Punjab election exit poll | ದೆಹಲಿ ಬಳಿಕ ಪಂಜಾಬ್ ನಲ್ಲಿ ಕೇಜ್ರಿವಾಲ್ “ಕ್ರೇಜ್”..!!!
ಬೆಂಗಳೂರು : ಅರವಿಂದ ಕೇಜ್ರಿವಾಲ್….!!! ಸದ್ಯ ರಾಷ್ಟ್ರ ರಾಜಕಾರಣದಲ್ಲಿ ದಿನದಿಂದ ದಿನಕ್ಕೆ ಛಾಪು ಮೂಡಿಸುತ್ತಿರುವ ನಾಯಕ.
ಸಾಮಾಜಿಕ ಹೋರಾಟಗಳ ಮೂಲಕ ರಾಜಕೀಯಕ್ಕೆ ಧುಮುಕಿದ ಅರವಿಂದ ಕೇಜ್ರಿವಾಲ್, ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಚುಕ್ಕಾಣಿ ಹಿಡಿದಿದ್ದಾರೆ.
ಇದೀಗ ಪಂಜಾಬ್ ನಲ್ಲಿಯೂ ಆಮ್ ಆದ್ಮಿ ಪಾರ್ಟಿ ಅಧಿಕಾರ ಹಿಡಿಯೋದು ಪಕ್ಕಾ ಆಗಿದೆ.
ಹೌದು..! ಕೇವಲ ದೆಹಲಿಗೆ ಸೀಮಿತವಾಗಿದ್ದ ಆಪ್ ಈಗ ಪಂಜಾಬ್ ನಲ್ಲಿ ಪ್ರಬಲ ಪಕ್ಷವಾಗಿ ನಿಂತಿದೆ.
ಪಂಚ ರಾಜ್ಯಗಳ ಚುನಾವಣಾ ಮತದಾನ ನಿನ್ನೆ ಮುಕ್ತಾಯವಾಗಿದ್ದು, ಚುನಾವಣಾ ಪೂರ್ವ ಸಮೀಕ್ಷೆಗಳು ಹೊರಬಿದ್ದಿವೆ.
ಆ ಪೈಕಿ ಪಂಜಾಬ್ ನಲ್ಲಿ ಆಪ್ ಗದ್ದುಗೆ ಹೇರಲಿದೆಯಂತೆ.
ಕಾಂಗ್ರೆಸ್ ಪಕ್ಷದಲ್ಲಿನ ನಾಯಕತ್ವ ಕಿತ್ತಾಟದಿಂದ ಅಧಿಕಾರ ಕಳೆದುಕೊಳ್ಳಲಿದ್ದು, ಕಳೆದ ಚುನಾವಣೆಯಲ್ಲಿ ಎರಡನೇ ಸ್ಥಾನದಲ್ಲಿದ್ದ ಆಪ್ ಈ ಬಾರಿ ಸರ್ಕಾರ ರಚಿಸಲಿದೆ ಎಂದಿವೆ ಸಮೀಕ್ಷೆಗಳು.
ಗೊಂದಲದ ಗೂಡಾಗಿರುವ ಕಾಂಗ್ರೆಸ್ ಎರಡನೇ ಸ್ಥಾನಕ್ಕೆ ಕುಸಿದರೇ, ಶಿರೋಮಣಿ ಅಕಾಲಿ ದಳ ಸ್ವಲ್ಪಮಟ್ಟಿಗೆ ಮಾತ್ರ ಪ್ರಭಾವ ಬೀರಿದೆ.
ಕ್ಯಾಪ್ಟನ್ ಅಮರಿಂದರ್ ಸಿಂಗ್ ಜೊತೆ ಸೇರಿದ್ದಕ್ಕೂ ಬಿಜೆಪಿಗೆ ಇಲ್ಲಿ ಪ್ರಯೋಜನವಾಗಿಲ್ಲ.
ಒಟ್ಟು ಸ್ಥಾನಗಳು 117, ಬಹುಮತಕ್ಕೆ 59
ಇಂಡಿಯಾ ಟುಡೇ: ಆಪ್ 76-90, ಕಾಂಗ್ರೆಸ್ 19-31, ಅಕಾಲಿ ದಳ 7-11, ಬಿಜೆಪಿ + 1-4, ಇತರರು 01
ರಿಪಬ್ಲಿಕ್: ಆಪ್ 62-70, ಕಾಂಗ್ರೆಸ್ 23-31, ಅಕಾಲಿ ದಳ 16-24, ಬಿಜೆಪಿ+ 1-3,ಇತರರು 1-3
ಟೈಮ್ಸ್ ನೌ: ಆಪ್ 70, ಕಾಂಗ್ರೆಸ್ 22, ಅಕಾಲಿ ದಳ 19, ಬಿಜೆಪಿ 05, ಇತರರು 0-1
ಟುಡೇಸ್ ಚಾಣಕ್ಯ : ಆಪ್ 100, ಕಾಂಗ್ರೆಸ್ 10, ಅಕಾಲಿ ದಳ 06, ಬಿಜೆಪಿ 01, ಇತರರು 00
ಜನ ಕೀ ಬಾತ್ : ಆಪ್ 72, ಕಾಂಗ್ರೆಸ್ 24, ಅಕಾಲಿ ದಳ 15, ಬಿಜೆಪಿ + 05, ಇತರರು 01
ಅಂದಹಾಗೆ 2017ರಲ್ಲಿ ಅಮರೀಂದರ್ ನೇತೃತ್ವದ ಕಾಂಗ್ರೆಸ್ ಪಕ್ಷ 77 ಸ್ಥಾನಗಳೊಂದಿಗೆ ಅಧಿಕಾರ ಹಿಡಿದಿತ್ತು.
ಮೊದಲ ಬಾರಿ ಪಂಜಾಬ್ ಅಖಾಡಕ್ಕೆ ಧುಮುಕಿದ್ದ ಆಪ್ 20ರಲ್ಲಿ ಗೆಲುವು ಸಾಧಿಸಿತ್ತು. ಎಸ್ಎಡಿ+ ಬಿಜೆಪಿ ಮೈತ್ರಿ ಕೂಟ 18 ರಲ್ಲಿ ಗೆದ್ದಿತ್ತು. punjab election exit poll 2022 saaksha tv
