ಅದು 1998ರ ಶಾರ್ಜಾಕಪ್ ಟೂರ್ನಿ. ಆ ಟೂರ್ನಿಯನ್ನು ನೆನಪಿಸಿಕೊಂಡಾಗ ಕಣ್ಣ ಮುಂದೆ ಬರುವುದು ಮಾಸ್ಟರ್ ಬ್ಲ್ಯಾಸ್ಟರ್ ಅವರ ಆ ಎರಡು ಮಹೋನ್ನತ ಇನಿಂಗ್ಸ್‍ಗಳು. ಶಾರ್ಜಾದ ಮರುಭೂಮಿಯಲ್ಲಿ ಸುಂಟರಗಾಳಿಯಂತೆ ಬ್ಯಾಟ್ ಬೀಸಿದ್ದ ಸಚಿನ್ ತೆಂಡುಲ್ಕರ್ ಬಲಿಷ್ಠ ಆಸ್ಟ್ರೇಲಿಯಾ ವಿರುದ್ಧ ಎರಡು ಶತಕಗಳನ್ನು ದಾಖಲಿಸಿ ಭಾರತಕ್ಕೆ ಕೋಕಾ ಕೋಲಾ ಕಪ್ ಗೆಲ್ಲಿಸಿಕೊಡುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.
ಇದೀಗ ಟೀಮ್ ಇಂಡಿಯಾದ ಎಡಗೈ ಬ್ಯಾಟ್ಸ್ ಮೆನ್, ಅದ್ಭುತ ಫೀಲ್ಡರ್ ಸುರೇಶ್ ರೈನಾ ಸಚಿನ್ ಬ್ಯಾಟಿಂಗ್ ನೋಡಲು ಏನು ಮಾಡುತ್ತಿದ್ದರು ಎಂಬುದನ್ನು ಹೇಳಿಕೊಂಡಿದ್ದಾರೆ. ಅಂದ ಹಾಗೇ, ಅದ್ರಲ್ಲೂ 90ರ ದಶಕದಲ್ಲಿ ಸಚಿನ್ ತೆಂಡುಲ್ಕರ್ ಪ್ರತಿಯೊಂದು ಮನೆ ಮನದ ಮಾತಾಗಿದ್ದರು. ಪ್ರತಿಯೊಬ್ಬ ಯುವ ಕ್ರಿಕೆಟಿಗರು ಸಚಿನ್ ರಂತೆ ಆಡಬೇಕು ಅಂತ ಕನಸು ಕಾಣುತ್ತಿದ್ದರು. ಅದಕ್ಕೆ ಸುರೇಶ್ ರೈನಾ ಕೂಡ ಹೊರತಲ್ಲ.
Related posts
ನಾನು ಆಗ ಏಳನೇ ಕ್ಲಾಸ್ ಓದುತ್ತಿದ್ದೆ. ನನಗೆ ಆಗ 12 ವರ್ಷ, ನಮ್ಮ ಮನೆಯಲ್ಲೂ ಟಿವಿ ಇತ್ತು. ಆದ್ರೆ ಅದ್ರಲ್ಲಿ ದೂರದರ್ಶನ ಮಾತ್ರ ಬರುತ್ತಿತ್ತು. ಆಗ ನಾನು ಸಚಿನ್ ಆಟವನ್ನು ನೋಡಲು ಕೊನೆಯ ಎರಡು ಕ್ಲಾಸ್‍ಗಳಿಗೆ ಚಕ್ಕರ್ ಹಾಕುತ್ತಿದ್ದೆ. ಆಗ ಶಾರ್ಜಾದಲ್ಲಿ ಶಾರ್ಜಾಕಪ್ ಕ್ರಿಕೆಟ್ ಟೂರ್ನಿ ನಡೆಯುತ್ತಿತ್ತು. ನನ್ನ ಹೀರೋ ಸಚಿನ್ ತೆಂಡುಲ್ಕರ್ ಅವರ ಬ್ಯಾಟಿಂಗ್ ನೋಡಲು ಅಷ್ಟೊಂದು ಕ್ರೇಜ್ ಇತ್ತು ಎಂಬುದನ್ನು ನೆನಪಿಸಿಕೊಂಡಿದ್ದಾರೆ.
ಅಷ್ಟೇ ಅಲ್ಲ, ಸಚಿನ್ ಸತತ ಎರಡು ಶತಕ ಸಿಡಿಸಿದ್ದರು. ಅದ್ರಲ್ಲೂ ಮೈಕೆಲ್ ಕ್ಯಾಸ್ಪ್ರೋವಿಚ್ ಅವರಿಗೆ ಹೊಡೆದ ಸಿಕ್ಸರ್‍ಗಳನ್ನು ವೀಕ್ಷಣೆ ವಿವರಣೆಕಾರ ಟೋನಿ ಗ್ರೇಗ್ ಅವರ ಕಂಚಿನ ಕಂಠದಲ್ಲಿ ಕೇಳುತ್ತಿದ್ದೇವು. ಆಗ ನಮಗೆ ಅಷ್ಟೊಂದು ಇಂಗ್ಲೀಷ್ ಕೂಡ ಅರ್ಥ ಆಗುತ್ತಿರಲಿಲ್ಲ. ಆದ್ರೆ ಟೋನಿ ಗ್ರೇಗ್ ಅವರು ಸಚಿನ್ ಆಟದ ವೈಖರಿಯನ್ನು ವರ್ಣಿಸುತ್ತಿದ್ದ ಪದಗಳನ್ನು ಕೇಳಿದಾಗ ನಾನು ಪುಳಕಗೊಳ್ಳುತ್ತಿದೆ ಅಂತಾರೆ ಸಚಿನ್.
ಇನ್ನು ಸಚಿನ್ ಔಟಾದಾಗ ನಂತರ ನಾನು ಪಂದ್ಯವನ್ನು ನೋಡ್ತಾ ಇರಲಿಲ್ಲ. ಕೆಲವೊಮ್ಮೆ ದ್ರಾವಿಡ್ ಭಾಯ್ ಅವರ ಆಟವನ್ನು ನೋಡುತ್ತಿದ್ದೆ ಎಂದು ರೈನಾ ಹೇಳಿದ್ದಾರೆ. ಅಚ್ಚರಿಯಂದ್ರೆ ಏಳೆಂಟು ವರ್ಷಗಳ ನಂತರ ಸುರೇಶ್ ರೈನಾ ದ್ರಾವಿಡ್, ಸಚಿನ್ ಜೊತೆಯಾಗಿಯೇ ಆಡಿದ್ದರು. ಅಲ್ಲದೆ 2011ರ ವಿಶ್ವಕಪ್ ನಲ್ಲಿ ತನ್ನ ಆರಾಧ್ಯ ದೈವ ಆಗಿದ್ದ ಸಚಿನ್ ಜೊತೆಯಲ್ಲೇ ವಿಶ್ವಕಪ್ ಟ್ರೋಫಿಯನ್ನು ಹಿಡಿದಿದ್ದರು.
