ಬೋರ್ವೆಲ್ಗೆ ಬಿದ್ದ 18 ತಿಂಗಳ ಮಗುವನ್ನ ರಕ್ಷಿಸಿದ ಭಾರತೀಯ ಸೇನೆ…
ಹಲವಾರು ವರ್ಷಗಳಿಂದ ಭಾರತೀಯ ಸೇನೆಯು ತಮ್ಮ ಶ್ರದ್ಧೆಯ ಸೇವೆ ಮತ್ತು ರಕ್ಷಣಾ ಕಾರ್ಯಾಚರಣೆಗಳಿಂದ ಜನರ ಹೃದಯವನ್ನ ಗೆಲ್ಲುತ್ತಾ ಬಂದಿದೆ.
ಮಂಗಳವಾರ, ಗುಜರಾತ್ನ ಸುರೇಂದ್ರನಗರ ಜಿಲ್ಲೆಯಲ್ಲಿ ಬೋರ್ವೆಲ್ನಲ್ಲಿ ಒಳಗೆ ಬಿದ್ದಿದ್ದ 18 ತಿಂಗಳ ಬಾಲಕನನ್ನು ರಕ್ಷಿಸುವ ಮೂಲಕ ಸೇನೆ ಮತ್ತೊಮ್ಮೆ ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸಿದರು.
ಜೂನ್ 7, 2022 ರಂದು ರಾತ್ರಿ 8 ಗಂಟೆಯ ಸುಮಾರಿಗೆ, ದೂದಾಪುರ ಗ್ರಾಮದಲ್ಲಿ ಶಿವಂ ಎಂಬ 18 ತಿಂಗಳ ಬಾಲಕ ತಮ್ಮ ಪೋಷಕರು ಕೂಲಿ ಕೆಲಸ ಮಾಡುತ್ತಿದ್ದ ಜಮೀನಿನಲ್ಲಿ ಆಟವಾಡುತ್ತಾ ಬೋರ್ವೆಲ್ಗೆ ಬಿದ್ದಿದೆ. ಮಗು ಬೋರ್ವೆಲ್ಗೆ ಬಿದ್ದ ತಕ್ಷಣ ಜಿಲ್ಲಾಡಳಿತ ಎಚ್ಚೆತ್ತುಕೊಂಡು ರಕ್ಷಣಾ ಕಾರ್ಯಾಚರಣೆಗೆ ಮುಂದಾಗಿದೆ. ನಂತರ ಅಧಿಕಾರಿಗಳು ಧ್ರಂಗಾಧ್ರದಲ್ಲಿರುವ ಭಾರತೀಯ ಸೇನೆಯ ಶಿಬಿರದ ಸಹಾಯವನ್ನು ಕೋರಿದೆ. ಕೂಡಲೇ ಸೇನೆ ಸ್ಥಳಕ್ಕೆ ಧಾವಿಸಿ ಸಹಾಯಕ್ಕೆ ನಿಂತಿದೆ.
ಇಂಥ ಕ್ಲಿಷ್ಟ ಸನ್ನಿವೇಶದಲ್ಲಿ ಸೈನ್ಯದ ಕೌಶಲ್ಯತೆ ಮೆರೆದಿದ್ದರಿಂದ ರಕ್ಷಣಾ ಕಾರ್ಯಾಚರಣೆ ಕೆಲವೇ ನಿಮಿಷಿಗಳಲ್ಲಿ ಬಗೆಹರಿದಿತು. ಸೇನಾ ಸಿಬ್ಬಂದಿ ಲೋಹದ ಕೊಕ್ಕೆಯನ್ನು ಬಳಸಿ ಅದನ್ನು ಹಗ್ಗಕ್ಕೆ ಕಟ್ಟಿ ನಂತರ ಮಗುವಿನ ಬಟ್ಟೆಗೆ ಹುಕ್ ಅನ್ನು ಸುರಕ್ಷಿತವಾಗಿ ಸಿಕ್ಕಿಹಾಕಿಸಿದ್ದಾರೆ. ನಂತರ ಸ್ಥಿರವಾಗಿ ಹಗ್ಗ ಎಳೆದು ಮಗುವನ್ನ ಕಾಪಾಡಿದರು. ಈ ರಕ್ಷಣಾ ಕಾರ್ಯಾಚರಣೆಯು ಪೂರ್ಣಗೊಳ್ಳಲು ತೆಗೆದುಕೊಂಡಿದ್ದು ಕೇವಲ 45 ನಿಮಿಷಗಳನ್ನ.
Indian Army rescues an 18-month old baby who accidentally fell into a 300 feet deep borewell in Surendranagar, Gujarat.
We salute our soldiers for their dedication and commitment towards the nation. They are our real heros. #IndianArmy pic.twitter.com/0u4m3R9Vm2
— Pralhad Joshi (@JoshiPralhad) June 9, 2022
ನಂತರ ಮಗುವನ್ನ ಹತ್ತಿರದ ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತು, ಅಲ್ಲಿ ವೈದ್ಯರು ಮಗು ಸ್ಥಿರವಾಗಿದೆ ಮತ್ತು ಅಪಾಯದಿಂದ ಪಾರಾಗಿದ್ದಾರೆ ಎಂದು ಹೇಳಿದರು. ಸೇನೆಯ ರಕ್ಷಣೆಯ ವೀಡಿಯೊ ಶೀಘ್ರದಲ್ಲೇ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಅನೇಕ ಜನರು ಸೇನೆಯ ಕಾರ್ಯವನ್ನ ಶ್ಲಾಘಿಸಿದ್ದಾರೆ. ಹಲವಾರು ಜನರು ತಮ್ಮ ಆಸ್ತಿಯಲ್ಲಿ ತೆರೆದ ಬೋರ್ವೆಲ್ಗಳನ್ನು ಸುರಕ್ಷಿತಗೊಳಿಸಲು ವಿಫಲರಾದವರಿಗೆ ದಂಡ ವಿಧಿಸಬೇಕು ಎಂದು ಒತ್ತಾಯಿಸಿದ್ದಾರೆ.
