ಶೀಘ್ರದಲ್ಲಿಯೇ ಬರಲಿದೆ ಭಜ್ಜಿ ಬಯೋಪಿಕ್ Bhajji Biopic saaksha tv
ಭಾರತದ ಮಾಜಿ ಸ್ಪಿನ್ನರ್ ಹರ್ಭಜನ್ ಸಿಂಗ್ ತಮ್ಮ ಮನದಾಳದ ಮಾತನ್ನು ಹಂಚಿಕೊಂಡಿದ್ದಾರೆ.
ತಮ್ಮ ಜೀವನದ ಮೇಲೆ ಬಯೋಪಿಕ್ ತೆಗೆಯುವ ಇಚ್ಛೆ ಇದೆ ಎಂದಿದ್ದಾರೆ.
ಭಾರತಕ್ಕಾಗಿ ಆಡುವ ದಿನಗಳಲ್ಲಿ ಅವರು ಹೇಗಿದ್ದಾರೆಂದು ಎಲ್ಲರು ತಿಳಿದುಕೊಳ್ಳಬೇಕು ಎಂದು ಎಂದು ಭಜ್ಜಿ ಅಭಿಪ್ರಾಯಪಟ್ಟಿದ್ದಾರೆ.
ಅದಕ್ಕಾಗಿಯೇ ಭಜ್ಜಿ ಬಯೋಪಿಕ್ ಮಾಡಲು ಬಯಸಿರುವುದಾಗಿ ಬಹಿರಂಗಪಡಿಸಿದ್ದಾರೆ.
ಈಗಾಗಲೇ ಭಾರತದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಮತ್ತು ಮೊಹಮ್ಮದ್ ಅಜರುದ್ದೀನ್ ಅವರ ಜೀವನಾಧಾರಿತ ಚಿತ್ರಗಳು ಅಭಿಮಾನಿಗಳನ್ನು ರಂಜಿಸಿವೆ.
ಸದ್ಯ 1983 ರ ವಿಶ್ವಕಪ್ ವಿಜಯವನ್ನು ಆಧರಿಸಿದ ’83’ ಸಿನಿಮಾ ದೇಶದಾದ್ಯಂತ ಭರ್ಜರಿ ಪ್ರದರ್ಶನ ಕಾಣುತ್ತಿದೆ.
ನಾನು ನನ್ನ ಜೀವನದ ಬಗ್ಗೆ ಚಲನಚಿತ್ರ ಅಥವಾ ವೆಬ್ ಸರಣಿಯನ್ನು ಮಾಡಲು ಬಯಸುತ್ತೇನೆ.
ಇದರಿಂದ ನಾನು ಯಾವ ರೀತಿಯ ವ್ಯಕ್ತಿ ಮತ್ತು ನಾನು ಭಾರತದ ಪರ ಹೇಗೆ ಆಡಿದ್ದೇನೆ ಎಂದು ಜನರು ತಿಳಿದುಕೊಳ್ಳುತ್ತಾರೆ ಎಂದು ಹರ್ಭಜನ್ ಸಿಂಗ್ ಝೀ ನ್ಯೂಸ್‌ಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.
ಹರ್ಭಜನ್ ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಹೇಳಿದ್ದರು.
ಭಜ್ಜಿ ಭಾರತ ಪರ 103 ಟೆಸ್ಟ್, 236 ODI ಮತ್ತು 28 T20 ಪಂದ್ಯಗಳನ್ನು ಆಡಿದ್ದಾರೆ. ಅಲ್ಲದೆ ಐಪಿಎಲ್‌ನಲ್ಲಿ 163 ಪಂದ್ಯಗಳನ್ನು ಆಡಿದ್ದಾರೆ.
