IPL 2021 : ರಾಯಲ್ಸ್ ತಂಡ ಪ್ಲೇ-ಆಫ್ನಿಂದ ಔಟ್, ಗೆದ್ದರೂ ಮುಂಬೈ ಚಾನ್ಸ್ ಡೌಟ್..!
ಶಾರ್ಜಾ ಪಿಚ್ನ್ನು ಅರ್ಥಮಾಡಿಕೊಂಡಿದ್ದ ಮುಂಬೈ ಇಂಡಿಯನ್ಸ್ ನಾಯಕ ರೋಹಿತ್ ಶರ್ಮಾ ಟಾಸ್ ಗೆದ್ದ ಮೇಲೆ ಫೀಲ್ಡಿಂಗ್ ಆರಿಸಿಕೊಂಡರು. ಇನ್ನಿಂಗ್ಸ್ ಆರಂಭಿಸಿದ ರಾಜಸ್ಥಾನ ರಾಯಲ್ಸ್ ಮೊದಲ ಓವರ್ನಿಂದಲೇ ರನ್ಗಾಗಿ ಪರದಾಡಿತು. ಎವಿನ್ ಲೆವಿಸ್ ಮತ್ತು ಯಶಸ್ವಿ ಜೈಸ್ವಾಲ್ ಅಬ್ಬರದ ಆಟಕ್ಕೆ ಲೆಕ್ಕಾಚಾರ ಹಾಕಿದ್ದರೂ, ಮುಂಬೈ ಬೌಲರ್ಗಳ ಮುಂದೆ ಮಿಸುಕಾಡಲಾಗಲಿಲ್ಲ. 12ರನ್ಗಳಿಸಿದ್ದ ಜೈಸ್ವಾಲ್ ಕೌಲ್ಟರ್ನಿಲ್ಗೆ ವಿಕೆಟ್ ಒಪ್ಪಿಸಿ ಮೊದಲಿಗರಾಗಿ ಔಟಾದರು. ಬುಮ್ರಾ ಡೇಂಜರಸ್ ಲೆವಿಸ್ರನ್ನು 24 ರನ್ಗಳಿಗೆ ಆಟ ಮುಗಿಸುವಂತೆ ಮಾಡಿದರು. ಇಲ್ಲಿಂದ ಮುಂದೆ ರಾಜಸ್ಥಾನ ಎಲ್ಲೂ ಚೇತರಿಸಿಕೊಳ್ಳಲಿಲ್ಲ.
ತಂಡ ಸೇರಿಕೊಂಡಿದ್ದ ಜಿಮ್ಮಿ ನಿಶಾಮ್ ಸಂಜು ಸ್ಯಾಮ್ಸನ್ ಮತ್ತು ಶಿವಂ ಆಟವನ್ನು ಒಂದಂಕಿಗೆ ಕೊನೆಗೊಳ್ಳುವಂತೆ ಮಾಡಿದರು. ಮತ್ತೊಂದು ಕಡೆಯಲ್ಲಿ ಕೌಲ್ಟರ್ನಿಲ್ ಗ್ಲೆನ್ ಫಿಲಿಫ್ಸ್ ವಿಕೆಟ್ ಎತ್ತಿದರು. 10 ಓವರುಗಳು ಮುಗಿಯುವಷ್ಟರಲ್ಲಿ ರಾಜಸ್ಥಾನ 50 ರನ್ಗಳಿಗೆ 5 ವಿಕೆಟ್ ಕಳೆದುಕೊಂಡಿತ್ತು. ಡೇವಿಡ್ ಮಿಲ್ಲರ್ 15 ರನ್ಗಳಿಸಿ ಹೋರಾಟ ನೀಡುವ ಸೂಚನೆ ನೀಡಿದರು. ಆದರೆ ರಾಹುಲ್ ತೆವಾಟಿಯಾ ಮತ್ತು ಶ್ರೇಯಸ್ ಗೋಪಾಲ್ ಬೇಗನೆ ಔಟಾದರು. ಮಿಲ್ಲರ್ ಆಟವೂ 15 ರನ್ಗಳಿಗೆ ಅಂತ್ಯಕಂಡಿತು. 20 ಓವರುಗಳು ಮುಗಿದಾಗ ರಾಯಲ್ಸ್ ಖಾತೆಯಲ್ಲಿ ಇದ್ದಿದ್ದು ಕೇವಲ 90 ರನ್. ಮುಂಬೈ ಬೌಲರ್ಗಳು ಮಿಂಚಿದ್ದರು. ಕೌಲ್ಟರ್ನಿಲ್ 14 ರನ್ಗೆ 4 ವಿಕೆಟ್ ಪಡೆದರೆ, ನಿಶಾನ್ 12 ರನ್ ನೀಡಿ 3 ವಿಕೆಟ್ ಪಡೆದಿದ್ದರು. ಬುಮ್ರಾ 14 ರನ್ಗೆ 2 ವಿಕೆಟ್ ಪಡೆದರು.
ಸುಲಭ ಗುರಿ ಬೆನ್ನಟ್ಟಿದ ಮುಂಬೈ ಇಂಡಿಯನ್ಸ್ ಬೇಗನೆ ಗೆದ್ದು ರನ್ರೇಟ್ ಉತ್ತಮಪಡಿಸಿಕೊಳ್ಳುವ ಯೋಜನೆ ಮಾಡಿತ್ತು. ಆರಂಭಿಕರಾಗಿ ಕಣಕ್ಕಿಳಿದಿದ್ದ ರೋಹಿತ್ ಶರ್ಮಾ ಮತ್ತು ಇಶಾನ್ ಕಿಶಾನ್ ಆರಂಭದಿಂದಲೇ ರನ್ಗಳಿಸಿದರು. ರೋಹಿತ್ 1 ಫೋರ್ ಮತ್ತು 2 ಸಿಕ್ಸರ್ ನೆರವಿನಿಂದ 13 ಎಸೆತಗಳಲ್ಲಿ ಬಿರುಸಿನ 22 ರನ್ಗಳಿಸಿ ಸಕಾರಿಯಾಗೆ ವಿಕೆಟ್ ಒಪ್ಪಿಸಿದರು. ಸೂರ್ಯಕುಮಾರ್ ಯಾದವ್ ಕ್ರೀಸ್ಗೆ ಬರ್ತಾ ಇದ್ದಂತೆ ಪಟಪಟನೆ 3 ಫೋರ್ ಬಾರಿಸಿದರು. ಆದರೆ 13 ರನ್ಗಳಿಸಿದ್ದಾಗ ಮುಸ್ತಫಿಝುರ್ಗೆ ವಿಕೆಟ್ ಒಪ್ಪಿಸಿದರು.
ಇನ್ನೊಂದು ಕಡೆ ಇಶಾನ್ ಕಿಶನ್ ಅಬ್ಬರದ ಆಟ ಆಡುತ್ತಿದ್ದರು. ರಾಯಲ್ಸ್ ಬೌಲರ್ಗಳನ್ನು ಬೆಂಡೆತ್ತಿದರು.ಕಿಶನ್ ಕೇವಲ 25 ಎಸೆತಗಳಲ್ಲಿ 3 ಸಿಕ್ಸರ್ ಮತ್ತು 5 ಬೌಂಡರಿಗಳ ನೆರವಿನಿಂದ ಅಜೇಯ 50 ರನ್ಗಳಿಸಿದರು. ಮುಂಬೈ ಕೇವಲ 8.2 ಓವರುಗಳಲ್ಲಿ 94 ರನ್ಗಳಿಸಿ 8 ವಿಕೆಟ್ಗಳ ಭರ್ಜರಿ ಜಯ ದಾಖಲಿಸಿತು. ಭರ್ಜರಿಯಾಗಿ ಗೆದ್ದ ಮುಂಬೈ ರನ್ ರೇಟ್ ಜೊತೆ ಅಂಕಗಳಿಕೆಯನ್ನು ಕೂಡ ಹೆಚ್ಚಿಸಿಕೊಂಡಿತ್ತು. ರಾಯಲ್ಸ್ ಟೂರ್ನಿಯಿಂದ ಹೊರ ಬಿದ್ದರೆ ಮುಂಬೈ ಇಂಡಿಯನ್ಸ್ ಕೊನೆಯ ಪಂದ್ಯವನ್ನು ಗೆದ್ದರೂ ಲೆಕ್ಕಾಚಾರದ ಮೇಲೆ ಪ್ಲೇ-ಆಫ್ ಭವಿಷ್ಯ ನಿಂತಿದೆ
