ಗಾಂಧಿಜೀ ನಂತರ ಜನಸಾಮಾನ್ಯರ ಭಾವನೆಗಳನ್ನ ಅರ್ಥ ಮಾಡಿಕೊಂಡ ಏಕೈಕ ನಾಯಕ ಮೋದಿ – ರಾಜನಾಥ್ ಸಿಂಗ್
ಮಹಾತ್ಮಾ ಗಾಂಧಿ ನಂತರ ಜನಸಾಮಾನ್ಯರ ಭಾವನೆಗಳನ್ನು ಅರ್ಥಮಾಡಿಕೊಂಡ ಏಕೈಕ ನಾಯಕ ಪ್ರಧಾನಿ ನರೇಂದ್ರ ಮೋದಿ ಎಂದು ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಹೇಳಿದ್ದಾರೆ. ಮೋದಿಯವರ ಆಡಳಿತ ಮತ್ತು ಸಾಂಸ್ಥಿಕ ಸಾಮರ್ಥ್ಯಗಳನ್ನು ಹೊಗಳಿದ ರಾಜನಾಥ್ ಸಿಂಗ್ ಸಮಕಾಲೀನ ರಾಜಕೀಯದಲ್ಲಿ ಅವರಿಗೆ ಯಾವುದೇ ಸರಿಸಮನಾದವರಿಲ್ಲ ಎಂದು ಹೇಳಿದರು.
‘ದಿ ಆರ್ಕಿಟೆಕ್ಟ್ ಆಫ್ ದಿ ನ್ಯೂ ಬಿಜೆಪಿ: ನರೇಂದ್ರ ಮೋದಿ ಪಕ್ಷವನ್ನು ಹೇಗೆ ಪರಿವರ್ತಿಸಿದರು’ ಪುಸ್ತಕ ಬಿಡುಗಡೆ ಸಮಾರಂಭದಲ್ಲಿ ಮಾತನಾಡಿದ ರಾಜನಾಥ್ ಸಿಂಗ್, ಪ್ರಧಾನಿಯವರು ತಮ್ಮನ್ನು ನಂಬುವ ಜನರೊಂದಿಗೆ ನೇರವಾಗಿ ಸಂಪರ್ಕ ಸಾಧಿಸುತ್ತಾರೆ ಎಂದು ಹೇಳಿದರು. ಮೋದಿ ಅವರು ಸಿದ್ಧಾಂತದಲ್ಲಿ ರಾಜಿ ಮಾಡಿಕೊಳ್ಳದೆ ಬಿಜೆಪಿಯನ್ನು ತಮ್ಮ ಆವಿಷ್ಕಾರಗಳಿಂದ ‘ಚುನಾವಣೆ ಗೆಲ್ಲುವ ಯಂತ್ರ’ವನ್ನಾಗಿ ಮಾಡಿದ್ದಾರೆ ಎಂದು ರಕ್ಷಣಾ ಸಚಿವರು ಹೇಳಿದರು. ಕಳೆದ ಎಂಟು ವರ್ಷಗಳಲ್ಲಿ ಬಿಜೆಪಿಯ ಸಿದ್ಧಾಂತ ಮತ್ತು ರಾಜಕೀಯ ಘಟನೆಗಳು ಪಕ್ಷದ ‘ಅಜೇಯ’ ಪಯಣಕ್ಕೆ ಕೊಡುಗೆ ನೀಡಿರಬಹುದು, ಆದರೆ ಈ ಪರಿಕಲ್ಪನೆಯನ್ನು ಜನರ ಬಳಿಗೆ ಕೊಂಡೊಯ್ಯುವಲ್ಲಿ ಮತ್ತು ಅವರ ನಂಬಿಕೆಯನ್ನು ಗೆಲ್ಲುವಲ್ಲಿ ಮೋದಿಯವರ ತಂತ್ರಕ್ಕೆ ಸರಿಸಮವಿಲ್ಲ ಎಂದು ಸಿಂಗ್ ಹೇಳಿದರು.
ರಕ್ಷಣಾ ಸಚಿವರು ಮಾತನಾಡಿ, ಬಿಜೆಪಿಯವರು ತಮಗೆ ಯಾವುದೇ ಕೆಲಸವನ್ನು ವಹಿಸಿದ್ದರೂ, ಮೋದಿಯವರು ಅದನ್ನು ನಿರ್ವಹಿಸಿದರು ಮತ್ತು ನಿರೀಕ್ಷೆಗಿಂತ ಹೆಚ್ಚಿನದನ್ನು ನೀಡಿದ್ದಾರೆ. ನವೀನ ವಿಧಾನ ಮತ್ತು ಸಾಂಪ್ರದಾಯಿಕ ಕಾರ್ಯಚಟುವಟಿಕೆಯಲ್ಲಿ ಅವರು ಮಾಡಿದ ಬದಲಾವಣೆಗಳು ಮೋದಿಯವರ ನಿರಂತರ ಜನಪ್ರಿಯತೆಯನ್ನ ಹೆಚ್ಚಿಸಿದೆ ಎಂದು ತಿಳಿಸಿದರು.
