ಭಾರತದಲ್ಲಿ ಅಕ್ರಮವಾಗಿ ನೆಲೆಸಿದ್ದ ಚೀನಾದ ವ್ಯಕ್ತಿ ಬಂಧನ…
ಎರಡು ವರ್ಷಗಳಿಂದ ಭಾರತದಲ್ಲಿ ಅಕ್ರಮವಾಗಿ ನೆಲೆಸಿದ್ದ ಚೀನಾದ ಪ್ರಜೆಯೊಂದಿಗೆ ನಾಗಾಲ್ಯಾಂಡ್ ಮೂಲದ ಮಹಿಳೆಯನ್ನು ಗುರ್ಗಾಂವ್ ಪೊಲೀಸರು ಸೋಮವಾರ ಬಂಧಿಸಿದ್ದಾರೆ. ಗುರ್ಗಾಂವ್ನ ಪಂಚತಾರಾ ಹೋಟೆಲ್ನಲ್ಲಿ ತಂಗಿದ್ದ ಅವರನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಚೀನಾ ಪ್ರಜೆಯ ಹೆಸರು ಜಿ ಫೀ. ಆತ ಚೀನಾದ ಹೆಬೈ ಪ್ರಾಂತ್ಯದ ಜಿಂಜಿ ಪ್ರದೇಶದವನು ಎಂದು ಗುರುತಿಸಲಾಗಿದೆ. ಆತನ ಗೆಳತಿ ಪೆಟೆಕ್ರಿನು ನಾಗಾಲ್ಯಾಂಡ್ನ ಕೊಹಿಮಾದ ಮಹಿಳೆ ಎಂದು ಗುರ್ಗಾಂವ್ ಪೊಲೀಸರು ತಿಳಿಸಿದ್ದಾರೆ.
ಜಿ ಫೀ ವೀಸಾ ಜೂನ್ 2020 ರಲ್ಲಿ ಮುಕ್ತಾಯಗೊಂಡಿದೆ. ಅಂದಿನಿಂದ ಭಾರತದಲ್ಲಿ ಅಕ್ರಮವಾಗಿ ನೆಲೆಸಿದ್ದಾರೆ. ಬಿಹಾರ ಪೊಲೀಸರಿಂದ ಮಾಹಿತಿ ಪಡೆದ ನಂತರ ಅವರನ್ನು ಬಂಧಿಸಲಾಗಿದೆ. ಚೀನಾದ ಇತರ ಇಬ್ಬರು ವ್ಯಕ್ತಿಗಳಾದ ಯಿಂಗ್ ಹೀ ಲಂಗ್ (34) ಮತ್ತು ಲೋ ಲುಂಗ್ (38) ನೇಪಾಳಕ್ಕೆ ಅಕ್ರಮವಾಗಿ ಪ್ರವೇಶಿಸಲು ಪ್ರಯತ್ನಿಸುತ್ತಿದ್ದಾಗ ಗಡಿಯಲ್ಲಿ ಎಸ್ಎಸ್ಬಿ (ಶಸ್ತ್ರಸಜ್ಜಿತ ಸಿಬಾ ಬಾಲ್) ಅವರನ್ನ ವಶಪಡಿಸಿಕೊಂಡಿದ್ದರು. ಅವರ ಮೂಲಕ ಮತ್ತೊಬ್ಬ ಚೀನಾದ ವ್ಯಕ್ತಿ ಗುರ್ಗಾಂವ್ನಲ್ಲಿ ನೆಲೆಸಿರುವುದು ಗೊತ್ತಾಗಿದೆ.
ಗ್ರೇಟರ್ ನೋಯ್ಡಾ ಹೆಚ್ಚುವರಿ ಉಪ ಆಯುಕ್ತ ವಿಶಾಲ್ ಪಾಂಡೆ ಪ್ರತಿಕ್ರಿಯಿಸಿ, ಬಿಹಾರ ಪೊಲೀಸರಿಂದ ಮಾಹಿತಿ ಸ್ವೀಕರಿಸಿದ ನಂತರ ಫೀ ಮತ್ತು ಪೆಟೆಕ್ರಿನೊವೊ ಅವರನ್ನು ಬಂಧಿಸಲಾಯಿತು. ಇವರಿಬ್ಬರು ಪಂಚತಾರಾ ಹೋಟೆಲ್ನಲ್ಲಿ ತಂಗಿದ್ದಾರೆ ಎನ್ನಲಾಗಿದೆ. ನಾಗಾಲ್ಯಾಂಡ್ನ ಪೆಟೆಕ್ರಿನೊವೊ ಇಬ್ಬರು ಚೀನೀಯರಿಗೆ ಎರಡು ಸಿಮ್ ಕಾರ್ಡ್ಗಳನ್ನು ಖರೀದಿಸಿದ್ದಾರೆ. ಅವರಿಗಾಗಿ ನಕಲಿ ಮತದಾರರ ಚೀಟಿಯನ್ನೂ ಸಿದ್ಧಪಡಿಸಿರುವುದು ಬೆಳಕಿಗೆ ಬಂದಿದೆ.
ಚೀನಾ ಪ್ರಜೆಗಳು ಭಾರತಕ್ಕೆ ಏಕೆ ಬರುತ್ತಿದ್ದಾರೆ ಎಂಬುದನ್ನು ತನಿಖೆ ನಡೆಸುವುದಾಗಿ ಪಾಂಡೆ ಹೇಳಿದ್ದಾರೆ. ಈಗಾಗಲೇ ಸಂಬಂಧಪಟ್ಟ ಸಂಸ್ಥೆಗಳಿಗೆ ಎಚ್ಚರಿಕೆ ನೀಡಲಾಗಿದೆ ಎಂದು ವಿವರಿಸಿದರು.
