Wasim Jaffer | ಪಂತ್ ಬೌಲರ್ ಗಳ ಟ್ರ್ಯಾಪ್ ಗೆ ಬೀಳುತ್ತಿದ್ದಾರೆ
ಟೀಂ ಇಂಡಿಯಾ ಸ್ಟಾಂಡಿಂಗ್ ಕ್ಯಾಪ್ಟನ್ ರಿಷಬ್ ಪಂತ್ ಔಟ್ ಆಗಿರುವ ರೀತಿ ಕೊಂಚ ಆತಂಕಕಾರಿಯಾಗಿದೆ ಎಂದು ಭಾರತದ ಮಾಜಿ ಕ್ರಿಕೆಟಿಗ ವಾಸಿಂ ಜಾಫರ್ ಹೇಳಿದ್ದಾರೆ.
ಸದ್ಯ ದಕ್ಷಿಣ ಆಫ್ರಿಕಾ ವಿರುದ್ಧ ನಡೆಯುತ್ತಿರುವ ಟಿ20 ಸರಣಿಯಲ್ಲಿ ಪಂತ್ ನಿರಾಸೆ ಮೂಡಿಸಿದ್ದಾರೆ.
ಅದರಲ್ಲೂ ಪಂತ್ ಇದುವರೆಗೆ ಆಡಿದ ನಾಲ್ಕು ಪಂದ್ಯಗಳಲ್ಲಿ ಮೂರು ಆಫ್ ಸ್ಟಂಪ್ ಎಸೆತಗಳಿಗೆ ವಿಕೆಟ್ ಒಪ್ಪಿಸಿದ್ದಾರೆ.
2022 ರಲ್ಲಿ, ಪಂತ್ 16 ಬಾರಿ ಔಟ್ ಆಗಿದ್ದಾರೆ. ಅದರಲ್ಲಿ 10 ವೈಡ್ ಆಫ್ ಸ್ಟಂಪ್ ಎಸೆತಗಳಿಗೆ ಔಟ್ ಆಗಿದ್ದಾರೆ.
ಶುಕ್ರವಾರ ನಡೆದ ನಾಲ್ಕನೇ ಟಿ20ಯಲ್ಲೂ ಪಂತ್ ಅದೇ ರೀತಿ ಪೆವಿಲಿಯನ್ ಸೇರಿದರು.
“ಪಂತ್ ಸತತವಾಗಿ ಪ್ರತಿ ಪಂದ್ಯದಲ್ಲೂ ಅದೇ ರೀತಿಯಲ್ಲಿ ವಿಕೆಟ್ ಒಪ್ಪಿಸುತ್ತಿದ್ದಾರೆ.
ಬೌಲರ್ ಗಳು ಅವರಿಗೆ ವೈಡ್ ಆಫ್ ಸ್ಟಂಪ್ನಲ್ಲಿ ಬೌಲಿಂಗ್ ಮಾಡುತ್ತಿದ್ದಾರೆ.
ಅವರು ಪ್ರತಿ ಪಂದ್ಯದಲ್ಲೂ ಬೌಲರ್ ಬಲೆಗೆ ಬೀಳುತ್ತಿದ್ದಾರೆ.
ಮುಂಬರುವ ಪಂದ್ಯಗಳಲ್ಲಿ ಅವರು ತಮ್ಮ ಬ್ಯಾಟಿಂಗ್ ತಂತ್ರವನ್ನು ಬದಲಾಯಿಸಬೇಕಾಗಿದೆ ಎಂದು ವಾಸಿಂ ಜಾಫರ್ ಹೇಳಿದ್ದಾರೆ.
ಇನ್ನು ಪಂದ್ಯದ ವಿಚಾರಕ್ಕೆ ಬಂದರೆ.. ನಾಲ್ಕನೇ ಟಿ20ಯಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಟೀಂ ಇಂಡಿಯಾ 82 ರನ್ ಗಳ ಭರ್ಜರಿ ಜಯ ಸಾಧಿಸಿದೆ.
