SP ಗ್ರೂಪ್ ಅಧ್ಯಕ್ಷ ಪದ್ಮಭೂಷಣ ಪಲ್ಲೊಂಜಿ ಮಿಸ್ತ್ರಿ ನಿಧನ….
ಶಾಪೂರ್ಜಿ ಪಲ್ಲೊಂಜಿ ಗ್ರೂಪ್ ಅಧ್ಯಕ್ಷ ಪದ್ಮಭೂಷಣ ಪಲ್ಲೊಂಜಿ ಮಿಸ್ತ್ರಿ ಅವರು ಮುಂಬೈನಲ್ಲಿ 93 ನೇ ವಯಸ್ಸಿನಲ್ಲಿ ನಿಧನರಾಗಿದ್ದಾರೆ. ಪೋಲಾಂಜಿ ಅವರು ಟಾಟಾ ಸನ್ಸ್ನ ಅಧ್ಯಕ್ಷರಾಗಿದ್ದ ಸೈರಸ್ ಮಿಸ್ತ್ರಿಯವರ ತಂದೆ. ಮಾಧ್ಯಮ ವರದಿಗಳ ಪ್ರಕಾರ, ಅವರು ತಮ್ಮ 93 ನೇ ವಯಸ್ಸಿನಲ್ಲಿ ವಯೋಸಹಜ ಕಾರಣಗಳಿಂದ ಮುಂಬೈನಲ್ಲಿ ನಿಧನರಾಗಿದ್ದಾರೆ.
ಶಾಪೂರ್ಜಿ ಪಲ್ಲೋಂಜಿ ಗ್ರೂಪ್ ಎಂಜಿನಿಯರಿಂಗ್, ನಿರ್ಮಾಣ, ಮೂಲಸೌಕರ್ಯ, ರಿಯಲ್ ಎಸ್ಟೇಟ್, ಜಲಶಕ್ತಿ ಮತ್ತು ಹಣಕಾಸು ಸೇವೆಗಳ ಕ್ಷೇತ್ರಗಳಲ್ಲಿ ವ್ಯವಹಾರವನ್ನ ನಡೆಸುತ್ತಿದೆ. ಈ ಗ್ರೂಪ್ ಸುಮಾರು 50,000 ಉದ್ಯೋಗಿಗಳನ್ನ ಹೊಂದಿದ್ದು. ವಿಶ್ವದ 50 ದೇಶಗಳಲ್ಲಿ ಈ ಕಂಪನಿ ಬಿಸಿನೆಸ್ ನಡೆಸುತ್ತಿದೆ.
ಪಲ್ಲೊಂಜಿ ಮಿಸ್ತ್ರಿ ಪಾರ್ಸಿ ಕುಟುಂಬದಲ್ಲಿ ಜನಿಸಿದವರು, 2003 ರಲ್ಲಿ ಐರಿಶ್ ಪೌರತ್ವವನ್ನ ಪಡೆದಿದ್ದರು. ಅವರಿಗೆ ಭಾರತ ಸರ್ಕಾರ 2016 ರಲ್ಲಿ ಪದ್ಮಭೂಷಣ ಪ್ರಶಸ್ತಿಯನ್ನ ನೀಡಿ ಗೌರವಿಸಿದೆ. ಪಲ್ಲೊಂಜಿ ಮಿಸ್ತ್ರಿ ಅವರು ಪತ್ನಿ ಪಾಸ್ತಿ ಪೆರಿನ್ ದುಬಾಸ್ ಮತ್ತು ನಾಲ್ಕು ಮಕ್ಕಳಾದ ಶಪೂರ್ ಮಿಸ್ತ್ರಿ, ಸೈರಸ್ ಮಿಸ್ತ್ರಿ (ಪುತ್ರರು) ಮತ್ತು ಲೈಲಾ ಮಿಸ್ತ್ರಿ ಮತ್ತು ಅಲು ಮಿಸ್ತ್ರಿ (ಪುತ್ರಿಯರು) ಅವರನ್ನ ಅಗಲಿದ್ದಾರೆ. ಅವರ ಮಗ ಸೈರಸ್ ಮಿಸ್ತ್ರಿ 2012 ರಿಂದ 2016 ರವರೆಗೆ ಟಾಟಾ ಗ್ರೂಪ್ನ ಅಧ್ಯಕ್ಷರಾಗಿದ್ದರು.
ಪ್ರಧಾನಿ ನರೇಂದ್ರ ಮೋದಿ ಅವರು ಪಲ್ಲೊಂಜಿ ಮಿಸ್ತ್ರಿ ಅವರ ನಿಧನಕ್ಕೆ ಟ್ವೀಟ್ ಮಾಡುವ ಮೂಲಕ ಸಂತಾಪ ಸೂಚಿಸಿದ್ದಾರೆ ಮತ್ತು ಶ್ರದ್ಧಾಂಜಲಿ ಸಲ್ಲಿಸಿದ್ದಾರೆ.
ಕೈಗಾರಿಕೋದ್ಯಮಿ ಪಲ್ಲೊಂಜಿ ಮಿಸ್ತ್ರಿ ಅವರ ನಿಧನಕ್ಕೆ ಕೇಂದ್ರ ಸಚಿವೆ ಸ್ಮೃತಿ ಇರಾನಿ ಕೂಡ ಟ್ವೀಟ್ ಮಾಡಿ ಅವರಿಗೆ ಶ್ರದ್ಧಾಂಜಲಿ ಅರ್ಪಿಸಿದ್ದಾರೆ. ಅವರು ಪಲ್ಲೊಂಜಿ ಮಿಸ್ತ್ರಿಯವರ ಪಾಂಡಿತ್ಯ ಮತ್ತು ಕೆಲಸದ ಕಡೆಗೆ ಮೃದುತ್ವವನ್ನು ಶ್ಲಾಘಿಸಿದ್ದಾರೆ.
