WWE ಕುಸ್ತಿಪಟು ಸೌರವ್ ಗುರ್ಜರ್ ಅವರಿಂದ ಪುಷ್ಪಾ ತಗ್ಗೇದೆಲೇ ಮ್ಯಾನರಿಸಂ….
ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಅಭಿನಯದ ‘ಪುಷ್ಪ ದಿ ರೈಸ್’ ಚಿತ್ರ ಬಿಡುಗಡೆಯಾದ ಎಲ್ಲಾ ಭಾಷೆಗಳಲ್ಲಿ ಭರ್ಜರಿ ಯಶ್ಸಸ್ಸುಗಳಿಸಿತ್ತು. ಈ ಚಿತ್ರದಿಂದ ಅಲ್ಲು ಅರ್ಜುನ್ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿದ್ದಾರೆ. ರಕ್ತಚಂದನದ ಸ್ಮಗ್ಲರ್ ಆಗಿ ಪರ್ಫೆಕ್ಟ್ ಮಾಸ್ ಗೆಟ್ ಅಪ್ ನಲ್ಲಿ ಮಿಂಚುತ್ತಿದ್ದಾರೆ. ಅದರಲ್ಲೂ ತಗ್ಗೇದೆಲೇ ಎಂಬ ಐಕಾನಿಕ್ ಮ್ಯಾನರಿಸಂ ದೇಶ ವಿದೇಶಗಳಲ್ಲಿ ಜನಪ್ರಿಯತೆಯನ್ನ ಗಳಿಸಿದೆ.
ಜನಪ್ರಿಯ ಕ್ರಿಕೆಟಿಗರು ಕೂಡ ಪುಷ್ಪಾ ಚಿತ್ರದ ಐಕಾನಿಕ್ ಮ್ಯಾನರಿಸಂನೊಂದಿಗೆ ಚಿತ್ರಕ್ಕೆ ಸಾಕಷ್ಟು ಪ್ರಚಾರ ಕೊಟ್ಟಿದ್ದರು. ಈಗ ಮತ್ತೊಂದು ಕ್ರೀಡೆಗೂ ತಗ್ಗೆದೆಲೇ ಹವಾ ಕಾಲಿಟ್ಟಿದೆ. ಈ ಬಾರಿ ಡಬ್ಲ್ಯುಡಬ್ಲ್ಯುಇ ವೇದಿಕೆಯಲ್ಲಿ ಐಕಾನಿಕ್ ಮ್ಯಾನರಿಸಂ ಕಂಡು ಬಂದಿದೆ.
ವಿಶ್ವದ ಅತ್ಯಂತ ಜನಪ್ರಿಯ ಶೋ ವರ್ಲ್ಡ್ ವ್ರೆಸ್ಲಿಂಗ್ ಎಂಟರ್ಟೈನಿಂಗ್ ಶೋನಲ್ಲಿ ಭಾರತದ ಕುಸ್ತಿಪಟು ಸೌರವ್ ಗುರ್ಜಾರ್ ಅವರ ಪುಷ್ಪಾ ಮ್ಯಾನರಿಸಂ ಜುಕೆಂಗಾ ನಯಿ ಅಥವಾ ತಗ್ಗೇದೆ ಲೇ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಇದು ಪುಷ್ಟ ಚಿತ್ರದ ಕ್ರೇಜ್ ಎಲ್ಲಯವರೆಗೆ ಮುಟ್ಟಿದೆ ಎನ್ನುವುದಕ್ಕೆ ಸಾಕ್ಷಿ… ಸೌರವ್ ಗುರ್ಜಾರ್ ಈ ವಿಡಿಯೋವನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದು, ಅಲ್ಲು ಅರ್ಜುನ್ ಅವರ ಅಭಿಮಾನಿಗಳು ವೀಡಿಯೊಗೆ ಪ್ರತಿಕ್ರಿಯಿಸುತಾ ಶೇರ್ ಮಾಡಿಕೊಳ್ಳುತ್ತಿದ್ದಾರೆ.
