IND vs WI : ಕೆರಿಬಿಯನ್ ನೆಲದಲ್ಲಿ ಟೀಂ ಇಂಡಿಯಾ ಹೊಸ ಚರಿತ್ರೆ
ಕೆರಿಬಿಯನ್ ನೆಲದಲ್ಲಿ ಟೀಂ ಇಂಡಿಯಾ ಹೊಸ ಚರಿತ್ರೆಯನ್ನ ಸೃಷ್ಠಿಸಿದೆ.
ವಿಂಡೀಸ್ ತಂಡವನ್ನು ತಮ್ಮದೇ ನೆಲದಲ್ಲಿ ವೈಟ್ ವಾಷ್ ಮಾಡಿದ್ದು ಇದೇ ಮೊದಲ ಬಾರಿ.
ಬುಧವಾರ ನಡೆದ ಕೊನೆಯ ಪಂದ್ಯದಲ್ಲಿ ಟೀಂ ಇಂಡಿಯಾ ವೆಸ್ಟ್ ಇಂಡೀಸ್ ತಂಡವನ್ನು 119 ರನ್ ಗಳ ಭಾರಿ ಅಂತರದಿಂದ ಸೋಲಿಸಿದೆ.
ಇದರೊಂದಿಗೆ ಟೀಂ ಇಂಡಿಯಾ ಮೂರು ಪಂದ್ಯಗಳ ಏಕದಿನ ಸರಣಿಯನ್ನು ಕ್ಲೀನ್ ಸ್ವೀಪ್ ಸಾಧಿಸಿದೆ.
ಯುವ ಬ್ಯಾಟರ್ ಶುಭ್ ಮನ್ ಗಿಲ್ ಸೆಂಚೂರಿಗೆ ಇನ್ನೆರಡು ರನ್ ಗಳ ಅಂತರದಲ್ಲಿ ಮಳೆಯಿಂದ ಭಾರತದ ಇನ್ನಿಂಗ್ಸ್ ಕೊನೆಗೊಂಡಿತ್ತು.
ಡಕ್ವರ್ಥ್ ಲೂಯಿಸ್ ಪದ್ದತಿಯಲ್ಲಿ ಭಾರತ ನೀಡಿದ 257 ರನ್ ಗಳ ಗುರಿಯನ್ನ ಬೆನ್ನಟ್ಟಿದ ವೆಸ್ಟ್ ಇಂಡೀಸ್ ಕೇವಲ 137 ರನ್ ಗಳಿಗೆ ಸರ್ವಪತನಗೊಂಡಿತು.
ಇದರೊಂದಿಗೆ ಟೀಂ ಇಂಡಿಯಾ 119 ರನ್ ಗಳ ಗೆಲುವು ಸಾಧಿಸಿತು. ಇದರೊಂದಿಗೆ ಟೀಂ ಇಂಡಿಯಾ ಹಲವು ದಾಖಲೆಗಳನ್ನು ಬರೆದಿದೆ.
119 ರನ್ ಗಳ ಗೆಲುವು : ವಿಂಡೀಸ್ ನಾಡಲ್ಲಿ ಭಾರತಕ್ಕೆ ಸಿಕ್ಕ ಅತಿ ದೊಡ್ಡ ಗೆಲುವು
ದ್ವಿಪಕ್ಷೀಯ ಏಕದಿನ ಸರಣಿಯ ಭಾಗವಾಗಿ 2007 ರಿಂದ 2022 ವರೆಗೂ ನೋಡಿದ್ರೆ ವೆಸ್ಟ್ ಇಂಡೀಸ್ ಮೇಲೆ ಟೀಂ ಇಂಡಿಯಾಗೆ ಇದು 12 ನೇ ಸರಣಿ ಗೆಲುವು.
ಅಷ್ಟೆ ಅಲ್ಲದೇ ಒಂದು ತಂಡದ ಮೇಲೆ ಅತ್ಯಧಿಕ ಏಕದಿನ ಸರಣಿ ಗೆದ್ದ ಪಟ್ಟಿಯಲ್ಲಿ ಟೀಂ ಇಂಡಿಯಾ ಮೊದಲ ಸ್ಥಾನದಲ್ಲಿದೆ. ಎರಡನೇ ಸ್ಥಾನದಲ್ಲಿ ಪಾಕಿಸ್ತಾನ ತಂಡ ಇದೆ.
ವಿಂಡೀಸ್ ತಂಡವನ್ನು ಕ್ಲೀಸ್ ಸ್ವೀಪ್ ಮಾಡಿದ ಭಾರತ ತಂಡ, ಒಂದು ಕ್ಯಾಲೆಂಡರ್ ವರ್ಷದಲ್ಲಿ ಒಂದು ತಂಡವನ್ನು ಎರಡು ಬಾರಿ ವೈಟ್ ವಾಷ್ ಮಾಡಿದ ಮೂರನೇ ತಂಡವಾಗಿದೆ.
ಈ ವರ್ಷದ ಫೆಬ್ರವರಿಯಲ್ಲಿ ಭಾರತ ಪ್ರವಾಸಕ್ಕೆ ಬಂದ ವೆಸ್ಟ್ ಇಂಡೀಸ್ ತಂಡವನ್ನು ಟೀಂ ಇಂಡಿಯಾ 3-0 ಅಂತರದೊಂದಿಗೆ ವೈಟ್ ವಾಶ್ ಮಾಡಿತ್ತು. 2001ರಲ್ಲಿ ಜಿಂಬಾಬೆ ತಂಡ ಬಾಂಗ್ಲಾದೇಶವನ್ನು ಎರಡು ಬಾರಿ ವೈಟ್ ವಾಶ್ ಮಾಡಿತ್ತು.
2006ರಲ್ಲಿ ಕೀನ್ಯ ಕ್ರಿಕೆಟ್ ತಂಡವನ್ನು ಬಾಂಗ್ಲಾದೇಶ ತಂಡ ಎರಡು ಬಾರಿ ಕ್ಲೀನ್ ಸ್ವೀಪ್ ಮಾಡಿತ್ತು.
ಈ ವರ್ಷ ಜೂನ್ – ಜುಲೈ ನಡುವೆ ವೆಸ್ಟ್ ಇಂಡೀಸ್ ತಂಡ 9 ಏಕದಿನ ಪಂದ್ಯದಲ್ಲಿ ಸೋಲು ಕಂಡಿದೆ.
ಇದಕ್ಕೂ ಮೊದಲು 2005ರ ಫೆಬ್ರವರಿ – ಆಗಷ್ಟ್ ನಡುವೆ 11 ಪಂದ್ಯ, ಅಕ್ಟೋಬರ್ 1999 ಜನವರಿ 2000ರ ನಡುವೆ 8 ಏಕದಿನ ಪಂದ್ಯ, ಜುಲೈ 2009 – ಫೆಬ್ರವರಿ 2010ರ ನಡುವೆ 8 ಏಕದಿನ ಪಂದ್ಯದಲ್ಲಿ ಸೋಲು ಕಂಡಿತ್ತು.
