Bengaluru rains: ಹಲವು ದಾಖಲೆಗಳನ್ನ ಮುರಿದ ಬೆಂಗಳೂರು ಮಳೆ…
ಬೆಂಗಳೂರಿನಲ್ಲಿ ಬುಧವಾರ ತಡರಾತ್ರಿ ಸುರಿದ ಗುಡುಗು ಸಿಡಿಲು ಸಹಿತ ಮಳೆಯಿಂದಾಗಿ ಜನಜೀವನ ಅಸ್ತವ್ಯಸ್ತಗೊಂಡಿದ್ದು ನಗರದ ಹಲವು ಭಾಗಗಳು ಜಲಾವೃತಗೊಂಡಿದೆ. ಮರಗಳು ಉರುಳಿ ಬಿದ್ದಿದ್ದು, ವಾಹನಗಳಿಗೆ ಹಾನಿಯಾಗಿದೆ ಮತ್ತು ನಗರದ ಕೆಲವು ಭಾಗಗಳಲ್ಲಿ ವಿದ್ಯುತ್ ವ್ಯತ್ಯಯ ಉಂಟಾಗಿದೆ.
ಈ ವರ್ಷ ಭಾರಿ ಮಳೆಯಿಂದಾಗಿ ಬೆಂಗಳೂರು ಹಲವು ದಾಖಲೆಗಳನ್ನ ಮುರಿದಿದೆ. ಈ ವರ್ಷದ ಮಾನ್ಸೂನ್ ನಿಂದ 1706 ಮಿಮೀ ಮಳೆ ಬಂದಿದ್ದು, 2017 ರಲ್ಲಿ 1696 ಮಿಮೀ ಮಳೆಯಾಗಿತ್ತು.
ಬುಧವಾರ, ಬೆಂಗಳೂರಿನಲ್ಲಿ ರಾತ್ರಿ 8.30 ರಿಂದ 11.30 ರ ನಡುವೆ ಮೂರು ಗಂಟೆಗಳ ಅವಧಿಯಲ್ಲಿ 54.5ಮಿಮೀ ಮಳೆಯಾಗಿದೆ. ಬೆಂಗಳೂರಿನಲ್ಲಿ ಅಕ್ಟೋಬರ್ 1 ರಿಂದ ಬುಧವಾರದವರೆಗೆ (305.5 ಮಿಮೀ) ವಾಡಿಕೆಗಿಂತ ಎರಡು ಪಟ್ಟು ಮಳೆಯಾಗಿದೆ.
ಬೆಂಗಳೂರಿನ ಶೇಷಾದ್ರಿಪುರಂನಲ್ಲಿ ತಗ್ಗು ಪ್ರದೇಶಗಳು ಮತ್ತು ಅಂಡರ್ಪಾಸ್ಗಳಲ್ಲಿ ನೀರು ತುಂಬಿಕೊಂಡಿದೆ. ಬೆಂಗಳೂರಿನ ಮೆಟ್ರೋದ ತಡೆಗೋಡೆ ಕುಸಿದು ಕಾರುಗಳು ಮತ್ತು ಬೈಕ್ಗಳಿಗೆ ಹಾನಿಯಾಗಿದೆ.
ಹೊರ ವರ್ತುಲ ರಸ್ತೆ, ಕೋರಮಂಗಲ, ಇಂದಿರಾನಗರ, ಡಬಲ್ ರೋಡ್, ಶೇಷಾದ್ರಿಪುರಂನ ಕೆಲವು ಭಾಗಗಳು ಮತ್ತು ಕೆಆರ್ ಪುರಂ ಬಳಿಯ ಕೆಲವು ಪ್ರದೇಶಗಳಲ್ಲಿ ಪ್ರವಾಹ ವರದಿಯಾಗಿದೆ. ಶಿವಾಜಿನಗರದಲ್ಲಿ ದ್ವಿಚಕ್ರ ವಾಹನಗಳು ಕೊಚ್ಚಿ ಹೋಗುತ್ತಿರುವ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ.
ಈ ವಾರ ಇನ್ನೂ ಕೆಲವು ಗುಡುಗು ಸಹಿತ ಮಳೆಯಾಗಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆ (ಐಎಂಡಿ) ಹೇಳಿದೆ.
Bengaluru rains: Bengaluru rains break many records…
