ಐಸಿಸಿ ಏಕದಿನ ರ್ಯಾಂಕಿಂಗ್ ಪಟ್ಟಿ ಬಿಡುಗಡೆಯಾಗಿದ್ದು, ನ್ಯೂಜಿಲೆಂಡ್ ವಿರುದ್ಧದ ಏಕದಿನ ಪಂದ್ಯಗಳ ಸರಣಿಯಲ್ಲಿ ಕಳಪೆ ಪ್ರದರ್ಶನ ನೀಡಿದ ಜಸ್ಪ್ರೀತ್ ಬುಮ್ರಾ ತಮ್ಮ ಅಗ್ರ ಸ್ಥಾನವನ್ನು ಕಳೆದುಕೊಂಡಿದ್ದಾರೆ. ಕಿವೀಸ್ ವಿರುದ್ಧದ ಪಂದ್ಯಗಳಲ್ಲಿ ವಿಕೆಟ್ ಪಡೆಯಲು ಪರದಾಡಿದ ಬುಮ್ರಾ ಐಸಿಸಿ ಏಕದಿನ ರ್ಯಾಂಕಿಂಗ್ ಪಟ್ಟಿಯಲ್ಲಿ 719 ಅಂಕಗಳೊಂದಿಗೆ 2ನೇ ಸ್ಥಾನಕ್ಕೆ ಕುಸಿದಿದ್ದಾರೆ. ಮತ್ತೊಂಡೆದೆ ಗಾಯದ ಸಮಸ್ಯೆಯಿಂದ ಭಾರತದ ವಿರುದ್ಧದ ಸರಣಿಯಿಂದ ಹೊರಗುಳಿದಿದ್ದ ಕಿವೀಸ್ ಬೌಲರ್ ಟ್ರೆಂಟ್ ಬೌಲ್ಟ್ 727 ಅಂಕಗಳೊಂದಿಗೆ ಮೊದಲ ಸ್ಥಾನದಲ್ಲಿದ್ದಾರೆ.
ಐಸಿಸಿ ಏಕದಿನ ರ್ಯಾಂಕಿಂಗ್ ಬೌಲರ್ಗಳ ಟಾಪ್ 5 ಪಟ್ಟಿ
1. ಟ್ರೆಂಟ್ ಬೌಲ್ಟ್ (ನ್ಯೂಜಿಲೆಂಡ್): 727 ಅಂಕ
2. ಜಸ್ಪ್ರೀತ್ ಬುಮ್ರಾ (ಭಾರತ): 719 ಅಂಕ
3. ಮುಜೀಬ್ ಉರ್ ರೆಹಮಾನ್ (ಅಫಘಾನಿಸ್ತಾನ): 701 ಅಂಕ
4. ಕಗಿಸೊ ರಬಾಡ (ದಕ್ಷಿಣ ಆಫ್ರಿಕಾ): 674 ಅಂಕ
5. ಪ್ಯಾಟ್ ಕಮಿನ್ಸ್ (ಆಸ್ಟ್ರೇಲಿಯಾ): 673 ಅಂಕ
ನ್ಯೂಜಿಲೆಂಡ್ ಸರಣಿಯಲ್ಲಿ ನಿರಾಶಾದಾಯಕ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಭಾರತದ ನಾಯಕ ವಿರಾಟ್ ಕೊಹ್ಲಿ,ರೇಟಿಂಗ್ ಪಾಯಿಂಟ್ಗಳನ್ನು ಕಳೆದುಕೊಂಡಿದ್ದಾರೆ. ಆದರೂ ತಮ್ಮ ಪ್ರಥಮ ಸ್ಥಾನವನ್ನು ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ರೋಹಿತ್ ಶರ್ಮಾ (855 ರೇಟಿಂಗ್) ಎರಡನೇ ಸ್ಥಾನ ಕಾಯ್ದುಕೊಂಡಿದ್ದಾರೆ. ಕಿವೀಸ್ ಬ್ಯಾಟ್ಸ್ಮನ್ ರಾಸ್ ಟೇಲರ್ ಒಂದು ಸ್ಥಾನ ಮೇಲೇರಿ 4ನೇ ರ್ಯಾಂಕ್ ಪಡೆದುಕೊಂಡಿದ್ದಾರೆ. ಇನ್ನು ಬೊಂಬಾಟ್ ಲಯದಲ್ಲಿರುವ ಕನ್ನಡಿಗ ಕೆ.ಎಲ್ ರಾಹುಲ್ ಟೂರ್ನಿಯಲ್ಲಿ ಒಂದು ಶತಕದೊಂದಿಗೆ 204 ರನ್ ಬಾರಿಸಿದ್ದಾರೆ. ಇವರು 13 ಸ್ಥಾನಗಳ ಜಿಗಿತ ಕಂಡಿದ್ದು, 36 ನೇ ಸ್ಥಾನವನ್ನು ಪಡೆದಿದ್ದಾರೆ. ಶ್ರೇಯಸ್ ಅಯ್ಯರ್ 23 ಸ್ಥಾನಗಳನ್ನು ಜಿಗಿದು 62ನೇ ಸ್ಥಾನಕ್ಕೆ ತಲುಪಿದ್ದಾರೆ.
ಐಸಿಸಿ ಒಡಿಐ ಬ್ಯಾಟ್ಸ್ಮನ್ಗಳ ಟಾಪ್ 5 ರ್ಯಾಂಕಿಂಗ್ ಪಟ್ಟಿ
1. ವಿರಾಟ್ ಕೊಹ್ಲಿ (ಭಾರತ): 869 ರೇಟಿಂಗ್
2. ರೋಹಿತ್ ರ್ಮಾ (ಭಾರತ): 855 ರೇಟಿಂಗ್
3. ಬಾಬರ್ ಆಝಮ್ (ಪಾಕಿಸ್ತಾನ): 829 ರೇಟಿಂಗ್
4. ರಾಸ್ ಟೇಲರ್ (ನ್ಯೂಜಿಲೆಂಡ್): 828 ರೇಟಿಂಗ್
5. ಫಾಫ್ ಡು’ಪ್ಲೆಸಿಸ್ (ದಕ್ಷಿಣ ಆಫ್ರಿಕಾ): 803 ರೇಟಿಂಗ್
ಇತ್ತ ಏಕದಿನ ಆಲ್ರೌಂಡರ್ಗಳ ಪೈಕಿ ಭಾರತ ತಂಡದ ರವೀಂದ್ರ ಜಡೇಜಾ ಮೂರು ಸ್ಥಾನ ಮೇಲೇರಿದ್ದಾರೆ. 246 ರೇಟಿಂಗ್ ಅಂಕಗಳನ್ನು ಪಡೆದಿರುವ ಜಡೇಜಾ ಈ ಮೂಲಕ 7ನೇ ರ್ಯಾಂಕ್ ಪಡೆದುಕೊಂಡಿದ್ದಾರೆ. ಈ ಪಟ್ಟಿಯಲ್ಲಿ ಅಫಘಾನಿಸ್ತಾನದ ಆಲ್ರೌಂಡರ್ ಮೊಹಮ್ಮದ್ ನಬಿ (301) ನಂ.1 ಸ್ಥಾನದಲ್ಲಿದ್ದಾರೆ.
