Ind Vs Ban Test : ದೊಡ್ಡ ಗೆಲುವಿನ ನಿರೀಕ್ಷೆಯಲ್ಲಿ ಟೀಮ್ ಇಂಡಿಯಾ
ಚೇತೇಶ್ವರ್ ಪೂಜಾರ ಹಾಗೂ ಶು`Àಮನ್ ಗಿಲ್ ಅವರುಗಳ ಶತಕದ ನೆರವಿನಿಂದ ಟೀಮ್ ಇಂಡಿಯಾ ಆತಿಥೇಯ ಬಾಂಗ್ಲಾ ವಿರುದ್ಧ ಬಿಗಿ ಹಿಡಿತ ಸಾಸಿದೆ. ಬಾಂಗ್ಲಾ ತಂಡಕ್ಕೆ ಗೆಲ್ಲಲು 471 ರನ್ಗಳ ಅಗತ್ಯವಿದೆ.
ಚಿತ್ತಗಾಂಗ್ನ ಜಾಹುರ್ ಅಹ್ಮದ್ ಚೌಧರಿ ಮೈದಾನದಲ್ಲಿ ನಡೆದ 3ನೇ ದಿನದಾಟದ ಪಂದ್ಯದಲ್ಲಿ ಬ್ಯಾಟಿಂಗ್ ಮುಂದುವರೆಸಿದ ಬಾಂಗ್ಲಾದೇಶ ಮೊದಲ ಇನ್ನಿಂಗ್ಸ್ನಲ್ಲಿ 150 ರನ್ ಗಳಿಗೆ ಆಲೌಟ್ ಆಯಿತು. ಭಾರತ ತಂಡ ಎರಡನೆ ಇನ್ನಿಂಗ್ಸ್ನಲ್ಲಿ 2 ವಿಕೆಟ್ ಕಳೆದುಕೊಂಡು 258 ರನ್ ಗಳಿಸಿ ಡಿಕ್ಲೇರ್ ಮಾಡಿಕೊಂಡಿತು.
ದಿನದ ಆರಂಭದಲ್ಲಿ ಬ್ಯಾಟಿಂಗ್ ಮುಂದುವರೆಸಿದ ಮೆಹದಿ ಹಸನ್ 25, ಎಬೊಡೊಟ್ ಹೊಸೇನ್17 ರನ್ ಗಳಿಸಿದರು. ಭಾರತ ಪರ ಕುಲ್ದೀಪ್ ಯಾದವ್ 40ಕ್ಕೆ 5 ವಿಕೆಟ್ ಪಡೆದು ಮಿಂಚಿದರು.
254 ರನ್ಗಳ ಮುನ್ನಡೆಯೊಂದಿಗೆ ಎರಡನೆ ಇನ್ನಿಂಗ್ಸ್ ಆರಂಭಿಸಿದ ಟೀಮ್ ಇಂಡಿಯಾ ಆರಂಭದಲ್ಲೆ ನಾಯಕ ಕೆ.ಎಲ್.ರಾಹುಲ್(23ರನ್) ಅವರ ವಿಕೆಟ್ ಕಳೆದುಕೊಂಡಿತು.
ಬಾಂಗ್ಲಾ ಬೌಲರ್ಗಳನ್ನು ಬೆಂಡೆತ್ತಿದ ಈ ಜೋಡಿ 113 ರನ್ಗಳ ಜೊತೆಯಾಟ ನೀಡಿತು.
ಶುಭಮನ್ ಗಿಲ್ ಜೊತೆಗೂಡಿದ ಚೇತೇಶ್ವರ ಪೂಜಾರ ಭರ್ಜರಿ ಬ್ಯಾಟಿಂಗ್ ಮಾಡಿದರು. ಬೌಂಡರಿಗಳ ಸುರಿಮಳೆಗೈದ ಶುಭಮನ್ ಗಿಲ್ 84 ಎಸೆತದಲ್ಲಿ ಅರ್ಧ ಶತಕ ಸಿಡಿಸಿದರು.
ಚೇತೇಶ್ವರ ಪುಜಾರ 87 ಎಸೆತದಲ್ಲಿ ಅರ್ಧ ಶತಕ ಹೊಡೆದರು. ನಂತರವೂ ಅಬ್ಬರಿಸಿದ ಶುಭಮನ್ 147 ಎಸೆತದಲ್ಲಿ ಶತಕ ಪೂರೈಸಿದರು. ಟೆಸ್ಟ್ನಲ್ಲಿ ಚೊಚ್ಚಲ ಅಂತಾರಾಷ್ಟ್ರೀಯ ಶತಕ ಸಿಡಿಸಿ ಸಂಭ್ರಮಿಸಿದರು. ನಂತರ ಪೂಜಾರ 130 ಎಸೆತದಲ್ಲಿ ಶತಕ ಹೊಡೆದರು.
ಶುಭಮನ್ ಗಿಲ್ (110 ರನ್, 10 ಬೌಂಡರಿ, 3 ಸಿಕ್ಸರ್),ಮೆಹದಿ ಹಸನ್ಗೆ ವಿಕೆಟ್ ಒಪ್ಪಿಸಿದರು. ವಿರಾಟ್ ಕೊಹ್ಲಿ ಅಜೇಯ 19 ರನ್, ಚೇತೇಶ್ವರ ಪೂಜಾರ ಅಜೇಯ 102 ರನ್ ಗಳಿಸಿದರು. ಮೊತ್ತ 258 ರನ್ಗಳಾಗಿದ್ದಾಗ ಭಾರತ ಡಿಕ್ಲೇರ್ ಮಾಡಿಕೊಂಡಿತು.
ಬಾಂಗ್ಲಾ ಪರ ಖಲೀದ್ ಅಹ್ಮದ್ ಹಾಗೂ ಮೆಹದಿ ಹಸನ್ ತಲಾ 1 ವಿಕೆಟ್
ಪಡೆದರು.
513 ರನ್ಗಳ ಗೆಲುವಿನ ಗುರಿ ಪಡೆದು ದಿನದಾಟದ ಅಂತ್ಯದಲ್ಲಿ ಎರಡನೆ ಇನ್ನಿಂಗ್ಸ್ ಆರಂಭಿಸಿದ ಬಾಂಗ್ಲಾದೇಶ ಯಾವುದೇ ವಿಕೆಟ್ ನಷ್ಟವಿಲ್ಲದೇ 42 ರನ್ ಗಳಿಸಿದೆ. ನಜ್ಮುಲ್ ಹೊಸೇನ್ ಅಜೇಯ 25, ಜಾಕೀರ್ ಹಸನ್ 17 ರನ್ ಗಳಿಸಿ ನಾಲ್ಕನೆ ದಿನಕ್ಕೆ ಕ್ರೀಸ್ಕಾಯ್ದುಕೊಂಡಿದ್ದಾರೆ.
