Telangana: 100 ಜನ ಯುವಕರಿಂದ ಹಾಡಹಗಲೇ ಯುವತಿ ಕಿಡ್ನಾಪ್…
100 ಜನ ಯುವಕರು ಸೇರಿ 24 ವರ್ಷದ ಒಂದು ಹುಡುಗಿಯನ್ನ ಹಾಡಹಗಲೇ ಕಿಡ್ನಾಪ್ ಮಾಡಿರುವ ಆಘಾತಕಾರಿ ಘಟನೆ ತೆಲಂಗಾಣದ ರಂಗಾ ರೆಡ್ಡಿಯಲ್ಲಿ ನಡೆದಿದೆ. ಶುಕ್ರವಾರ ಬೆಳಿಗ್ಗೆ ಪೊಲೀಸರು ಮಾಹಿತಿ ತಿಳಸಿದ್ದಾರೆ.
ರಂಗಾ ರೆಡ್ಡಿಯ ಆದಿಬಟ್ಲಾ ಪ್ರದೇಶದಲ್ಲಿ 24 ವರ್ಷದ ಮಹಿಳೆಯನ್ನು ಆಕೆಯ ಮನೆಯಿಂದ ಅಪಹರಿಸುತ್ತಿ ವಿಡಿಯೋಗಳು ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು ವಿಡಿಯೋ ವೈರಲ್ ಆಗುತ್ತಿವೆ. ಮಾಸ್ಕ್ ಧರಿಸಿಕೊಂಡು ಬಂದ ವ್ಯಕ್ತಿಗಳು ಮನೆಗೆ ನುಗ್ಗಿ ಬಾಲಕಿಯ ತಾಯಿ ಮತ್ತು ತಂದೆ ಮೇಲೆ ಹಲ್ಲೆ ಮಾಡಿದ್ದಾರೆ.
ಸುಮಾರು 100 ಯುವಕರು ತಮ್ಮ ಮನೆಗೆ ನುಗ್ಗಿ ತಮ್ಮ ಮಗಳು ವೈಶಾಲಿಯನ್ನು ಬಲವಂತವಾಗಿ ಕರೆದೊಯ್ದು ಮನೆಯನ್ನು ಧ್ವಂಸ ಮಾಡಿದ್ದಾರೆ ಎಂದು ಬಾಲಕಿಯ ಪೋಷಕರು ಆರೋಪಿಸಿದ್ದಾರೆ. ಬಾಲಕಿ ಅಪಹರಣವನ್ನ ತಡೆಯಲು ಬಂದ ನೆರೆಹೊರೆಯರ ಮೇಲೂ ದಾಳಿ ಮಾಡಿದ್ದಾರೆ.
ಮಗಳಿಗೆ ಪ್ರಪೋಸ್ ಮಾಡಿದವರ ಕೈವಾಡವಿದೆ ಎಂದು ಬಾಲಕಿಯ ತಾಯಿ ಶಂಕಿಸಿದ್ದು, ಪೊಲೀಸರು ಸಕಾಲದಲ್ಲಿ ಸ್ಪಂದಿಸಿಲ್ಲ ಎಂದು ಆರೋಪಿಸಿದರು. ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಮಾಧ್ಯಮಗಳೊಂದಿಗೆ ಮಾತನಾಡಿದ ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು, “ಇದು ಖಂಡಿತವಾಗಿಯೂ ಗಂಭೀರ ಅಪರಾಧವಾಗಿದೆ. ನಾವು ಪೋಷಕರೊಂದಿಗೆ ಮಾತನಾಡಿದ್ದೇವೆ ಮಾಹಿತಿಯನ್ನ ತೆಗೆದುಕೊಂಡಿದ್ದೇವೆ. u/s 307 ಮತ್ತು IPC ಯ ಇತರ ಸೆಕ್ಷನ್ಗಳ ಅಡಿಯಲ್ಲಿ ಪ್ರಕರಣಗಳನ್ನು ದಾಖಲಿಸಿದ್ದೇವೆ. ಬೆದರಿಕೆಗೆ ಸಂಬಂಧಿಸಿ ತನಿಖೆ ನಡೆಯುತ್ತಿದೆ.” ಎಂದು ತಿಳಿಸಿದ್ದಾರೆ.
Telangana: Young woman kidnapped in broad daylight by 100 youths…
