DC vs PBKS Match | ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಪ್ಲೇಯಿಂಗ್ ಇಲೆವೆನ್
ಆರಂಭದಲ್ಲಿ ಉತ್ತಮ ಪ್ರದರ್ಶನ ನೀಡಿ ಅಸ್ಥಿರ ಪ್ರದರ್ಶನದಿಂದ ಟೂರ್ನಿಯಿಂದ ಹೊರಬೀಳುವ ಆತಂಕದಲ್ಲಿದ್ದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಇದೀಗ ಪ್ಲೇ ಆಫ್ಸ್ ಹೊಸ್ತಿಲಲ್ಲಿ ನಿಂತಿದೆ.
ರಿಷಬ್ ಪಂತ್ ಬಳಗ ಪ್ಲೇ ಆಫ್ಸ್ ಪ್ರವೇಶಿಸೋಕೆ ಇನ್ನು ಕೇವಲ ಎರಡು ಹೆಜ್ಜೆಗಳು ಮಾತ್ರ ಬಾಕಿ ಉಳಿದಿವೆ.
ಡೆಲ್ಲಿ ತಂಡ ಈ ಎರಡೂ ಹೆಜ್ಜೆಗಳನ್ನು ಸರಿಯಾಗಿ ಹಾಕಿದ್ದೇ ಆದ್ದಲ್ಲಿ ಈ ಬಾರಿಯ ಇಂಡಿಯನ್ ಪ್ರಿಮಿಯರ್ ಲೀಗ್ ನ ಅಂತಿಮ ನಾಲ್ಕರ ಘಟ್ಟ ತಲುಪಲಿದೆ.
ಅದರ ಭಾಗವಾಗಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಇಂದು ತನ್ನ 13ನೇ ಪಂದ್ಯವನ್ನಾಡಿದೆ.
ಈಗಾಗಲೇ ಈ ಬಾರಿಯ ಟೂರ್ನಿಯಲ್ಲಿ 12 ಪಂದ್ಯಗಳನ್ನಾಡಿರುವ ಡೆಲ್ಲಿ ಕ್ಯಾಪಿಟಲ್ಸ್ ತಂಡ, ಆರು ಪಂದ್ಯಗಳಲ್ಲಿ ಗೆದ್ದು, ಆರು ಪಂದ್ಯಗಳಲ್ಲಿ ಸೋಲು ಕಂಡಿದೆ.
ಇದರೊಂದಿಗೆ ಅಂಕ ಪಟ್ಟಿಯಲ್ಲಿ 12 ಅಂಕಗಳೊಂದಿಗೆ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಐದನೇ ಸ್ಥಾನದಲ್ಲಿದೆ.
ಇಂದು ಡೆಲ್ಲಿ ತಂಡ ತನ್ನ 13ನೇ ಪಂದ್ಯವನ್ನು ಪಂಜಾಬ್ ಕಿಂಗ್ಸ್ ವಿರುದ್ಧ ಆಡಲಿದೆ. ಪಂಜಾಬ್ ಕಿಂಗ್ಸ್ ತಂಡ ಕೂಡ ಸರಿಸುಮಾರು ಇದೇ ಪರಿಸ್ಥಿತಿಯಲ್ಲಿದೆ.
ಹೀಗಾಗಿ ಎರಡೂ ತಂಡಗಳಿಗೂ ಈ ಪಂದ್ಯದಲ್ಲಿ ಗೆಲುವು ಅತಿ ಮುಖ್ಯವಾಗಿದೆ.
ಡೆಲ್ಲಿ ತಂಡ ಕಳೆದ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಗೆಲುವು ಸಾಧಿಸಿದೆ. ಇದೇ ಪ್ರದರ್ಶನವನ್ನು ಮುಂದುವರಿಸಲು ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಪ್ಲಾನ್ ಮಾಡಿಕೊಂಡಿದೆ.
ಆದ್ರೆ ಡೆಲ್ಲಿ ತಂಡಗಳ ಗೆಲುವು ಅಷ್ಟು ಸುಲಭವಾಗಿಲ್ಲ. ಯಾಕಂದರೇ ಡೆಲ್ಲಿ ತಂಡದ ಗೆಲುವು ನಿಂತಿರೋದು ಇಬ್ಬರು ಮೂವರು ಬ್ಯಾಟರ್ ಗಳ ಮೇಲೆ.
ಆರಂಭಿಕ ಡೇವಿಡ್ ವಾರ್ನರ್ ಬ್ಯಾಟಿಂಗ್ ಶಕ್ತಿ ಡೆಲ್ಲಿ ತಂಡದ ಆಸ್ತಿಯಾಗಿದೆ. ವಾರ್ನರ್ ಒಂಟಿ ಸಲಗದಂತೆ ಪಂದ್ಯಗಳನ್ನು ಗೆಲ್ಲಿಸಿಕೊಡುತ್ತಿದ್ದಾರೆ.
ಇವರ ಜೊತೆಗೆ ಮಿಚೆಲ್ ಮಾರ್ಷ್ ಫಾರ್ಮ್ ಗೆ ಬಂದಿರೋದು ತಂಡಕ್ಕೆ ಆನೆ ಬಲವನ್ನು ತಂದಿದೆ. ಜೊತೆಗೆ ರೋವ್ ಮನ್ ಪೊವೆಲ್ ಕೂಡ ಮ್ಯಾಚ್ ಗಳನ್ನು ಗೆಲ್ಲಿಸಿಕೊಡುತ್ತಿದ್ದಾರೆ. ಈ ಮೂವರ ಮೇಲೆ ಡೆಲ್ಲಿ ಸೋಲು ಗೆಲುವುಗಳು ನಿಂತಿವೆ.
ಮಿಡಲ್ ಆರ್ಡರ್ ಸಮಸ್ಯೆ ಡೆಲ್ಲಿ ತಂಡವನ್ನು ಕಾಡುತ್ತಿದೆ. ರಿಷಬ್ ಪಂತ್, ಲಲಿತ್ ಯಾದವ್ ಸಮಯಕ್ಕೆ ತಕ್ಕಂತೆ ಬ್ಯಾಟ್ ಬೀಸಬೇಕಿದೆ. ಇಂದಿನ ಪಂದ್ಯಕ್ಕೆ ಪೃಥ್ವಿ ಲಭ್ಯ, ಅಲಭ್ಯತೆ ಬಗ್ಗೆ ಇನ್ನೂ ಸ್ಪಷ್ಟನೆ ಇಲ್ಲ. ಅವರ ಬದಲಿಗೆ ಯಶ್ ಧೂಲ್ ಇಂದು ಕಣಕ್ಕಿಳಿಯಬಹುದು.
ಬೌಲಿಂಗ್ ನಲ್ಲಿ ಕುಲ್ ದೀಪ್ ಯಾದವ್ ತಂಡದ ಟ್ರಂಪ್ ಕಾರ್ಡ್ ಬೌಲರ್ ಆಗಿದ್ದಾರೆ.
ಇನ್ನುಳಿದಂತೆ ಅಕ್ಷರ್ ಪಟೇಲ್, ಶರ್ದೂಲ್ ಠಾಕೂರ್, ಚೇತನ್ ಸಕಾರಿಯಾ ರನ್ ಗಳಿಗೆ ಕಡಿವಾಣ ಹಾಕುತ್ತಿದ್ದಾರೆ. DC vs PBKS Match delhi capitals playing 11
