಯಲ್ಲಿನ ವಿಳಂಬದಿಂದಾಗಿ, ಕರುಳುಗಳು ಕೆಟ್ಟದಾಗಿ ಹಾನಿಗೊಳಗಾಗುತ್ತವೆ.

ದೇಹದ ತೂಕ ನಷ್ಟ

ವಾಸ್ತವವಾಗಿ, ಕರುಳಿನಲ್ಲಿ ಟಿಬಿ ಸೋಂಕಿನಿಂದಾಗಿ, ಆಹಾರವನ್ನು ಜೀರ್ಣಿಸುವಲ್ಲಿ ತೊಂದರೆ ಉಂಟಾಗುತ್ತದೆ ಮತ್ತು ಜೀರ್ಣಕ್ರಿಯೆಯು ಹಾಳಾಗುತ್ತದೆ. ಈ ಕಾರಣದಿಂದಾಗಿ, ದೇಹವು ಆಹಾರದಿಂದ ಅಗತ್ಯವಾದ ಪೋಷಕಾಂಶಗಳನ್ನು ಪಡೆಯುವುದಿಲ್ಲ ಮತ್ತು ದೇಹವು ದುರ್ಬಲಗೊಳ್ಳಲು ಪ್ರಾರಂಭಿಸುತ್ತದೆ ಜೊತೆಗೆ ತೂಕ ಕೂಡ ನಷ್ಟವಾಗುತ್ತದೆ.

ಲಘು ಜ್ವರ

ವರದಿಯ ಪ್ರಕಾರ, ನಿರಂತರವಾದ ಲಘ ಜ್ವರ ಟಿಬಿಯ ಲಕ್ಷಣವಾಗಿದೆ. ಈ ಕಾರಣದಿಂದ, ಅನೇಕ ಬಾರಿ ರಾತ್ರಿಯಲ್ಲಿ ಅತಿ ಹೆಚ್ಚಿನ ಮೈ ಬಿಸಿ ಮತ್ತು ನಂತರ ಭಾರೀ ಬೆವರುವುದು ಇರುತ್ತದೆ. ನಿರಂತರವಾದ ಲಘು ಜ್ವರ ಮತ್ತು ರಾತ್ರಿ ಬೆವರುವಿಕೆ ಇದ್ದರೆ, ಅದನ್ನು ನಿರ್ಲಕ್ಷಿಸಬೇಡಿ ಮತ್ತು ವೈದ್ಯರನ್ನು ಸಂಪರ್ಕಿಸಿ.

ಆಹಾರ ಪದ್ಧತಿಯಲ್ಲಿ ಬದಲಾವಣೆ

ಕರುಳುಗಳು ಆಹಾರವನ್ನು ಜೀರ್ಣಿಸಿಕೊಳ್ಳಲು ಸಹಾಯ ಮಾಡುತ್ತವೆ. ಕರುಳಿನ ಟಿಬಿ ಇದ್ದರೆ, ಆಹಾರ ಪದ್ಧತಿಯಲ್ಲಿ ಬದಲಾವಣೆಯಾಗಬಹುದು. ಹಸಿವು ಕಡಿಮೆಯಾಗಬಹುದು.

ನಿರಂತರ ಲಘ ಹೊಟ್ಟೆ ನೋವು

ಕರುಳಿನ ಟಿಬಿಯಿಂದಾಗಿ, ಅನೇಕ ಜನರಿಗೆ ತಮ್ಮ ಹೊಟ್ಟೆಯಲ್ಲಿ ಸ್ವಲ್ಪ ನೋವು ಕಾಣಿಸಿಕೊಳ್ಳಬಹುದು. ಕೆಲವೊಮ್ಮೆ ಈ ನೋವು ಕಡಿಮೆ ಅಥವಾ ಕೆಲವೊಮ್ಮೆ ಹೆಚ್ಚು ಇರಬಹುದು. ಇದರೊಂದಿಗೆ, ಸೋಂಕಿತ ವ್ಯಕ್ತಿಯು ಮಲಬದ್ಧತೆಯ ಸಮಸ್ಯೆಯನ್ನು ಸಹ ಹೊಂದಿರಬಹುದು. ಈ ಕಾರಣದಿಂದಾಗಿ ಗ್ಯಾಸ್ ಮತ್ತು ಅಜೀರ್ಣ ಸಮಸ್ಯೆ ಉಂಟಾಗಬಹುದು.

ಹೊಟ್ಟೆ ಸೆಳೆತ

ತೀವ್ರವಾದ ಕಿಬ್ಬೊಟ್ಟೆಯ ಸೆಳೆತವು ಕರುಳಿನ ಟಿಬಿಯ ಸ್ಪಷ್ಟ ಲಕ್ಷಣವಾಗಿದೆ ಮತ್ತು ಅದನ್ನು ನಿರ್ಲಕ್ಷಿಸಲಾಗುವುದಿಲ್ಲ. ಕಿಬ್ಬೊಟ್ಟೆಯ ಸೆಳೆತವು ಮರುಕಳಿಸಬಹುದು ಮತ್ತು ಕೆಲವೊಮ್ಮೆ ಹೊಕ್ಕುಳ ಸುತ್ತಲೂ ತೀಕ್ಷ್ಣವಾದ ನೋವು ಕಾಣಿಸಿಕೊಳ್ಳಬಹುದು.

ಅತಿಸಾರ ಮತ್ತು ವಾಂತಿ

ಅತಿಸಾರವು ಕರುಳಿನ ಟಿಬಿಯ ಪ್ರಮುಖ ಲಕ್ಷಣವಾಗಿದೆ. ಕರುಳು ಟಿಬಿಯಿಂದ ಬಳಲುತ್ತಿರುವ ಪ್ರತಿ ಮೂವರಲ್ಲಿ ಒಬ್ಬರಿಗೆ ಅತಿಸಾರದ ಸಮಸ್ಯೆ ಇರುತ್ತದೆ. ವಾಂತಿ ಅಥವಾ ವಾಕರಿಕೆಯ ಭಾವನೆ ಕೂಡ ಇದರ ಮುಖ್ಯ ಲಕ್ಷಣಗಳಲ್ಲಿ ಒಂದಾಗಿದೆ. ಕೆಲವು ರೋಗಿಗಳು ಆಹಾರ ಸೇವಿಸಿದ ನಂತರ ವಾಂತಿ ಆರಂಭವಾದರೆ, ಕೆಲವರಿಗೆ ನೀರು ಕುಡಿದ ನಂತರವೂ ವಾಂತಿ ಬಂದಂತೆ ಅನಿಸುತ್ತದೆ.

ಎಚ್ಚರಿಕೆ – ದೇಶದಲ್ಲಿ ಕೊರೋನಾ ಸೋಂಕಿನ ಹಾವಳಿ ಕಡಿಮೆಯಾಗಿದ್ದರೂ ಸಂಪೂರ್ಣವಾಗಿ ನಿಂತಿಲ್ಲ. ಆದ್ದರಿಂದ ಪ್ರತಿಯೊಬ್ಬರೂ ಕಡ್ಡಾಯವಾಗಿ ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ ಮತ್ತು ಕೊರೋನಾ ಮುನ್ನೆಚ್ಚರಿಕೆ ಕ್ರಮಗಳನ್ನು ಪಾಲಿಸಿ. ಜೊತೆಗೆ ವ್ಯಾಕ್ಸಿನೇಷನ್‌ ಪಡೆಯುವುದನ್ನು ಮರೆಯದಿರಿ. ಇದು ‌ಸಾಕ್ಷಾಟಿವಿ ಕಳಕಳಿ.